नवे सरकार भाजपाचेच असेल – देवेंद्र फडणवीस – eNavakal
आघाडीच्या बातम्या महाराष्ट्र राजकीय

नवे सरकार भाजपाचेच असेल – देवेंद्र फडणवीस

मुंबई – मुख्यमंत्री देवेंद्र फडणवीस यांनी आज सायंकाळी सव्वा चार वाजता राजभवनात जाऊन राज्यपाल भगत सिंह कोश्यारी यांच्याकडे राजीनामा सुपूर्द केला. यानंतर सह्याद्री सभागृहात पत्रकार परिषद घेऊन त्यांनी याबाबत माहिती दिली. यावेळी मुख्यमंत्र्यांनी शिवसेनेकडून सतत होणाऱ्या टीकेबाबत नाराजी व्यक्त केली. तसेच नवे सरकार भाजपाचेच असेल, असा विश्वासही त्यांनी व्यक्त केला.

मुख्यमंत्री म्हणले, महाराष्ट्राच्या जनतेने महायुतीला जनादेश दिला. मात्र धक्का याचा बसला की, पूर्ण महायुतीला जनतेने जनादेश दिलेला असताना निकालाच्या पहिल्याच दिवशी शिवसेना पक्षप्रमुख उद्धव ठाकरे यांनी आमच्याकडे सर्व पर्याय उपलब्ध आहेत. असे वक्तव्य केले. खरंतर अडीच अडीच वर्ष मुख्यमंत्रीपदाचा निर्णय झालाच नव्हता. याबाबत पहिल्यांदा झालेली चर्चा फिस्कटली होती. त्यानंतर दुसऱ्यांदा झालेल्या चर्चेत निर्णय झाला नव्हता. त्यामुळे मी ‘अडीच अडीच वर्ष मुख्यमंत्रीपदाचं ठरलं नव्हतं’, असं बोललो. निवडणुकीनंतर पंधरा दिवस हा विषय चर्चेतून सोडवता आला असता, मात्र चर्चा शिवसेनेने थांबविली. मी स्वत: उद्धव ठाकरेंना अनेक फोन केले. परंतु त्यांनी एकही फोन घेतला नाही. आमच्याकडून चर्चेची दारे खुलीच होती. पण वाईट एकाच गोष्टीचे वाटले की आमच्याशी चर्चा करायला त्यांना वेळ नव्हता. परंतु ज्यांच्यावर टीका करून विधानसभा निडणूक लढली. त्या राष्ट्रवादी आणि कॉंग्रेसच्या नेत्यांना दिवसांतून त्यांना तीन तीन वेळा भेटायला वेळ होती.

‘भूतकाळात भाजपा आणि शिवसेनेने अनेक विधानसभा निवडणुका विरोधात लढल्या मात्र शिवसेनाप्रमुख बाळासाहेब ठाकरेंवर नाहीच परंतु उद्धव ठाकरेंवरही अशा शब्दांत टीका केली नाही. या १५ दिवसांत शिवसेनेने सामनातून टीका केलीच मात्र वक्तव्यातूनही खालच्या दर्जाची टीका केली. आम्हीही अशी टीका करू शकलो असतो, आणखी वरच्या भाषेत उत्तर देऊ शकलो असतो. मात्र आम्हाला ते शोभत नाही’, असेही देवेंद्र फडणवीस म्हणाले. तसेच भाजपा फोडाफोडीचे राजकारण करणार नाही, असे आश्वासन देत त्यांनी ‘ज्या पक्षांकडून आमच्यावर फोडाफोडीच्या राजकारणाचे आरोप लावण्यात आले त्यांनी पुरावे सादर करावे, नाहीतर आमची माफी मागावी’, असे खुले आवाहन फडणवीस यांनी केले. तसेच भारतीय जनता पार्टीच पुन्हा सत्तेवर येणार, असा विश्वासही त्यांनी व्यक्त केला.

 

Sharing is caring!

You may also like

Read More

post-image
अर्थ आघाडीच्या बातम्या देश

Budget 2020 : वाचा! नव्या अर्थसंकल्पातून कोणाला काय मिळाले?

नवी दिल्ली – २०२०-२१ सालचा अर्थसंकल्प केंद्रीय अर्थमंत्री निर्मला सीतारामन यांनी केला. या अर्थसंकल्पाचे वैशिष्ट्य म्हणजे कररचनेत करण्यात आलेला बदल. तसेच, शिक्षण, कृषी, आरोग्य,...
Read More
post-image
आघाडीच्या बातम्या

पुणे जिल्हा परिषद निवडणूक; अध्यक्षपदी राष्ट्रवादीच्या निर्मला पानसरे

पुणे – पुणे जिल्हा परिषदेच्या निवडणुकीत राष्ट्रवादीने  वर्चस्व कायम ठेवले आहे. जिल्हा परिषदेच्या अध्यक्षपदी राष्ट्रवादीच्या निर्मला पानसरे तर उपाध्यक्षपदी रणजित शिवतारे यांची निवड करण्यात...
Read More
post-image
आघाडीच्या बातम्या देश

देशात गरिबी, उपासमार, असमानता वाढली, एमपीआयचा धक्कादायक अहवाल

नवी दिल्ली – देशाचे सामाजिक वातावरण गढूळ झालेले असताना आणखी एक धक्कादायक माहिती समोर आली आहे. देशातील 22 ते 25 राज्य आणि केंद्रशासित प्रदेशात...
Read More
post-image
महाराष्ट्र

गर्दी हटेना! उथळसर विभाग आजपासून पूर्णतः बंद

ठाणे – गेल्या १२ दिवसांत कोरोना रुग्णांच्या संख्येत वाढ झाल्याने शहरातील कंटेनमेंट झोनमध्ये ७८ ने वाढ झाली आहे. महापालिका प्रशासनाने अद्ययावत कंटेनमेंट झोनची यादी...
Read More
post-image
आघाडीच्या बातम्या महाराष्ट्र

पुण्यात एसआरपीएफच्या आणखी १४ जवानांना कोरोना

पुणे – पुण्यात राज्य राखीव पोलीस दलाच्या (एसआरपीएफ) आणखी १४ जणांना कोरोनाची लागण झाल्याचे समोर आले आहे. तर ३३ जवानांचे अहवाल अद्याप प्रतीक्षेत आहेत....
Read More
post-image
आघाडीच्या बातम्या महाराष्ट्र मुंबई

मुंबईत १००२, पुण्यात ३२७ नवे रुग्ण! राज्यातील कोरोनाबाधितांची संख्या ५४,७५८ वर

मुंबई – महाराष्ट्रात कोरोनाने थैमान घातलं आहे. राज्यात कोरोनाबाधितांचा आकडा दिवसेंदिवस वाढतोय. मंगळवारी 2091 नवे रुग्ण आढळल्याने राज्यातील कोरोनाबाधितांची संख्या 54 हजार 758 वर...
Read More
post-image
आघाडीच्या बातम्या महाराष्ट्र

राज्यात आज २०९१ नवे रुग्ण; आतापर्यंत १६ हजाराहून अधिक जण कोरोनामुक्त

मुंबई -राज्यात आज नव्या २०९१ कोरोना रुग्णांची नोंद झाली असून २४ तासांत ९७ जणांचा मृत्यू झाला आहे. तर आज ११६८ जणांना डिस्चार्ज देण्यात आला आहे. आतापर्यंत...
Read More
post-image
आघाडीच्या बातम्या देश

ज्याला आम्ही ताब्यात घेतलं होतं त्याला भारताने हिरो बनवलं – शाहिद आफ्रिदी

नवी दिल्ली – भारतीय हवाई दलाचा अधिकारी अभिनंदन वर्थक यांचा उल्लेख करत पाकिस्तानचा माजी क्रिकेटपटू शाहिद आफ्रिदीने  भारतावर बोचरी टीका केली आहे. ज्याचं विमान...
Read More