देशाचे नाव उंचाविण्यासाठी विद्यार्थ्यानी स्वतः सर्वगुण संपन्न व्हावे- प्राचार्य किसनराव रत्नपारखी  – eNavakal
महाराष्ट्र शिक्षण

देशाचे नाव उंचाविण्यासाठी विद्यार्थ्यानी स्वतः सर्वगुण संपन्न व्हावे- प्राचार्य किसनराव रत्नपारखी 

कवठे यमाई – आपल्या  देशाचे नाव उंचाविण्यासाठी व पुढे नेण्यासाठी शालेय जीवनातील विद्यार्थ्यानी स्वतः सर्वगुण संपन्न व्हावे. नंतरच  तुम्ही ज्या परिसरातून शिक्षण घेता  त्या शाळा,गाव,राज्य व देशाचे  भवितव्य  उज्वल स्वरूपात बदलू शकेल असे प्रतिपादन रयत शिक्षण संस्थेचे माजी मॅनेजिंग कौन्सिल सदस्य प्राचार्य किसनराव रत्नपारखी सर यांनी केले.   ते आज शिरूर तालुक्यातील कवठे येमाई येथील न्यू इंग्लिश स्कुल मध्ये झालेल्या इयत्ता १० वी  व १२ वीच्या  परीक्षेस बसलेल्या विद्यार्थ्याना आयोजित शुभचिन्तन व निरोप समारंभाच्या कार्यक्रमात प्रमुख मार्गदर्शन करताना बोलत होते. कार्यक्रमाच्या अध्यक्षस्थानी स्कुल कमिटीचे चेअरमन अर्जुनदादा सांडभोर हे होते.  तर प्रमुख अतिथी म्हणून  सावित्रीबाई फुले विद्यापीठाच्या  बहिःशाल  विभागातील व्याख्याते  प्रा. प्रशांत खामकर हे होते.
      शिरूर पंचायत समिती सदस्य डॉ सुभाष पोकळे,जुनिअर कॉलेजचे उपाध्यक्ष मिठूलाल बाफणा , सदाशिव घोडे ,बाजीराव उघडे,रामदास इचके, रितेश शहा अनेक ग्रामपंचायत सदस्य, ग्रामस्थ पालक,शिक्षक  व विद्यार्थी उपस्थित होते.  कवठे येमाई येथील  न्यू इंग्लिश स्कुल  व जुनिअर  कॉलेज मध्ये शिक्षण घेणा-या व इयत्ता १० वी  १२ वी च्या आगामी परीक्षेस बसलेल्या   विद्यार्थ्याचा  शुभ चिंतन  व निरोप समारंभ आयोजित करण्यात आला होता.  प्रास्ताविक प्रा.संजय चौधरी यांनी केल्यानंतर  इयत्ता  १० वी  १२ वी च्या  परीक्षेस बसलेल्या विद्यार्थ्यानी  आपली मनोगते व्यक्त करताना ज्या शाळेत आत्ता पर्यंत शिकलो ती  शाळा  व  येथील शिक्षकांप्रती आदराची भावना व्यक्त केली.   विद्यार्थ्याना शैक्षणिक प्रोत्साहन मिळावे म्हणून  आपल्या मूळ गावातील रयत शाळेच्या  सर्वागींण विकासात्मक  प्रगतीचा  ध्यास घेतलेले सेवानिवृत्त प्राचार्य किसनराव रत्नपारखी सर यांनी आतापर्यंत  सुमारे १०  लाख रुपयांचे शैक्षणिक साहित्य या शाळेस मिळवून दिलेलं आहे .  ज्या शाळेतून  मी शिक्षण घेतले व रयत शिक्षण संस्थेत  विविध पदांवर कार्यरत राहून  माझा व पर्यायाने माझ्या कवठे येमाई या मूळ गावाचा नावलौकिक केला  त्या शाळेच्या प्रती सदभावना व शाळेच्या ऋणातून  थोडेफार उतराई होता यावे म्हणून सेवा निवृत्ती नंतर ही  गावाच्या रयत शाळेचा सर्वागींण कायापालट करण्याचा ध्यास घेतला आहे. मागील २ वर्षांपूर्वी  येथील हायस्कुल शाळेची जळालेली जुनी इमारत आता नवीन व अद्ययावत रूपात उभी रहात आहे. या कामी रत्नपारखी सरांनी हडपसर,पुणे, मांजरी बुद्रुक परिसरातील त्यांच्या माजी विद्यार्थी संघटनेच्या माध्यमातून व रयत शिक्षण संस्थेच्या माध्यामातून भरीव आर्थिक योगदान मिळवून दिले आहे. आज ही त्यांनी  या शाखेस ११ हजार रुपयांची देणगी प्राप्त करून दिली आहे.
          या वेळी पंचायत समिती सदस्य डॉ.सुभाष पोकळे ,मिठूलाल बाफणा,  प्राचार्य रशीद मोमीन  यांनी विद्यार्थ्यानी परीक्षेस कसे सामोरे जावे,उज्वल भवितव्यासाठी आयुष्यामध्ये ध्येय निश्चिती कशी करावी व त्यासाठी प्राधान्याने कोणत्या गोष्टींचा प्रकर्षाने विचार करावा या विषयी सविस्तर विचार मांडले.  या वेळी विद्यार्थ्याना मार्गदर्शन करताना प्रमुख अतिथी प्रा. प्रशांत खामकर म्हणाले कि, सर्व प्रथम आपल्याकडे ध्येय निश्चिती हवी. कुठल्या क्षेत्रातून आपल्याला पाहिजे असलेल्या  यशाचे उंच शिखर प्राप्त होऊ शकेल  व ते मिळविण्यासाठी कुठल्या प्रकारची तयारी गरजेची आहे याला विद्यार्थी अवस्थेतच  प्रत्येकाने महत्व देणे अत्यंत गरजेचे आहे . करिअर निश्चिती करताना प्रत्येकाने आपली आवड ,कौश्यल्य , व्यक्तिमत्व,,घराची परिस्थिती, ठिकाण या सर्व बाबींचा विचार करणे ही तितकेच महत्वाचे  असल्याचे या वेळी विद्यार्थ्याना  मार्गदर्शन करताना सांगितले. कार्यक्रमाचे सूत्रसंचालन प्रा. परवीन इनामदार यांनी केले

Sharing is caring!

You may also like

Read More

post-image
मनोरंजन

बिग बींच्या नातीचं न्यूयॉर्कच्या रस्त्यावर वर्कआऊट

नवी दिल्ली – बॉलिवूडचे महानायक अमिताभ बच्चन यांची नात नव्या नवेली नंदा ही तिच्या फिटनेसमुळे बरीच चर्चेत असते. बॉलिवूडमध्ये कधी पदार्पण करणार असा प्रश्न...
Read More
post-image
आघाडीच्या बातम्या देश

वाहन परवान्यासाठी आता शैक्षणिक अट नाही

नवी दिल्ली – वाहन चालविण्याचा परवाना (लायसन्स) मिळवण्यासाठी किमान शैक्षणिक पात्रतेची अट काढून टाकण्याचा निर्णय केंद्रीय रस्ते वाहतूक मंत्रालयाने घेतला आहे. त्यामुळे यापुढे वयाची...
Read More
post-image
महाराष्ट्र शिक्षण

अकरावीची ऑनलाईन प्रवेश प्रक्रिया आजपासून सुरू

मुंबई – इयत्ता अकरावीच्या ऑनलाईन प्रवेशाला आजपासून सुरुवात झाली आहे. बायफोकल वगळता इतर शाखांसाठी अर्ज भरण्याची प्रक्रिया २९ जूनपर्यंत सुरू राहणार असून पहिली गुणवत्ता...
Read More
post-image
आघाडीच्या बातम्या मनोरंजन

बिग बॉस मराठी २ : आज रंगणार ‘एक डाव धोबीपछाड’

मुंबई – कलर्स मराठीवरील बिग बॉस मराठी सिझन २ चा चौथा आठवडा सुरु झाला असून आज बिग बॉसच्या घरामध्ये रंगणार आहे साप्ताहिक कार्य ‘एक...
Read More
post-image
आघाडीच्या बातम्या देश

लोकसभा अध्यक्षपदी ओम बिर्लांची बिनविरोध निवड

नवी दिल्ली – भाजपा नेते आणि राजस्थानच्या कोटाचे खासदार ओम बिर्ला यांची लोकसभा अध्यक्षपदी बिनविरोध निवड करण्यात आली आहे. ५७ वर्षीय बिर्ला यांनी आठवेळा खासदार राहिलेल्या...
Read More