दहशतवाद्यांना धर्म नसतो – eNavakal
लेख

दहशतवाद्यांना धर्म नसतो

रमझानच्या काळात काश्मिर खोर्‍यात लष्कराने दहशतवाद्यांविरुध्दची कारवाई थांबवावी ही मुख्यमंत्र मेहबूबा मुफ्ती यांची विनंती केंद्राने सशर्त मान्य केली. याचा अर्थ रमझानसारखा सण हा शांततेची ग्वाही देतो. पण धर्माच्या नावाखाली दहशतवादी अशांतता निर्माण करतात. याला या विनंतीने एकाअर्थी दुजोरा दिला आहे. ईस्लाममधील अनेक तत्वे ही शांतता आणि मानवता शिकवणारी आहेत. दुर्दैवाने त्याचे गैरअर्थ काढले गेल्यामुळे धर्माच्या नावाखाली काही धर्मांधांकडून दहशत माजवली जाते. मुस्लिमांसाठी रमझान हा अतिशय पवित्र महिना मानला जातो. तो शांततेत साजरा करता यावा या हेतूने त्या राज्याच्या मुख्यमंत्र्यांनी ही मागणी केलेली आहे. खरे तर दहशतवाद्यांना धर्म नसतो. कारण त्यांची प्रत्येक कृती ही मानवतेविरुध्द असते. प्रत्येक धर्मामध्ये मानवतेचे संरक्षण सांगून त्याचे पावित्र्य जपण्याचा प्रयत्न केला गेला आहे. परंतु ज्या लोकांकडून मानवतेच्याच चिंधड्या उडवल्या जातात. त्यांना दहशतवादीच म्हणावे लागते. आणि म्हणूनच ा काळात लष्कराने दहशतवाद्यांविरुध्दची कारवाई थांबवावी ही मागणी एवढी तर्काधिष्ठित किंवा न्यायोचितही वाटत नाही. कारण काश्मिर खोर्‍यामध्ये शांतता निर्माण व्हावी. सामान्य माणसाला आपले दैनंदिन जीवन सुखरूप जगता यावे. त्यासाठी लष्कर सातत्याने प्रयत्न करीत आहे. मात्र तिथल्या परिस्थितीचा गैरफायदा घेऊन आणि पाकिस्तानच्या पैशावर आपले पोट भरणार्‍या फुटीरतावाद्यांनी त्याठिकाणी सतत अस्थिरता कायम ठेवली. निष्पाप नागरिकांचे बळी घेण्याचा आणि अशा निष्पापांना संरक्षण देणार्‍या लष्करावरही हल्ला करण्याचा भेकड प्रकार ते करीत राहिले आहेत. लष्कर निर्माण करू पाहात असलेली शांतताच ज्यांना मान्य नाही. ते रमझानच्या पवित्र महिन्यात तरी शांतता कायम ठेवतील यावर विश्वास तरी कसा ठेवायचा असा प्रश्न निर्माण होतो. लष्कराच्या कारवाईदरम्यान सामान्य नागरिकावर काही प्रमाणात ताण येतो ही गोष्ट खरी आहे. परंतु त्याचा लाभ किंवा फायदा हा तिथल्या नागरिकांनाच होणार असतो. बर्‍याचवेळेला तर तिथल्या या सामान्य नागरीकाची दिशाभूल करून दहशतवादी स्वतःची आश्रयस्थाने निर्माण करतात. ते अशा ठिकाणी लपून बसतात की तिथे जाऊन लष्कराला कारवाई करण्याशिवाय पर्याय उरत नाही. अशी परिस्थिती असतानाही केंद्राने व्यापक हित लक्षात घेऊन मुख्यमंत्र्यांची विनंती मान्य केली आहे. मात्र या काळात जर दहशतवाद्यांकडून कोणत्याही प्रकारचा हल्ला झाला तर तो परतवून लावण्याचा किंवा एखादी निश्चित स्वरुपाची गुप्तचरांची माहिती प्राप्त झाली तर त्यानुसार कारवाई करण्याचा अधिकार केंद्राने राखून ठेवलेला आहे. प्रश्न एवढाच आहे की रमझानचे पावित्र्य हे जर माणूसकीच्या चारित्र्याशी निगडीत असेल तर हे दहशतवादी निदान या काळात तरी समजूतदारपणा दाखवातात का हे पाहायला हवे.

Sharing is caring!

You may also like

Read More

post-image
News देश

छत्तीसगड विधानसभा निवडणुकीसाठी काँग्रेसकडून उमेदवारांची पहिली यादी जाहीर

रायपूर – नोव्हेंबर महिन्यात छत्तीसगडमध्ये विधानसभा निवडणूक पार पडणार असून दोन टप्प्यात ही निवडणूक होणार आहे. काँग्रेसने उमेदवारांची पहिली यादी आज जाहीर केली. यात...
Read More
post-image
News मुंबई

म्हाडातील मुख्य अधिकार्‍यांना नवीन गाड्या मिळण्याची शक्यता

मुंबई- म्हाडातील नवनिर्वाचित अध्यक्ष व सभापती यांना इनोव्हा गाड्या देण्यात आल्या आहेत. याच धर्तीवर म्हाडातील मुख्य अधिकारी यांना कार्यालयीन कामकाजासाठी नवीन गाड्या दिल्या जाणार...
Read More
post-image
News महाराष्ट्र

मुंब्रा मदरसातून अपहरण झालेला तरुण सापडला

ठाणे- 14 ऑक्टोबर रोजी संध्याकाळी 7 वाजण्याच्या नुरुल उलूम मदरसा येथून दोन अज्ञात इसमांनी अपहरण केलेला 18 वर्षीय तरुण हसन अहमद हा आज दुपारी कल्याण...
Read More
post-image
News देश

राजकीय पक्षांनी महिलांसाठी तक्रार समिती स्थापन करावी – मनेका गांधी

नवी दिल्ली -देशात चालत असलेल्या मीटू कँपेनच्या पार्श्वभूमीवर महिला व बालविकास मंत्री मनेका गांधींनी देशातील सर्व राजकीय पक्षांना महत्त्वाचे आवाहन केले. राजकीय पक्षांनी महिलांसाठी...
Read More
post-image
News देश

श्रीलंकेचे पंतप्रधान दिल्लीमध्ये दाखल! नरेंद्र मोदींची शनिवारी भेट घेणार

नवी दिल्ली -श्रीलंकेचे पंतप्रधान राणील विक्रमसिंघे आजपासून तीन दिवसांच्या भारत दौर्‍यावर आले आहेत. आज संध्याकाळी ते राजधानी दिल्लीमध्ये पोहचले. माध्यमांमध्ये आलेल्या वादग्रस्त विधानादरम्यान विक्रमसिंघे...
Read More