दिल्लीने युनायटेडला हरवले – इंडियन सुपर लीग – eNavakal
क्रीडा देश

दिल्लीने युनायटेडला हरवले – इंडियन सुपर लीग

गुवाहाटी – हिरो इंडियन सुपर लिगमध्ये तळातील दोन संघांमधील लढतीत अखेर निर्णायक निकाल लागला. यात अखेरच्या दहाव्या क्रमांकावरील दिल्ली डायनॅमोजने शेवटून दुसऱ्या म्हणजे नवव्या क्रमांकावरील नॉर्थईस्ट युनायटेडला एकमेव गोलने हरविले. बदली खेळाडू कालू उचे याने तीन मिनिटे बाकी असताना केलेला गोल निर्णायक ठरला.
इंदिरा गांधी अ‍ॅथलेटीक स्टेडियमवरील लढतीत गोलची प्रतिक्षा अखेर तीन मिनटे बाकी असताना संपुष्टात आली. डेव्हिड एन्गाटे याने उजवीकडून चेंडू अचूक क्रॉस मारला. त्यावर कालूने ताकदवान हेडींग करीत चेंडू नेटच्या उजवीकडील खालच्या भागात अचूक मारला. त्यावर नॉर्थईस्टचा गोलरक्षक टी. पी. रेहनेशन निरुत्तर झाला. कालूला 66 व्या मिनिटास मैदानावर उतरविण्यात आले होते.
दिल्लीला विजयानंतरही तळातील स्थानावरच राहावे लागले. 14 सामन्यांत दिल्लीचा हा तिसरा विजय असून दोन बरोबरी व नऊ पराभव अशी त्यांची कामगिरी आहे. दिल्लीचे 11 गुण झाले. नॉर्थईस्टला 15 लढतींत दहावा पराभव पत्करावा लागला. तीन विजय व दोन बरोबरींसह त्यांचे 11 गुण आहेत. दिल्लीपेक्षा त्यांचा एक सामना जास्त असला तरी गोलफरक सरस आहे. नॉर्थईस्टचा गोलफरक उणे 12 (10-22), तर दिल्लीचा उणे 15 (15-30) असा आहे.
पुर्वार्धात दहाव्या मिनिटाला नॉर्थईस्टच्या लालरिंदाका राल्टे याने मध्य क्षेत्रात चेंडू मिळाल्यानंतर हेडींगवर मार्सिनीयोला पास दिला, पण मार्सिनीयो पुढे सरसावत असतानाच ऑफसाईडचा इशारा झाला. 14 व्या मिनिटाला दिल्लीला कॉर्नर मिळाला होता. त्यावर मॅटीयस मिराबाजेने चेंडू मारला. हेडींगवर बचाव करण्यासाठी नॉर्थईस्टचे मार्सिनीयो आणि रेगन सिंग या दोघांनी उडी घेतली, पण त्यांची धडक झाली.  यात मार्सिनीयोला थोडी दुखापत झाली.
20 व्या मिनिटाला नॉर्थईस्टच्या सैमीनलेन डुंगलने चांगली संधी दवडली. त्याला पेनल्टी क्षेत्रात रेगनकडून चांगला पास मिळाला होता, पण डुंगलने आधीच फटका मारला. त्यामुळे चेंडू दिल्लीचा गोलरक्षक झेबीयर इरुतागुएना याला सहज अडविता आला. त्यानंतर डुंगलनेच उजवीकडून जास्त उंच चेंडू मारल्यामुळे मार्सिनीयोला हेडींग करता आले नाही. 25 व्या मिनिटाला दिल्लीच्या जेरॉन लुमू व मॅन्युएल अराना यांनी रचलेली चाल फिनीशिंग अभावी अपयशी ठरली. 40 व्या मिनिटाला डुंगलने उजवीकडून दिलेल्या पासवर मार्सिनीयोने मारलेल्या फटक्यात अचुकता नव्हती.

Sharing is caring!

You may also like

Read More

post-image
अर्थ आघाडीच्या बातम्या देश

Budget 2020 : वाचा! नव्या अर्थसंकल्पातून कोणाला काय मिळाले?

नवी दिल्ली – २०२०-२१ सालचा अर्थसंकल्प केंद्रीय अर्थमंत्री निर्मला सीतारामन यांनी केला. या अर्थसंकल्पाचे वैशिष्ट्य म्हणजे कररचनेत करण्यात आलेला बदल. तसेच, शिक्षण, कृषी, आरोग्य,...
Read More
post-image
आघाडीच्या बातम्या

पुणे जिल्हा परिषद निवडणूक; अध्यक्षपदी राष्ट्रवादीच्या निर्मला पानसरे

पुणे – पुणे जिल्हा परिषदेच्या निवडणुकीत राष्ट्रवादीने  वर्चस्व कायम ठेवले आहे. जिल्हा परिषदेच्या अध्यक्षपदी राष्ट्रवादीच्या निर्मला पानसरे तर उपाध्यक्षपदी रणजित शिवतारे यांची निवड करण्यात...
Read More
post-image
आघाडीच्या बातम्या देश

देशात गरिबी, उपासमार, असमानता वाढली, एमपीआयचा धक्कादायक अहवाल

नवी दिल्ली – देशाचे सामाजिक वातावरण गढूळ झालेले असताना आणखी एक धक्कादायक माहिती समोर आली आहे. देशातील 22 ते 25 राज्य आणि केंद्रशासित प्रदेशात...
Read More
post-image
आघाडीच्या बातम्या देश विदेश

पाकिस्तानचा उद्दामपणा! सरकारकडून फक्त मुस्लिमांना मदत, हिंदूना डावललं

इस्लामाबाद – लाखो लोकांची चिंता वाढवणारा आणि हजारो लोकांचे प्राण घेणारा कोरोना व्हायरस जगातील प्रत्येक देशात थैमान घालतोय. पाकिस्तानातही या विषाणूने हातपाय पसरले आहेत....
Read More
post-image
आघाडीच्या बातम्या महाराष्ट्र

जमावबंदीची ऐशीतैशी! सोलापूरमध्ये रथोत्सव, पोलिसांवर दगडफेक

सोलापूर – वाढत्या कोरोना विषाणूचा प्रादुर्भाव रोखण्यासाठी देशभर जमावबंदी, संचारबंदी लागू करण्यात आली आहे. लॉकडाऊनच्या काळात कोणीही घराबाहेर पडू नये, घरात राहून कोरोनाविरोधात सामना...
Read More
post-image
देश

नोएडातील रस्त्यांवर निमलष्करी दल तैनात

नोएडा – सर्व जिल्ह्यांच्या आणि राज्यांच्या सीमा बंद करण्याचे आदेश केंद्र सरकारकडून करण्यात आल्यानंतर उत्तर प्रदेशचे गौतम बुद्ध नगर जिल्ह्याच्या सीमा बंद करण्यात आल्या....
Read More
post-image
आघाडीच्या बातम्या महाराष्ट्र राजकीय

हे संकट लवकर संपणार नाही, येत्या काळात काटकसरीची सवय लावा – पवार

मुंबई – राष्ट्रवादी काँग्रेसचे सर्वेसर्वा शरद पवार यांनी आज फेसबुक लाईव्हच्या माध्यमातून जनतेशी संवाद साधला. यावेळी त्यांनी जनतेला ‘हे संकट लवकर संपणार नाही, मात्र...
Read More