दादरचे चित्रा थिएटर आजपासून बंद – eNavakal
आघाडीच्या बातम्या मनोरंजन मुंबई

दादरचे चित्रा थिएटर आजपासून बंद

मुंबई – मराठी चित्रपटांना चित्रपटगृह मिळत नसल्याची निर्माते आणि प्रेक्षकांची ओरड असताना दादरचे प्रसिद्ध चित्रा थिएटर आजपासून बंद करण्यात येणार आहे. गुरुवारी रात्री टायगर श्रॉफचा ‘स्टुडंट ऑफ द इयर 2’ या चित्रपटाचा शेवटचा खेळ पार पडला. गेल्या 36 वर्षांपासून विविध चित्रपट पडद्यावर दाखवून प्रेक्षकांचे मनोरंजन करणारे चित्रा चित्रपटगृह बंद होणार असल्याने चित्रपट रसिकांमध्ये नाराजीचा सुर आहे. या चित्रपटगृहातील आठवणींना चित्रप्रेमींनी उजाळा दिला आहे. 550 आसने असलेले हे चित्रपटगृह आहे. या सिनेमागृहाची धुरा पी.डी मेहता यांच्या मुलाने दारा मेहता यांनी सांभाळली होती. मात्र प्रेक्षकांचा अल्पप्रतिसाद आणि आर्थिक चणचण जाणवत असल्यामुळे हे चित्रपटगृह बंद करण्याचा निर्णय घेण्यात आला आहे.

1961 साली प्रदर्शित झालेला शम्मी कपूर ‘जंगली’ हा चित्रपट त्याकाळी प्रचंड गाजला होता. विशेष म्हणजे या चित्रपटाने या सिनेमागृहाचे तब्बल 25 आठवडे गाजविले होते. त्याकाळी या चित्रपटगृहाकडे मराठी प्रेक्षक वर्गाचा ओघ जास्त होता. मात्र कालांतराने या चित्रपटगृहाला प्रेक्षकांचा अल्पप्रतिसाद मिळू लागला आणि आर्थिक चणचणही जाणवू लागली याच कारणास्तव हे चित्रपटगृह बंद करण्यात येणार असल्याचे दारा मेहता यांनी सांगितले.1983 साली प्रदर्शित झालेला अभिनेता जॅकी श्रॉफचा ‘हिरो’ हा चित्रपट त्यावेळी प्रचंड गाजला होता. हा चित्रपट पाहण्यासाठी प्रेक्षकांनी चित्रपटगृहाबाहेर प्रचंड गर्दी केली होती. त्यावेळी या सिनेमागृहात या चित्रपटाचे हाऊसफुल शो सुरु होते. विशेष म्हणजे जॅकी श्रॉफचा सिनेमा ज्या सिनेमागृहात सुपरहिट ठरला, त्याच जॅकी श्रॉफच्या मुलाचा म्हणजेच टायगर श्रॉफच्या सिनेमाचा आज शेवटचा शो येथे होणार आहे.

Sharing is caring!

You may also like

Read More

post-image
महाराष्ट्र

बुलढाण्यात कारमध्ये गुदमरून दोन मुलांचा मृत्यू

बुलढाणा – कारमध्ये गुदमरून दोन बालकांचा मृत्यू झाल्याची दुर्देवी घटना बुलढाण्यात घडली आहे. तर एक पाच वर्षांची चिमुकली गंभीर असून तिच्यावर रुग्णालयात उपचार सुरू आहेत....
Read More
post-image
महाराष्ट्र

विशेष मागासवर्गाच्या आरक्षणाची अंमलबजावणी १५ दिवसात करणार

मुंबई – विशेष मागास प्रवर्गाला महाराष्ट्र शासनाने १९९४ साली २ टक्के आरक्षण दिले आहे. मात्र आजवर शिक्षण व नोकरीत या आरक्षणाची अंमलबजावणी झाली नाही....
Read More
post-image
आघाडीच्या बातम्या देश

कुलभूषण जाधव प्रकरणाचा उद्या निर्णय

नवी दिल्ली – पाकिस्तानच्या अटकेत असलेले भारतीय नौसेना सेवानिवृत्त अधिकारी कुलभूषण जाधव यांच्या प्रकरणाचा निकाल आंतरराष्ट्रीय न्यायालयात उद्या 17 जुलै रोजी दुपारी 3 वाजता...
Read More
post-image
देश

कर्नाटकातील कॉंग्रेसच्या बंडखोर आमदाराला अटक

बंगळुरू – कर्नाटकमधील कॉंग्रेसचे बंडखोर आमदार रोशन बेग यांना सोमवारी बंगळुरू विमानतळावरून एसआयटीने ताब्यात घेतले आहे. बंगळुरूहून मुंबईला येत असताना आयएमए घोटाळ्याप्रकरणी त्यांच्यावर ही कारवाई...
Read More
post-image
देश

आज वर्षातील दुसरे चंद्रग्रहण दिसणार

नवी दिल्ली – वर्षातील दुसरे चंद्रग्रहण आज आषाढ पौर्णिमेच्या रात्री दिसणार आहे. हे खंडग्रास चंद्रग्रहण असून ते संपूर्ण भारतातून रात्री उशिरा तीन तास दिसेल. रात्री...
Read More