डी वॉर्डामध्ये मनसे-शिवसेना कार्यकर्त्यांनी केली तोडफोड – eNavakal
News मुंबई

डी वॉर्डामध्ये मनसे-शिवसेना कार्यकर्त्यांनी केली तोडफोड

मुंबई- गणेशोत्सव मंडळांना मंडप बांधण्यास परवानगी न देणे तसेच गणेशोत्सव मंडळांच्या मंडपांवर कारवाई करण्याचे प्रकार सध्या ग्रांटरोड भागात सुरू असून त्यामुळे याचा जाब विचारण्यास गेलेल्या शिष्टमंडळाला डी विभाग कार्यालयाचे सहाय्यक आयुक्तांनी भेट न दिल्याने संतप्त झालेल्या मनसे आणि शिवसेनेच्या कार्यकर्त्यांनी थेट कार्यालयाची तोडफोड केली. यावेळी या कार्यकर्त्यांनी सहाय्यक आयुक्त आणि कार्यकारी अभियंता यांची खुर्चीच कार्यालयाखाली आणून त्यांच्या खुर्चीला हारफुले वाहीली.

गणेशोत्सव मंडळावर होत असलेल्या अन्यायकारक कारवाईमुळे मनसेचे विभाग प्रमुख यांच्या नेतृत्वाखाली काही मनसेचे शिष्टमंडळ डी विभागाचे सहाय्यक आयुक्त विश्वास मोटे यांना भेटण्यास गेले होते. दुपारी पावणे बाराच्या सुमारास ही सर्व मंडळी सहाय्यक आयुक्तांना भेटण्यास गेले असता, त्यांनी या मंडळींना भेट देण्यास नकार दिला. यावेळी या लोकांची आणि मोटे यांची बाचाबाची झाली. त्यानंतरही मोटे यांनी भेट न दिल्यामुळे ते अधिकच आक्रमक झाले होते.

दरम्यान, त्या ठिकाणी शिवसेना विभाग प्रमुख पांडुरंग सकपाळ आणि त्यांचे दोन शिवसैनिक पोहोचले. त्यांनीही मोटे आणि प्रशासनाविरोधात तीव्र राग व्यक्त करण्यास सुरुवात करून दरवाज्यावर लाथा मारण्यास सुरुवात केली. तेव्हाच मनसेचे पदाधिकारीही आक्रमक झाले आणि त्यांनी थेट सहाय्यक आयुक्त विश्वास मोटे, कार्यकारी अभियंत्यांची खुर्ची जिन्यावरून खाली फेकून दिली. त्यानंतर याच खुर्चीला हारफुले वाहून त्यांची प्रतिकात्मक पूजा केली. पोलिसांनी मनसे, शिवसेना कार्यकर्त्यांना ताब्यात घेतले होते.

Sharing is caring!

You may also like

Read More

post-image
आघाडीच्या बातम्या महाराष्ट्र

विरोधी पक्षातील गटनेत्यांची बैठक सुरू

राज्य विधीमंडळीचे हिवाळी अधिवेशन उद्यापासून सुरु होत असून या पार्श्वभूमीवर विरोधी पक्षनेत्यांची बैठक विधानसभेचे पक्षनेेते आणि कॉंग्रेसचे आमदार राधाकृष्ण यांच्या शासकीय निवास स्थानी पार...
Read More
post-image
महाराष्ट्र

नांदेडातील ६६ पोलीस कर्मचाऱ्यांना नियुक्तीचे आदेश; घोटाळ्यातील निवड यादी रद्द

नांदेड – नांदेडात घेण्यात आलेल्या पोलीस भरतीच्या लेखी परीक्षेत मोठा घोळ झाला होता़. घोटाळ्याचे हे रॅकेट राज्यभर पसरले असल्याचे उघडकीस आले होते. त्यानंतर घेतलेली लेखी...
Read More
post-image
आघाडीच्या बातम्या महाराष्ट्र

हे सरकार फसवे, या सरकारला मतदान करणार नाही- मराठा भगिनी

मुंबई – मुंबईतील आझाद मैदानात गेल्या 16 दिवसांपासून सकल मराठा क्रांती मोर्चाचे आपल्या मागण्यांसाठी उपोषण सुरू होते.  सरकारच्यावतीने आलेले राज्यमंत्री गिरीश महाजन यांच्या आश्वासनानंतर अखेर १६...
Read More
post-image
महाराष्ट्र

नांदेडातील माहुरात फर्निचर गोदामास आग, लाखोंचे नुकसान

नांदेड – नांदेड जिल्ह्यातील श्री क्षेत्र माहूर शहरातील आबासाहेब पारवेकर नगर स्थित फायबर फर्निचर साहित्य असलेल्या गोदामास आज सकाळी ७च्या सुमारास भीषण आग लागली. यात...
Read More
post-image
देश

अमृतसरमध्ये धार्मिक स्थळ परिसरात स्फोट; तिघांचा मृत्यू

अमृतसर – धार्मिक स्थळ परिसरात स्फोट झाला असून स्फोटामध्ये ३ जणांचा मृत्यू झाला असून १० जण गंभीर जखमी झाले आहेत. दुचाकीवरून आलेल्या अज्ञातांकडून ग्रेनेड...
Read More