तुरुंगात असलेले रमेश कदम ठाण्यातील घरात; ५३ लाखांची रोकड जप्त – eNavakal
महाराष्ट्र

तुरुंगात असलेले रमेश कदम ठाण्यातील घरात; ५३ लाखांची रोकड जप्त

ठाणे – राज्यात विधानसभा निवडणुकीची आचारसंहिता लागू असताना ठाण्यातील घोडबंदर येथील एका खासगी फ्लॅटमध्ये ५३ लाख ४६ हजार रुपयांची रोख रक्कम जप्त करण्यात आली आहे. ठाणे पोलीस व निवडणूक आयोगाच्या पथकाने ही कारवाई केली. धक्कादायक म्हणजे ही कारवाई करताना पोलिसांना घटनास्थळी अण्णाभाऊ साठे महामंडळातील आर्थिक गैरव्यवहारप्रकरणी ठाणे मध्यवर्ती कारागृहात कैदेत असलेले आणि विधानसभा निवडणुकीतील मोहोळ मतदारसंघाचे अपक्ष उमेदवार आमदार रमेश कदम आणि फ्लॅटमालक राजू खरे हे दोघे आढळून आले. निवडणूक आयोगाने या प्रकरणाची गंभीर दखल घेतली असून नियमानुसार तातडीने सक्त कारवाई करण्याच्या सूचना पोलिसांना देण्यात आल्या आहेत. हा फ्लॅट सिल बंद करण्यात आला असून रमेश कदम यांना ठाणे तुरुंग अधिकाऱ्यांच्या ताब्यात देण्यात आले असल्याचे अतिरिक्त मुख्य निवडणूक अधिकारी दिलीप शिंदे यांनी सांगितले आहे.

साठे महामंडळातील भ्रष्टाचार प्रकरणांमध्ये कदम यांच्याविरुद्ध गुन्हा दाखल झालेला आहे. सध्या ते ठाणे जिल्हा मध्यवर्ती कारागृहात कैदेत आहेत. १८ ऑक्टोबर रोजी त्यांना वैद्यकीय तपासणीसाठी मुंबईतील सर जे. जे. रुग्णालयात नेण्यात आले होते. तपासणीनंतर ठाण्यातील घोडबंदर रोडवर राहणाऱ्या मित्राकडून महत्त्वाचे पार्सल घ्यायचे असल्याचे कदम यांनी त्यांच्यासोबत असलेल्या पोलिसांना सांगितले. पोलिसांनीही नियम मोडत त्यांची ही मागणी मान्य केली आणि मुंबईतून कदम यांना थेट कारागृहात नेण्याऐवजी घोडबंदर रोड, ओवळा येथील पुष्पांजली रेसिडेन्सी इमारतीतील तिसऱ्या मजल्यावरील राजू खरे यांच्या ३०१ क्रमांकाच्या फ्लॅटवर नेले. तिथून कदम हे पार्सल घेऊन निघण्याच्या तयारीत असतानाच ठाणे गुन्हे अन्वेषण विभाग आणि निवडणूक विभागाने फ्लॅटवर छापा टाकला. त्यांच्याकडील पार्सलची तपासणी केली असता त्यामध्ये ५३ लाख ४६ हजारांची रोकड आढळून आली.

Sharing is caring!

You may also like

Read More

post-image
अर्थ आघाडीच्या बातम्या देश

Budget 2020 : वाचा! नव्या अर्थसंकल्पातून कोणाला काय मिळाले?

नवी दिल्ली – २०२०-२१ सालचा अर्थसंकल्प केंद्रीय अर्थमंत्री निर्मला सीतारामन यांनी केला. या अर्थसंकल्पाचे वैशिष्ट्य म्हणजे कररचनेत करण्यात आलेला बदल. तसेच, शिक्षण, कृषी, आरोग्य,...
Read More
post-image
आघाडीच्या बातम्या

पुणे जिल्हा परिषद निवडणूक; अध्यक्षपदी राष्ट्रवादीच्या निर्मला पानसरे

पुणे – पुणे जिल्हा परिषदेच्या निवडणुकीत राष्ट्रवादीने  वर्चस्व कायम ठेवले आहे. जिल्हा परिषदेच्या अध्यक्षपदी राष्ट्रवादीच्या निर्मला पानसरे तर उपाध्यक्षपदी रणजित शिवतारे यांची निवड करण्यात...
Read More
post-image
आघाडीच्या बातम्या देश

देशात गरिबी, उपासमार, असमानता वाढली, एमपीआयचा धक्कादायक अहवाल

नवी दिल्ली – देशाचे सामाजिक वातावरण गढूळ झालेले असताना आणखी एक धक्कादायक माहिती समोर आली आहे. देशातील 22 ते 25 राज्य आणि केंद्रशासित प्रदेशात...
Read More
post-image
देश

पोलीस कोठडीतील पिता-पुत्राच्या मृत्यूबद्दल तामिळनाडूच्या चार पोलीस कर्मचाऱ्यांना अटक

चेन्नई – तामिळनाडू राज्यातील तुतिकोरीन शहरातील पी. जयराज आणि त्यांचा मुलगा बेनिक्स या पिता-पुत्रांना पोलीस कोठडीत मरेपर्यंत अमानुष मारहाण आणि अनैसर्गिक लैंगिक छळ केल्याप्रकरणी...
Read More
post-image
कोरोना देश

केरळमध्ये ५२ सीआयएसएफ जवानांना कोरोना लागण

तिरुवअनंतपुरम – गेल्या दोन आठवड्यांमध्ये केरळच्या कण्णूरमधील तब्बल ५२ सीआयएसएफ जवानांना कोरोनाची लागण झाल्याचे समजताच सीआयएसएफ दलात खळबळ उडाली. त्यामुळे सर्व जवानांना विलगीकरणात ठेवण्यात...
Read More
post-image
राजकीय विदेश

व्लादिमीर पुतीन 2036पर्यंत रशियाचे अध्यक्ष राहणार

मॉस्को – गेली 20 वर्षे रशियाचे अध्यक्ष असलेले व्लादिमीर पुतीन हे आणखी 16 वर्षे म्हणजे 2036पर्यंत रशियाचे अध्यक्ष राहणार आहेत. त्यासाठी संपूर्ण रशियामध्ये जनमत...
Read More
post-image
महाराष्ट्र राजकीय

तुकाराम मुंढेविरोधात न्यायालयात जाण्याचा भाजपाचा इशारा

नागपूर – नागपूर महापालिकेचे शिस्तप्रिय आयुक्त तुकाराम मुंढे हे अडचणीत येण्याची शक्यता आहे. कारण स्मार्ट सिटी अनियमितता प्रकरणात महापालिका आयुक्त तुकाराम मुंढे गोत्यात येणार...
Read More
post-image
आघाडीच्या बातम्या मुंबई

मुंबईला मुसळधार पावसाचा इशारा! ऑरेंज अलर्ट जारी

मुंबई – काही दिवसांपासून दडी मारुन बसलेला पाऊस मुंबईत काही ठिकाणी पुन्हा सक्रिय होण्याची शक्यता भारतीय हवामान विभागाने वर्तवली आहे. एका आठवड्याच्या विश्रांतीनंतर या...
Read More