दुश्मन घरातच आहे? – राज ठाकरे – eNavakal
आघाडीच्या बातम्या महाराष्ट्र राजकीय

दुश्मन घरातच आहे? – राज ठाकरे

मुंबई – महाराष्ट्र नवनिर्माण सेनेचा आज तेरावा वर्धापन दिन आहे. या दिनानिमित्त जनतेला संबोधित करताना मनसे अध्यक्ष राज ठाकरे यांनी मोदी सरकारवर जोरदार टीका केली. लोकसभा निवडणुकांविषयी माझा निर्णय तुमच्यासमोर नंतर जाहीर करेन पण झालेल्या घटनांचा जरा आढावा घेतो असे म्हणत त्यांनी भाषणाला सुरुवात केली. गेल्या ५ वर्षात सरकारने इतके विषय देऊन ठेवलेत की एका भाषणात काही होणार नाही असे म्हणून त्यांनी मोदी सरकारवर टीकास्त्र सोडण्यास सुरुवात केली. लोकसभा निवडणुकांच्या तोंडावर युद्धसदृश्य परिस्थिती निर्माण करण्यात आली आहे आणि जुनं विसरण्यासाठी नवं काहीतरी घडवलं जातंय, असे ते म्हणाले. नवाझ शरीफांच्या वाढदिवसाला मोदी गेले होते यावरूनही त्यांनी मोदींवर टीका केली. तसेच पुलवामा हल्ल्यानंतरचे मोदींचे विविध सभेतील आनंदी असतानाचे फोटोही त्यांनी दाखवले. मुख्य म्हणजे पुलवामा हल्ला हा मोदी सरकारने रचलेला कट असल्याची शंका त्यांनी उपस्थित केली. शिवाय दुश्मन घरातला आहे की बाहेरचा आहे हे एकदा कळू दे असेही ते म्हणाले. राफेल घोटाळ्यावरूनही त्यांनी मोदींवर तोफ डागली. तसेच पुढल्या एक दोन महिन्यात पुन्हा दहशतवादी हल्ला करण्यात येईल असेही त्यांनी म्हटले. राज यांचे हे भाषण ऐकताना जनतेतून ‘चौकीदार चोर है’ या घोषणा सुरूच होत्या.

दरम्यान, पंतप्रधान नरेंद्र मोदींचे आर्थिक सल्लागार अजित डोवाल यांच्या मुलाच्या कंपनीत एक अरब आणि एक पाकिस्तानी पार्टनर आहे. हे इतर कोणाच्या बाबतीत असतं तर भाजपाने किती टीका केली असती असा सवाल त्यांनी उपस्थित केला.

 

Sharing is caring!

You may also like

Read More

post-image
महाराष्ट्र राजकीय

महाराष्ट्राचा प्रत्येक नागरिक ठेवतो तसा भाजपानेही ‘छत्रपती’ उपाधीचा मान ठेवावा

मुंबई – राष्ट्रवादीचे खासदार उदयनराजे भोसले यांच्या भाजपा प्रवेशानंतर राष्ट्रवादीचे अध्यक्ष शरद पवार यांचे नातू रोहित पवार यांनी सोशल मीडियाच्या माध्यमातून आपली प्रतिक्रिया दिली...
Read More
post-image
विदेश

ओसामा बिन लादेनच्या मुलाचा खात्मा

न्यूयॉर्क – आंतरराष्ट्रीय दहशतवादी संघटना अल कायदाचा म्होरक्या क्रुरकर्मा ओसामा बिन लादेन याचा पाकिस्तानात घुसून अमेरिकेने खात्मा केला होता. त्यानंतर आता लादेनचा मुलगा हमजा...
Read More
post-image
अपघात महाराष्ट्र

मुंबई-गोवा महामार्गावर अपघात; मोठ्या प्रमाणावर वाहतूक कोंडी

रायगड – मुंबई-गोवा महामार्गावर आज पहाटे कंटेनर आणि टेम्पोच्या धडकेत एकजण गंभीर जखमी झाला आहे. या अपघातामुळे महामार्गावरील वाहतूक पूर्णपणे विस्कळीत झाली असून वाहनांची...
Read More
post-image
महाराष्ट्र

कोल्हापुरात पबजीमुळे तरुणाचे मानसिक संतुलन बिघडले

कोल्हापूर – सध्या तरुणांमध्ये पबजी खेळाचे वेड मोठ्या प्रमाणात वाढले आहे. या खेळामुळे कोल्हापुरात एका तरुणाचे मानसिक संतुलन बिघडल्याचे समोर आले आहे. या तरुणाला...
Read More