दुचाकी वाहनांची चोरी करणार्‍या तीन टोळ्यांचा पर्दाफाश सहा आरोपींना अटक, बारा चोरीचे मोटासायकल जप्त – eNavakal
गुन्हे मुंबई

दुचाकी वाहनांची चोरी करणार्‍या तीन टोळ्यांचा पर्दाफाश सहा आरोपींना अटक, बारा चोरीचे मोटासायकल जप्त

मुंबई – दुचाकी वाहनांची चोरी करणार्‍या तीन टोळ्यांचा कुरार, वनराई आणि समतानगर पोलिसांच्या एका विशेष पथकाने पर्दाफाश केला आहे. या टोळीतील सहा आरोपींना पोलिसांनी अटक केली असून त्यात एका सतरा वर्षांच्या मुलाचा समावेश आहे. या सहाही आरोपींकडून विविध ठिकाणाहून चोरी केलेले बारा मोटासायकल जप्त करण्यात आले आहेत. कांदिवलीतील प्रथम कॉलेजच्या गेटसमोर पार्क केलेली कृष्णा महावीर पाल याची एक मोटारसायकल चोरट्यांनी 29 जानेवारीला चोरी केली होती. याप्रकरणी समतानगर पोलिसांत गुन्हा नोंद होताच सहाय्यक पोलीस आयुक्त सुभाष वेळे, वरिष्ठ पोलीस निरीक्षक अनिल माने यांच्या पथकातील आंधळे, रणशेवरे, हरड, पालवे, शिवलकर, अकबर यांनी आनंद रामनरेश जैस्वाल या तरुणासह त्याचा सतरा वर्षांचा मित्र याला अटक केली होती. चौकशीत त्यांनी समतानगर येथून दोन, गोरेगाव आणि कांदिवलीतून चार मोटासायकल चोरी केल्याची कबुली दिली. या चारही मोटासायकल नंतर पोलिसांनी जप्त केल्या. दुसर्‍या घटनेत शमीम अहमद ऊर्फ सलमान आदिल अहमद बेग या संशयित आरोपीस कुरार पोलिसांनी नाकाबंदीदरम्यान ताब्यात घेतले होते. त्याच्या चौकशीत तो मोटासायकल चोरीच्या गुन्ह्यांतील आरोपी असल्याचे उघडकीस आले. त्याच्याकडून पोलिसांनी पठाणवाडी, जिजामाता स्कूल, बीएमसी गार्डन, तानाजी नगर येथून चोरी केलेल्या तीन मोटारसायकल जप्त केल्या आहेत. ही कारवाई सहाय्यक पोलीस आयुक्त सुभाष वेळे वरिष्ठ पोलीस निरीक्षक उदय राजेशिर्के यांच्या पथकातील घार्गे, कदम, जाधव, कावले, सावंत, पोघर, मोरे, आहेर, पाईकराव यांनी केल्याचे पोलिसांनी सांगितले. तिसर्‍या घटनेत तीन रेकॉर्डवरील गुन्हेगारांना पोलिसांनी अटक केली. दिपक भिमराव खरात, सुशील ऊर्फ सचिन गणेश काटवले आणि सुरज महादेव लोणार अशी या तिघांची नावे आहेत. अशी या तिघांची नावे असून ते तिघेही भिवंडी परिसरात राहतात. मोटासायकल चोरीसाठी ते तिघेही मुंबईत येत होते. चोरी केलेल्या मोटारसायकलवर फेरफटका मारुन ते मोटारसायकल तेथून टाकून पळून जात होते. त्यांच्या अटकेने पाच गुन्ह्यांची उकल करण्यात आली असून सुमारे अडीच लाख रुपयांचे पाच चोरीचे मोटारसायकल पोलिसांनी जप्त केले आहे.

Sharing is caring!

You may also like

Read More

post-image
News महाराष्ट्र

ठाण्यात हुक्का पार्लर, अनधिकृत बॅनर्स-होर्डिंग्जवर कडक कारवाईचे आयुक्तांचे आदेश

ठाणे -शहरातील हुक्का पार्लर तसेच अनधिकृत बॅनर्स आणि होर्डिंग्जवर कडक कारवाई करण्याचे आदेश महापालिका आयुक्त संजीव जयस्वाल यांनी आज दिले. महापालिका मुख्यालयात अधिकार्‍यांच्या आणि...
Read More
post-image
News मुंबई

राज्यभरात 316 बेकायदा स्कूल बसवर कारवाई! पंधरा दिवसात दोन लाखांचा दंड वसूल

मुंबई- पुरेशी आसने नसतानाही विद्यार्थ्यांना गाडीत कोंबून त्यांची शाळेत ने आण करणार्‍या बेकायदा स्कूलबस विरोधात राज्य सरकारने कारवाईची मोहीम हाती घेतली आहे. 1 ते 15...
Read More
post-image
अपघात आघाडीच्या बातम्या

कोलकात्यात एलफिस्टन दुर्घटनेची पुनरावृत्ती, चेंगराचेंगरीत २ ठार

कोलकाता – मुंबईत २९ सप्टेंबर २०१७ रोजी एल्फिन्स्टन स्टेशनच्या पादचारी पुलावर अशाचप्रकारे चेंगराचेंगरी होऊन त्यात २३ जणांचा मृत्यू झाला होता. अश्याच प्रकारची घटना आज सायंकाळी...
Read More
post-image
आघाडीच्या बातम्या महाराष्ट्र

माझी पत्नी बांधील नाही – देवेंद्र फडणवीस

मुंबई – मुंबई गोवा क्रुझवर मिसेस फडणवीस यांनी घेतलेल्या सेल्फीमुळे त्यांना सोशल मीडियावर प्रचंड ट्रोल करण्यात आले. या मुद्द्यावर मुख्यमंत्री देवेंद्र फडणवीस यांनी आपल्या...
Read More
post-image
आघाडीच्या बातम्या देश

#MeToo सेक्रेड गेम्स २ चा मार्ग मोकळा

मुंबई – #MeToo मोहिमेंतर्गत प्रसिद्ध सिरीज सेक्रेड गेम्स चे भवितव्य धोक्यात आले होते. सेक्रेड गेम्स चे लेखक वरूण ग्रोवर यांच्यावर एका महिलेने लैंगिक शोषणाचा...
Read More