तूर्भ्यातील इंधन डेपोची सुरक्षा वाऱ्यावर – eNavakal
News मुंबई

तूर्भ्यातील इंधन डेपोची सुरक्षा वाऱ्यावर

नवी मुंबई – चेंबूरच्या रिफायनरी प्रकल्पामध्ये आग लागल्यानंतर आता औद्योगिक क्षेत्रातील तुर्भे येथील आय पी सी एल आणि बी पी सी एल या दोन इंधन डेपोच्या सुरक्षा व्यवस्थेची चर्चा ऐरणीवर आली आहे. या दोन डेपोच्या सुरक्षा कुंपणालगतच वाणिज्य संकुलाच्या भिंती बांधण्यात आल्या असून या अती संवेदनशील परिसराला यामुळे धोका निर्माण झाला आहे. चेंबूरच्या आग लागण्याच्या पार्श्वभूमीवर आता तूर्भ्यातील या इंधन डेपोच्या सुरक्षेकडे लक्ष वेधण्यात आले आहे

तुर्भे येथे औद्योगिक वसाहतीमध्ये आय पी सी एल व बी पी सी एल या केंद्र सरकारच्या कंपन्यांचे मोठे डेपो असून या डेपोमधून राज्यभरात इंधन वितरण केले जाते. या डेपोमधील टाक्यांमध्ये मोठ्या प्रमाणात पेट्रोल आणि डिझेलचा साठा आहे. या डेपो लगत रहेजा हे नव्याने विकसित झालेले आलिशान वाणिज्य संकुल उभारण्यात आले आहे. या संकुलाची भिंत आणि डेपोची भिंत जोडून असून या सुरक्षा भिंतीची उंची अत्यंत कमी असून या परिसरात प्रवेश निषिद्ध आहे. मात्र संकुलाच्या इमारतीमधील जागेमधून कोणीही सहज प्रवेश करू शकतं. यामुळे या परिसराला संभाव्य धोका निर्माण होण्याची भीती पर्यावरण सेवाभावी संस्थेने थेट पोलिसांकडे व्यक्त केली आहे. वाणिज्य संकुलातील वाहनांची पार्किंग डेपोच्या शेजारीच केली जात आहे. सुरक्षा रक्षक तपासणी करत असले तरी ही तपासणी तकलादू ठरत आहे. इमारतीच्या पहिल्या माळ्यावरून या डेपो परिसराची सहज टेहळणी करता येते. परिणामी याबाबत पोलिसांनी अपेक्षित कारवाई करायला हवी अशी मागणी केली जात आहे.

यापूर्वी पोलिसांनीच हा परिसर सुरक्षेच्या दृष्टीने संवेदनशील घोषित केला आहे. डेपो परिसरात केंद्रीय सुरक्षा बलाची सुरक्षा व्यवस्था आहे. मात्र हे सुरक्षा रक्षक डेपोच्या परिसरात लक्ष ठेवून असतात. मात्र डेपो लगत असलेल्या व्यावसायिक संकुलाच्या जागेमध्ये धोका वाढण्याची शक्यता आहे. या इमारतीमध्ये नवीन बांधकाम सुरू असल्याने मजुरांचा वावर मोठ्या पमाणात सुरू आहे. हे मजूर धूम्रपान करत असताना एखादी ठिणगी देखील मोठ्या अपघाताला निमंत्रण देणारी ठरू शकते. हे वाणिज्य संकुल एक मोठी रसायन कंपनी बंद करून त्या जागेवर बांधण्यात आले आहे. यापूर्वी या परिसरात आग लागण्याच्या घटनाही घडल्या आहेत.

Sharing is caring!

You may also like

Read More

post-image
महाराष्ट्र

आदित्य ठाकरे उद्या नाशिक शहरात जाणार

नाशिक – शिवसेना नेते आणि युवसेनाप्रमुख आदित्य ठाकरे यांच्या जनआशीर्वाद यात्रेला गुरुवारी सुरुवात झाली. यात्रेच्या पहिल्याच दिवशी ‘ही जनआशीर्वाद यात्रा निवडणुकीसाठी किंवा प्रचारासाठी नाही....
Read More
post-image
दिनविशेष

दिनविशेष : सोज्वळ अभिनेत्री उमा भेंडे

ज्येष्ठ अभिनेत्री उमा भेंडे यांचा आज स्मृतिदिन. त्यांचा जन्म ३१ मे १९४५ साली कोल्हापूर येथे झाला. सोज्वळ अभिनेत्री म्हणून उमा भेंडे यांनी मराठी रसिक मनावर...
Read More
post-image
देश

सोन्याचे भाव वाढण्याची शक्यता! ३६ हजाराच्या घरात जाणार

मुंबई – आंतरराष्ट्रीय बाजारात सोन्याची मागणी वाढल्याने सोने महागण्याची चिन्हे दिसत आहेत. आज सोन्याचा भाव सर्वाधिक होण्याची शक्यता आहे. त्यामुळे सोने खरेदी करण्याच्या विचारात...
Read More
post-image
महाराष्ट्र

पालघरच्या सातपाटी परिसरात यंदा पापलेटच्या उत्पादनात घट

पालघर – राज्यासह जगभरात निर्यात होणार्‍या पालघरच्या सातपाटी परिसरातील पापलेट या मत्स्याच्या प्रकारामध्ये यंदा प्रचंड घट झाली आहे. पापलेटचे उत्पादन गेल्या हंगामापेक्षा 190 टनांनी घटले...
Read More
post-image
देश

मनोहर पर्रिकरांच्या स्मारकासाठी अर्थसंकल्पात १० कोटींची तरतूद

पणजी – गोव्यामधील मिरामार बीचवर गोव्याचे दिवंगत मुख्यमंत्री मनोहर पर्रीकर यांचे स्मारक उभारले जाणार आहे. या स्मारकासाठी गोव्याच्या अर्थसंकल्पात 10 कोटी रुपयांची तरतूद करण्यात...
Read More