ठाण्यात शिवसेना-भाजपाचा वाद चव्हाट्यावर – eNavakal
आघाडीच्या बातम्या राजकीय

ठाण्यात शिवसेना-भाजपाचा वाद चव्हाट्यावर

मुंबई – सातत्याने एकमेकांवर आगपाखड करणार्‍या शिवसेना-भाजपा यांचे अखेर आगामी निवडणुकांसाठी युतीचे घोडे गंगेत न्हाले. असे असले तरी युतीत काही आलबेल आहे असे दिसत नाही. ठाण्यात शिवसेना आणि भाजपातील वाद उफाळून आला आहे. शिवसेना खासदार राजन विचारेंच्या उमेदवारीवरून भाजपा नगरसेवकांनी विरोध केला आहे.

विचारे यांना उमेदवारी नको असे साकडेच भाजपा नगरसेवकांनी मुख्यमंत्री फडणवीस यांना घातले आहे. तसेच जर उमेदवारी दिली तर निवडणुकीत पक्षाला मदत करणार नसल्याचा इशाराही त्यांनी दिला आहे.

मुख्यमंत्री फडणवीस यांना दिलेल्या निवेदनात नगरसेवकांनी म्हटले आहे की, गेल्या साडेचार वर्षांत शिवसेनेचे खासदार राजन विचारे यांनी भाजपाचे आमदार आणि नगरसेवकांच्या अनेक कामांमध्ये अडथळे आणण्याचे काम केले. तसेच जनतेशी उध्दटपणे वागणे यामुळे ठाणेकरसुध्दा विचारेंवर नाराज आहेत. या संदर्भात आपल्याकडे वारंवार तक्रारी करण्यात आल्या आहेत. मात्र त्यावर अद्याप कारवाई झालेली नाही. त्यातही ही जागा शिवसेनेला देणे अपरिहार्य झाले तरीसुध्दा राजन विचारे यांच्याऐवजी दुसरे कोणतेही नाव द्यावे त्यांच्यासाठी आम्ही काम करू. मात्र राजन विचारेंचे काम करणार नसल्याचा इशाराही दिला आहे. तसेच ठाणे लोकसभा मतदार संघात भाजपाचे विधानसभेत नंदा म्हात्रे, नरेंद्र मेहता, संजय केळकर तर निरंजन डावखरे आणि रमेश पाटील हे विधानपरिषदेचे आमदार आहेत. परंतु शिवसेनेचे मात्र विधानसभेत एकनाथ शिंदे आणि प्रताप सरनाईक हे दोन आणि रविंद्र फाटक हे विधानपरिषदेचे आमदार आहेत. त्यामुळे या संख्याबळाचा विचार केल्यास मेरीटनुसार भाजपाच आघाडीवर आहे. त्यामुळे ही जागा भाजपाला सोडावी अशी मागणीही या नगरसेवकांनी केली आहे.

Sharing is caring!

You may also like

Read More

post-image
अर्थ आघाडीच्या बातम्या देश

Budget 2020 : वाचा! नव्या अर्थसंकल्पातून कोणाला काय मिळाले?

नवी दिल्ली – २०२०-२१ सालचा अर्थसंकल्प केंद्रीय अर्थमंत्री निर्मला सीतारामन यांनी केला. या अर्थसंकल्पाचे वैशिष्ट्य म्हणजे कररचनेत करण्यात आलेला बदल. तसेच, शिक्षण, कृषी, आरोग्य,...
Read More
post-image
आघाडीच्या बातम्या

पुणे जिल्हा परिषद निवडणूक; अध्यक्षपदी राष्ट्रवादीच्या निर्मला पानसरे

पुणे – पुणे जिल्हा परिषदेच्या निवडणुकीत राष्ट्रवादीने  वर्चस्व कायम ठेवले आहे. जिल्हा परिषदेच्या अध्यक्षपदी राष्ट्रवादीच्या निर्मला पानसरे तर उपाध्यक्षपदी रणजित शिवतारे यांची निवड करण्यात...
Read More
post-image
आघाडीच्या बातम्या देश

देशात गरिबी, उपासमार, असमानता वाढली, एमपीआयचा धक्कादायक अहवाल

नवी दिल्ली – देशाचे सामाजिक वातावरण गढूळ झालेले असताना आणखी एक धक्कादायक माहिती समोर आली आहे. देशातील 22 ते 25 राज्य आणि केंद्रशासित प्रदेशात...
Read More
post-image
आघाडीच्या बातम्या मुंबई

मुंबईतील ‘त्या’ पोलीस उपायुक्ताचा कोरोना रिपोर्ट निगेटिव्ह

मुंबई – कोरोनाचा वाढता कहर पाहता याची लागण आता कर्तव्यदक्ष असणाऱ्या डॉक्टर आणि पोलिसांत देखील आढळून येत आहेत. मुंबईतील अशाच एका पोलीस उपायुक्त म्हणजेच डीसीपी रँकच्या अधिकाऱ्यात कोरोनाची...
Read More
post-image
आघाडीच्या बातम्या मुंबई

परिसर सील असतानाही वरळी कोळीवाड्यातील नागरिकांचा बोटीने प्रवास; ५ जण अटकेत

मुंबई – कोरोनच्या पार्श्वभूमीवर मुंबईतील वरळी-कोळीवाडा हा भाग सील करण्यात आला आहे. असे असतानाही या भागातील लोक किराणा आणण्यासाठी समुद्रमार्गे माहीमला जात असल्याची धक्कादायक माहिती समोर...
Read More
post-image
ट्रेंडिंग

वाघ, सिंह तुमच्याही घरात आलेत का? गुगलचं ‘हे’ फिचर वापरून पाहा!

कोरोना, लॉकडाउन आणि सोशल मीडिया सध्या याच गोष्टी कानावर पडत आहेत. त्यातही अनेकजण सकारात्क आणि मजेशीर गोष्टी करण्याचा प्रयत्न करत आहेत. सध्या सोशल मीडियावर काही...
Read More
post-image
ट्रेंडिंग देश

फळं आणि भाज्या लवकर खराब होऊ नये, यासाठी काय करावे?

लॉकडाऊन असल्यामुळे घराबाहेर पडणे शक्य नाही. शिवाय कोरोनाचा संसर्ग टाळण्यासाठी घराबाहेर जाणे योग्यही नाही. त्यामुळे सतत बाजारात जाणे शक्य नसल्याने घरातील अन्नधान्य, भाज्या, फळे...
Read More
post-image
आघाडीच्या बातम्या देश

मोदींनी ‘या’ देशातून कॉपी केली दिवे पेटवण्याची संकल्पना

मुंबई – कोरोना व्हायरसविरोधात भारत देश एकवटला आहे, हे दर्शवण्यासाठी ५ एप्रिल रोजी रात्री ९ वाजता ब्लॅकाऊट करून फक्त दिवे, मेणबत्त्या, मोबाईल टॉर्चर पेटण्याचे...
Read More