नवीन शैक्षणिक वर्षात विद्यार्थ्यांना नापास करता येणार – eNavakal
आघाडीच्या बातम्या महाराष्ट्र शिक्षण

नवीन शैक्षणिक वर्षात विद्यार्थ्यांना नापास करता येणार

मुंबई – आता शाळेतील मुलांना अभ्यासात टंगळमंगळ करता येणार नाही. आतापर्यंत परीक्षा न देता दहावीपर्यंत पोहोचणार्‍या विद्यार्थ्यांना आता दरवर्षी प्रत्येक इयत्तेची परीक्षा द्यावी लागणार आहे. कारण परीक्षा न देता किंवा नापास होऊनही पुढच्या इयत्तेत जाण्याची संधी यापुढे मिळणार नाही. आता केंद्र सरकारने ‘शिक्षण हक्क कायद्यात’ सुधारणा केली आहे. त्यामुळे 2019-20 च्या नवीन शैक्षणिक वर्षापासून दरवर्षी प्रत्येक इयत्तेची परीक्षा होणार आहे. तसेच शाळेला ‘ढ’ विद्यार्थ्यांना नापासही करता येणार आहे. आता धम्माल मस्ती-मजा आणि खेळणे-बागडणे याला परीक्षेचे ग्रहण लागले आहे.
आपल्या महाराष्ट्रासहीत सर्व देशभर 2009 च्या शिक्षणहक्क कायद्यानुसार पाचवी आणि आठवी परीक्षा नापास झाल्यावरही दहावीत प्रत्येकाला प्रवेश मिळत असे. त्यामुळे विद्यार्थी अभ्यास करीत नसत. पालकही सुट्टीच्या काळात मुलांचा अभ्यास न घेता सहलीला जात असत. त्यामुळे विद्यार्थ्यांची प्रगती घटली. काही विद्यार्थी दहावीत असले तरी त्यांना आठवीचा अभ्यासही नीट येत नसे. त्यामुळे सर्व शाळा प्रचंड तणावाखाली होत्या. शाळेचा टक्का घसरू नये म्हणून त्या ‘ढ’ विद्यार्थ्यांसाठी जादा तास अभ्यासाची उजळणी घेत असत. या तारेवरच्या कसरतीमुळे व टक्का सांभाळण्याच्या धास्तीमुळे शाळेतील शिक्षक वर्ग प्रचंड तणावाखाली होता. आता या तणावातून या शाळांची सुटका होणार आहे.
नापास होऊनही आणि अभ्यास न करताही विद्यार्थ्यांना पुढच्या वर्गात ढकलण्याच्या या शिक्षण पद्धतीला काही जागरूक पालकांचाही विरोध होता. ज्या पालकांना आपल्या मुलांना डॉक्टर किंवा इंजिनीअर करायचे आहे, ते पालक ‘विनापरीक्षा पुढील कक्षा’ याबद्दल तीव्र संताप व्यक्त केला होता. सरकारने शिक्षणाचा दर्जा न सुधारता नापास न करण्याची जी पद्धत सुरू केली होती. त्यामुळे शिक्षणाचा दर्जा संपूर्ण देशभर घसरला होता. म्हणूनच केंद्र सरकारने ‘शिक्षण हक्क कायद्यात’ सुधारणा करावी व नापासांना पुढच्या वर्गात ढकलण्याची पद्धत थांबवावी, याकरिता महाराष्ट्रासहीत 24 राज्यांनी केंद्र सरकारकडे मागणी केली होती. त्यामुळे केंद्र सरकारने या 2009 च्या कायद्यात सुधारणा करून विद्यार्थ्यांना नापास करण्याचा अधिकार शाळा चालकांना दिला. महाराष्ट्र सरकारबरोबरच महाराष्ट्रातील मराठी, हिंदी व इंग्रजी माध्यमांच्या सर्व शाळांनी ही मागणी केली होती. त्यामुळे कायद्यात सुधारणा झाली. आता 8 वर्षांपासून थांबलेल्या प्रत्येक इयत्तेच्या परीक्षा पुन्हा दरवर्षी सुरळीत होणार! तेव्हा आळस झटका व अभ्यासाला लागा!

Sharing is caring!

You may also like

Read More

post-image
News महाराष्ट्र राजकीय

बीडमध्ये काकांच्या कारभारावर पुतण्याचा बॅनरबाजीतून निशाणा

बीड- बीडच्या राजकारणामध्ये पहिल्यांदाच काका-पुतणे आमने-सामने उभे राहणार असल्याने त्यांच्यातील संघर्ष गल्लीबोळातही दिसू लागला आहे. राज्याचे मंत्री जयदत्त क्षीरसागर यांच्या विकासकामांवर त्यांचे पुतणे संदीप...
Read More
post-image
News देश राजकीय

काँग्रेससोबत युती नको, स्वतंत्र लढणार – देवेगौडा

बंगळुरू- कर्नाटकामध्ये मध्यावधी निवडणूक होण्याची शक्यता आहे. जर तसे झाले तर कोणासोबतही युती न करता स्वतंत्र लढण्यासाठी तयार राहू, असे माजी पंतप्रधान आणि जनता...
Read More
post-image
News महाराष्ट्र

उरण वीज प्रकल्पाचा गॅसपुरवठा पूर्ववत

उरण- उरण ओएनजीसीच्या गॅस प्रकल्पाला लागलेल्या आगीमुळे गेल्या 10 दिवसांपासून बंद असलेला महानिर्मितीच्या उरण वीज प्रकल्पाचा गॅसपुरवठा कालपासून पूर्ववत सुरू झाला आहे. यामुळे एका...
Read More
post-image
News महाराष्ट्र वाहतूक

बोरोटी रेल्वे यार्डमध्ये ब्लॉक! कलबुर्गी-सोलापूर पॅसेंजर रद्द

सोलापूर- मध्य रेल्वेच्या सोलापूर विभागातील सोलापूर वाडी सेक्शनच्या बोरोटी रेल्वे स्थानक यार्डमध्ये उद्या बुधवारी ट्रॉफिक ब्लॉक घेण्यात येणार आहे. या ब्लॉकच्या काळात प्रवासी गाड्यांमध्ये...
Read More
post-image
News महाराष्ट्र राजकीय

इंदुरीकर महाराजांचा मलाच पाठिंबा! बाळासाहेब थोरातांची प्रतिक्रिया

अहमदनगर- संगमनेरयेथे मुख्यमंत्र्यांच्या व्यासपीठावर प्रसिद्ध कीर्तनकार निवृत्ती महाराज दिसल्यानंतर ते बाळासाहेबांच्या विरोधात लढणार असल्याच्या चर्चांना वेग आला होता. मात्र स्वत: इंदुरीकर महाराजांनी हे वृत्त...
Read More