नांदेडातील पाणीपुरवठा कामावर चोरीचे पाईप; कंपनीला नोटीस – eNavakal
News महाराष्ट्र

नांदेडातील पाणीपुरवठा कामावर चोरीचे पाईप; कंपनीला नोटीस

नांदेड- चोरीचे पाईप वापरून पाणी पुरवठा योजनेचे काम करणाऱ्या शासकीय कंत्राटदाराला नांदेडचे मनपा आयुक्त गणेश देशमुख यांनी खुलासा सादर करण्याचे आदेश दिले आहेत.

6 मार्च पासून जुन्या नांदेड भागात सुरू असलेल्या अण्णाभाऊ साठे नागरी वस्ती सुधार योजनेअंतर्गत प्रभाग क्रमांक 31 मध्ये पाणी पुरवठा योजनेची नवीन पाईपलाईन टाकण्याच्या सुरु असलेल्या कामात पोलीसांनी दखल दिली आहे . सुरूवातीला 17 आणि नंतर जवळपास 200 पाईप इतवारा पोलीसांनी जप्त करून पोलीस ठाणे इतवारा येथे ठेवले. तेलंगणा राज्यातून चोरून आणलेल्या पाईपच्या माध्यमाने नांदेडच्या नवीन पाणी पुरवठा पाईपलाईनचे काम सुरू आहे. या बातम्यांना वर्तमानपत्रांनी मोठ्या प्रमाणात प्रसिध्दी दिली. या सर्व संदर्भांचा आधार घेऊन नांदेड वाघाळा शहर महानगरपालिकेत अनेक ठिकाणी काम सुरू असलेल्या सोहेल कन्स्ट्रक्शन ऍन्ड स्टिल वर्क या शासकीय कंत्राटदाराला मनपा आयुक्त गणेश देशमुख यांनी एक नोटीस जारी केली आहे. त्यात सोहेल कंन्स्ट्रक्शनला कार्यारंभासाठी दिलेला आदेश, करारनामा, प्रसार माध्यमांनी प्रसिध्द केलेल्या पाईप चोरीच्या बातम्या, पोलीस निरिक्षक इतवारा यांनी मनपाला पाठविलेले पत्र, काम स्थगितीसाठी दिलेली नोटी आणि मनपाने पाईप खरेदीसाठी दिलेले पत्र अशा 6 संदर्भीय विषयानुसार नोटीस जारी केली आहे.

सोहेल कन्स्ट्रक्शनला दिलेल्या नोटीसमध्ये पाईप खरेदीच्या बिलांची मागणी महानगरपालिकेने केली होती. त्यासाठी 3 दिवसांचा वेळ दिला होता. तो वेळ संपलेला आहे. तरी सोहेल कंपनीने कागदपत्र दिले नाहीत म्हणून पाईप चोरीबद्दलचा संशय जास्त वाढला आहे. प्रथमदर्शनी सुरू असलेले पाणी पुरवठा योजनेचे काम चोरीच्या पाईपमधून होत आहे. हे दिसत आहे. किंवा पाईप चोरीच्या आरोपास सोहेल कंपनीची मुकसंमती असल्याचे जाणवते. नियमानुसार पाईपची खरेदी झाली नसल्याचे स्पष्ट पणे जाणवत असल्यामुळे सोहेल कंपनीचे काम रद्द करून आतापर्यंत टाकलेले सर्व पाईप खोदून काढून चौकशीसाठी पोलीसांच्या ताब्यात का देण्यात येवू नये असा प्रश्न विचारण्यात आला आहे आणि नगरपालिकेची झालेली मानहाणी आपण जबाबदार आहात असे गृहीत धरुन आपला ठेका रद्द करून आपल्या कंपनीचे नाव काळ्या यादीत का टाकण्यात येवू नये असा प्रश्न विचारला आहे. यासाठी 24 तासांचा वेळ कंपनीला देण्यात आला आहे.  या कामासंबंधीचे कोणतेही देयक दिले जाणार नाही अशी सुचना आपल्या कार्यालयातील अधिकाऱ्यांना मनपा आयुक्त गणेश देशमुख यांनी केली आहे.

Sharing is caring!

You may also like

Read More

post-image
न्युज बुलेटिन व्हिडीओ

नवाकाळचे सायंकाळी ७ वाजताचे न्यूज बुलेटिन (२०-०३-२०१९)

Sharing is caring!FacebookPinterestTwitterGoogle+ Related posts: नवाकाळचे सायंकाळी ७ वाजताचे न्यूज बुलेटीन (०१-०६-२०१८) नवाकाळचे सायंकाळी ७ वाजताचे न्यूज बुलेटिन (०७-०७-२०१८) नवाकाळचे सायंकाळी ७ वाजताचे न्यूज...
Read More
post-image
आघाडीच्या बातम्या देश

समझौता एक्स्प्रेस स्फोट प्रकरण : सर्व आरोपींची मुक्तता

नवी दिल्ली – 12 वर्षांपूर्वी झालेल्या समझौता एक्स्प्रेस बॉम्बस्फोटप्रकरणी मुख्य आरोपी असीमानंद यांच्यासह सर्व आरोपींची मुक्तता करण्याचा निर्णय पंचकुलामधील विशेष एनआयएच्या न्यायालयाने दिला आहे. या...
Read More
post-image
महाराष्ट्र राजकीय

टीव्हीवर ‘हे’ भाषण ऐकण्यासाठी पवारांनी बैठक थांबवली

मुंबई – राष्ट्रवादीचे अध्यक्ष शरद पवार यांनी आज मुंबईत विरोधी पक्षनेते धनंजय मुंडे यांच्या निवासस्थानी बैठक बोलावली होती. या बैठकीदरम्यान टीव्हीवर एक भाषण लागलं आणि पवारांनी चक्क...
Read More
post-image
आघाडीच्या बातम्या क्रीडा

शमीला वर्ल्ड कपसाठी पुरेशी विश्रांती मिळणार

मुंबई – इंडियन प्रीमिअर लीगमध्ये भारतीय संघातील खेळाडूंवर पडणाऱ्या अतिरिक्त तणावावर सध्या जोरदार चर्चा सुरू आहे. या पार्श्वभूमीवर आगामी वर्ल्ड कपचं महत्त्व लक्षात घेता किंग्स इलेव्हन पंजाब...
Read More
post-image
आघाडीच्या बातम्या देश विदेश

आता इंस्टग्रामवरून शॉपिंग करता येणार

नवी दिल्ली – इंस्टग्राम या सध्याच्या लोकप्रिय अॅपने निवडक ब्रँडच्या उत्पादनाची खरेदी करण्याची सुविधा आणली आहे. इन्स्टाग्राम अॅपमध्ये नवीन फीचर आणले आहे. या फीचरच्या...
Read More