‘त्या’ चार वॉर्डातील पोटनिवडणुका जाहीर करू नका! हायकोर्टाचा निवडणूक आयोगाला आदेश – eNavakal
News मुंबई

‘त्या’ चार वॉर्डातील पोटनिवडणुका जाहीर करू नका! हायकोर्टाचा निवडणूक आयोगाला आदेश

मुंबई – मुंबई महानगरपालिकेच्या चार नगरसेवकांची निवड रद्द झाल्यानंतर पोटनिवडणुकीचा घाट घालणार्‍या निवडणूक आयोगाला उच्च न्यायालयाने आज दणका दिला. पश्चिम उपनगरांमधील 28 ,81, 76 आणि 32 या चार रिक्त झालेल्या वॉर्डमधील केवळ मतदार याद्या अद्यावत करण्याचे काम पूर्ण करा. मात्र 12 जूनपर्यंत निवडणूक कार्यक्रम जाहीर करू नका, असा आदेश सुटीकालीन न्यायालयाचे न्यायमूर्ती अजय गडकरी आणि न्यायमूर्ती एन. जे. जमादार खंडपीठाने निवडणूक आयोगाला दिला आणि याचिकांची पुढील सुनावणी नियमित न्यायालयासमोर 10 जूनला निश्चित केली.
2017 च्या निवडणुकीत कॉग्रेस नगरसेवक राजपती यादव (वॉर्ड 28) भाजपाचे नगरसेवक मुरजी पटेल. (वार्ड नं. 81 ) भाजपा नगरसेवक केशवबेन पटेल (वार्ड नं. 76 )आणि काँग्रस नगरसेवक स्टेफी केणी (वॉर्ड नं. 32 ) मधून विजयी झाले. मात्र त्यांचे जात प्रमाणपत्र अवैध ठरल्यानंतर नगरसेवक पद रद्द करण्यात आले. या रिक्त जागावर पोट निवडणूक घेण्याचा निर्णय निवडणूक आयोगाने घेतला. त्यानुसार मतदार याद्या बनविण्याचा कार्यक्रम जाहीर केला. तशी अधिसूचना 9 मे रोजी जाहीर केली. या अधिसूचनेविरोधात निवडणुकीत पराभूत झालेल्या आणि दोन क्रमांकावर असलेल्या शिवसेनेच्या शंकर हुंडारे, संदीप नाईक, गीता भंडारी आणि काँग्रेसचे नितीन सलागरे यांच्या वतीने अ‍ॅड. संजीव कदम अ‍ॅड.राजू पै आणि अ‍ॅड. चिंतामण भणंगोजी यांनी उच्च न्यायालयात याचिका दाखल केल्या. त्या याचिकांवर न्यायमूर्ती अजय गडकरी आणि न्यायमूर्ती एन जे जमादार यांच्या खंडपीठासमोर आज सुनावणी झाली.
यावेळी याचिकाकर्त्यांच्यावतीने अ‍ॅड. राजू पै, अ‍ॅड. संजीव कदम आणि अ‍ॅड. चिंतामण भणंगोजी यांनी निवडणूक आयोगाच्या मतदार याद्या अद्यावत करण्याच्या अधिसूचनेला जोरदार आक्षेप घेतला. नगरसेवक पद रद्द झालेल्या नगसेवकांच्या निवडीला पालिका कायदा कलम 33 (2) अन्वये कनिष्ट न्यायालयात आव्हान देण्यात आले आहे. त्याचा निर्णय झालेला नाही असे असताना निवडणुक आयोग पोट निवडणुकीसाठी मतदार याद्या अद्यावत करण्याचे करण्याचे काम सुरू करू शकत नाही, अथवा निवडणूक कार्यक्रम जाहिर करून शकत नाही, अशाप्रकारे आकस्मिकपणे निवडणुका जाहीर केल्यास याचिकादारांच्या कनिष्ट न्यायालयात प्रलंबित असलेल्या दाव्यांवर त्याचा परिणाम होऊ शकतो. अशी भिती व्यक्त करून या मतदार याद्या बनविण्याची अधिसुचना रद्द करावी अशी विनंती केली. यावेळी आयोगाच्या वतीने अ‍ॅड. ईरफान शेख यांनी आयोगाने केवळ मतदार यादी तयार करण्याचा कार्यक्रम जाहीर केला आहे. पोटनिवडणुकीचा कार्यक्रम जाहीर केला नसल्याचे न्यायालयात स्पष्ट केले. याची दखल घेऊन न्यायालयाने केवळ मतदार यादी तयार करण्याचे काम पूर्ण करा, मात्र 12 जूनपर्यंत पोटनिवडणुकीचा कार्य जाहीर करून नका, असा आदेश निवडणूक आयोगाला देत याचिकेची पुढील सुनावणी 10 जूनपर्यंत तहकूब ठेवली.

Sharing is caring!

Leave a Comment

Your email address will not be published.

You may also like

Read More

post-image
आघाडीच्या बातम्या विदेश

विकिलीक्सच्या आसांजेवर आणखी १७ गुन्हे दाखल

वॉशिंटन – अमेरिकेने विकिलीक्सचे प्रकाशक जूलियन असांजेवर गुप्‍त माहिती अधिनियम अतंर्गत 17 नवे आरोप लावले आहेत. अमेरिकेने युकेकडून असांजेच्या प्रत्यापर्णणाची मागणी केली आहे. लंडनच्या बेलमार्श...
Read More
post-image
आघाडीच्या बातम्या देश

गिर्यारोहक अंजली कुलकर्णीचा एव्हरेस्ट शिखरावर मृत्यू

काठमांडू – भारतीय गिर्यारोहक अंजली कुलकर्णीचा एव्हरेस्ट शिखर उतरतांना पाय घसरून मृत्यू झाल्याची धक्‍कादायक घटना घडली आहे. त्यांचे पती शरद कुलकर्णी देखील त्यांच्या सोबत...
Read More
post-image
आघाडीच्या बातम्या गुन्हे मुंबई

सीनिअर डॉक्टर्सच्या रॅगिंगला कंटाळून महिला डॉक्टरची आत्महत्या

मुंबई – वरिष्ठ महिला डॉक्टरांकडून होणाऱ्या रॅगिंगला कंटाळून मुंबईतल्या नायर रुग्णालयातील महिला डॉक्टरने आत्महत्या केली आहे. पायल सलमान तडवी असं या डॉक्टरचं नाव आहे. ती मूळची...
Read More
post-image
आघाडीच्या बातम्या देश

अनुराग कश्यपच्या मुलीला मोदी समर्थकाची बलात्काराची धमकी

नवी दिल्‍ली – चित्रपट दिग्दर्शक अनुराग कश्यप यांच्या मुलीला एका मोदी समर्थकाने ट्विटरवरून बलात्काराची धमकी दिली आहे. या ट्विटचा स्क्रीन शॉर्ट शेअर करत अनुरागने...
Read More
post-image
आघाडीच्या बातम्या देश

मोस्ट वाँटेड दहशतवादी झाकीर मुसाचा खात्मा

श्रीनगर – भारतीय सुरक्षा यंत्राणांच्या हाती मोठे यश आले आहे. जम्मू-काश्मीरमधील मॉस्ट वाँटेड दहशतवादी झाकीर मुसाचा सुरक्षा यंत्रणांनी चकमकीत खात्मा केला. पोलीस, लष्कर आणि निमलष्करी...
Read More