दोन महत्त्वाच्या मेट्रो मार्गांच्या अंमलबजावणीस मंत्रिमंडळाची मान्यता – eNavakal
आघाडीच्या बातम्या मुंबई वाहतूक

दोन महत्त्वाच्या मेट्रो मार्गांच्या अंमलबजावणीस मंत्रिमंडळाची मान्यता

मुंबई – मुंबईतील वाहतुकीच्यादृष्टीने महत्त्वाचा निर्णय आज झालेल्या मंत्रिमंडळाच्या बैठकीत घेण्यात आला. मेट्रो मार्ग 9- दहिसर ते मिरा-भाईंदर व मेट्रो मार्ग 7 अ-अंधेरी ते छत्रपती शिवाजी महाराज आंतरराष्ट्रीय विमानतळ या दोन महत्त्वाच्या मेट्रो प्रकल्पांच्या अंमलबजावणीस आज राज्य मंत्रिमंडळाची मान्यता देण्यात आली. या दोन्ही मेट्रो मार्गांच्या उभारणीसाठी 6,607 कोटी रुपये एवढा निधी खर्च होणार असून त्याला आज राज्य सरकारने मान्यता दिली आहे.
यवतमाळ आणि सांगली जिल्ह्यातील मौजे पेठ येथे अन्नतंत्रज्ञान महाविद्यालय स्थापन करण्यासही आजच्या बैठकीत मान्यता देण्यात आली. या महाविद्यालयांमध्ये अन्नतंत्रज्ञानाचे अत्याधुनिक शिक्षण देण्यात येणार असून त्यासाठी 104 कोटी रुपयांच्या खर्चाला मान्यता देण्यात आली. विशेष म्हणजे मौजे पेठ हे गाव राष्ट्रवादीचे प्रदेशाध्यक्ष व विधानसभेतील गटनेते जयंत पाटील यांच्या वाळवा मतदारसंघात आहे. यवतमाळ हा अन्न व ऊर्जा राज्यमंत्री मदन येरावार यांचा मतदारसंघ आहे. आधीच भाजपा व शिवसेनेच्या मंत्री, आमदार व नेत्यांमध्ये एखादा निर्णय किंवा योजना आपल्या मतदारसंघात नेण्यात मोठी स्पर्धा असताना विरोधी पक्षाच्या मतदारसंघात हे अत्याधुनिक महाविद्यालय स्थपण्याचा निर्णय कसा घेतला गेला, याची चर्चा दबक्या आवाजात सुरू झाली आहे.
महात्मा ज्योतिबा फुले जनआरोग्य योजनेची प्रभावी अंमलबजावणी करण्याचा निर्णयही आजच्या बैठकीत घेण्यात आला. विविध शस्त्रक्रिया व उपचारांसाठी मिळणाऱ्या विमा निधीपैकी 20 टक्के रक्कम संबंधित डॉक्टर व वैद्यकीय कर्मचाऱ्यांना प्रोत्साहन भत्ता म्हणून देण्यास मान्यता देण्यात आली. त्याचबरोबर राज्यात जागतिक दर्जाचे इन्स्टिट्यूट ऑफ इमिनन्स डिम्ड टू बी युनिव्हर्सिटी स्थापन करण्यासाठी विविध सोयी, सुविधा देण्याचा निर्णयही घेण्यात आला.

Sharing is caring!

You may also like

Read More

post-image
देश

आसाममध्ये भूकंपाच्या धक्क्याने घबराट

गुवाहटी – मुसळधार पावसामुळे पूरस्थितीत अडकलेल्या आसाममध्ये आज दुपारी भूकंपाचा धक्का जाणवला. दुपारी २.५१ वाजता झालेल्या या भूकंपाची रिश्टर स्केलवर तीव्रता ५.९ इतकी होती....
Read More
post-image
महाराष्ट्र

प्रचारासाठी मी पुन्हा येणार आहे, तेव्हा निवडणुका जिंकूच! आदित्य ठाकरे

धुळे – युवसेनाप्रमुख आदित्य ठाकरे यांच्या जनआशीर्वाद यात्रेला गुरुवारी सुरुवात झाली. यात्रेच्या पहिल्याच दिवशी ‘ही जनआशीर्वाद यात्रा निवडणुकीसाठी किंवा प्रचारासाठी नाही. नवमहाराष्ट्र घडविण्यासाठी आहे’, असे...
Read More
post-image
महाराष्ट्र

आदित्य ठाकरे उद्या नाशिक शहरात जाणार

नाशिक – शिवसेना नेते आणि युवसेनाप्रमुख आदित्य ठाकरे यांच्या जनआशीर्वाद यात्रेला गुरुवारी सुरुवात झाली. यात्रेच्या पहिल्याच दिवशी ‘ही जनआशीर्वाद यात्रा निवडणुकीसाठी किंवा प्रचारासाठी नाही....
Read More
post-image
दिनविशेष

दिनविशेष : सोज्वळ अभिनेत्री उमा भेंडे

ज्येष्ठ अभिनेत्री उमा भेंडे यांचा आज स्मृतिदिन. त्यांचा जन्म ३१ मे १९४५ साली कोल्हापूर येथे झाला. सोज्वळ अभिनेत्री म्हणून उमा भेंडे यांनी मराठी रसिक मनावर...
Read More
post-image
देश

सोन्याचे भाव वाढण्याची शक्यता! ३६ हजाराच्या घरात जाणार

मुंबई – आंतरराष्ट्रीय बाजारात सोन्याची मागणी वाढल्याने सोने महागण्याची चिन्हे दिसत आहेत. आज सोन्याचा भाव सर्वाधिक होण्याची शक्यता आहे. त्यामुळे सोने खरेदी करण्याच्या विचारात...
Read More