टीम इंडियाचे विमान जमिनीवर – eNavakal
क्रीडा देश लेख

टीम इंडियाचे विमान जमिनीवर

गेले काही महिने आकाशात उंच भरारी घेणार्‍या विराट कोहलीच्या टीम इंडियाचे विमान मायदेशात ऑस्ट्रेलियाविरुद्ध झालेल्या टी-20 आणि वनडे मालिकेतील पराभवामुळे जमिनीवर स्थिरावले आहे.  ऑस्ट्रेलियाने या विजयाबरोबरच आपल्या घरच्या मैदानावर झालेल्या कसोटी आणि वनडे मालिकेतील पराभवाची लगेचच परतफेड केली. तसेच भारतीय भूमीत दिल्ली सर करून डबल धमाकादेखील साजरा केला.

तब्बल 28 महिन्यांच्या मोठ्या अवधीनंतर टीम इंडियाला मायदेशात वनडे मालिका गमवावी लागली. तर 10 वर्षांच्या मोठ्या अवधीनंतर ऑस्ट्रेलियाने भारतात वनडे मालिकेतील पहिल्या विजयाची नोंद केली. वनडे मालिकेत सुरुवातीला 2-0 अशी आघाडी घेऊन मालिका दोन वेळा गमवणारा भारत हा पहिला क्रिकेट देश ठरला आहे. विश्वचषक स्पर्धेेला थोडाच अवधी बाकी असताना भारतीय संघासाठी हा पराभव निश्चितच धोक्याची घंटा आहे, असे म्हटले तर वावगे ठरू नये.

ऑस्ट्रेलियात प्रथमच कसोटी आणि वनडे मालिका जिंकण्याचा पराक्रम विराट सेनेने अगोदर करून दाखवला होता. त्यामुळे आपल्या घरच्या मैदानावर खेळणारा भारतीय संघ ऑस्ट्रेलियाला पुन्हा सहज लोळवेल, अशीच आशा तमाम भारतीय क्रिकेटप्रेमी ही मालिका सुरू होण्यापूर्वी करत होते. पण भारतीय क्रिकेटप्रेमींच्या आशेवर टीम इंडियाने सुमार खेळ करून पाणी फेरले. ऑस्ट्रेलियात खेळाच्या तीनही अंगात चमकदार कामगिरी करणार्‍या भारतीय संघाची कामगिरी आपल्या घरी मात्र चांगलीच ढेपाळली त्यामुळे दोन्ही मालिका गमवण्याची नामुष्कीची पाळी भारतीय संघावर आली.

विश्वचषक स्पर्धेच्या तयारीच्या दृष्टीने काही धाडसी निर्णय या मालिकेत संघव्यवस्थापनाने घेतले. पण त्याचा मोठा फटका भारतीय संघाला बसला. हे निर्णय योग्य ठरले नाहीत. ऑस्ट्रेलियन संघात काही प्रमुख खेळाडू नसताना त्यांनी मिळविलेला हा विजय निश्चितच कौतुकास्पद आहे. बड्या खेळाडूंच्या गैरहजेरीत फिनने संघाचे चांगले नेतृत्व केले. एक नवा विश्वास त्यांनी युवा खेळाडूंमध्ये निर्माण केला. वनडे मालिकेत 2-0 असे पिछाडीवर पडून पुढचे सलन तीन सामने जिंकून ऑस्ट्रेलियाने मालिकेत केलेल्या जोरदार कमबॅकला तोड नाही. चौथ्या सामन्यात 359 धावांचा यशस्वी पाठलाग ऑस्ट्रेलियाने करून आपले मालिकेतील आव्हान कायम राखले. सर्वात मोठ्या धावसंख्येचा ऑस्ट्रेलियाने वनडेत यशस्वी पाठलाग करून त्यानंतर दिल्लीदेखील सर करण्यात यश मिळविले. त्यांचा सलामीवीर उस्मान खावजाने मालिकेत दमदार फलंदाजी केली. त्याने दोन शतके काढताना सर्वाधिक धावा केल्या. त्याला हँडकॉबने चांगली साथ दिली. तर वेगवान गोलंदाज कमिन्स आणि फिरकी गोलंदाज झम्पाने आपली कामगिरी चोख बजावली.

विराटने आपल्या चमकदार फलंदाजीचा ठसा पुन्हा एकदा मालिकेवर उमटवला पण त्याच्या सहकार्‍यांकडून म्हणावी तशी साथ विराटला मिळाली नाही. त्यामुळेच भारताला पराभव पत्करावा लागला. रोहित शर्मा- शिखर धवन ही सलामीची जोडी एक सामन्याचा अपवाद वगळता मालिकेत पूर्णपणे अपयशी ठरली. मधल्या फळीतील फलंदाजांना सातत्याने मोठी धावसंख्या काढता आली नाही. त्यामुळे आगामी विश्वचषक स्पर्धेत मधल्या फळीबाबत मोठाच प्रश्न निर्माण झाला आहे. चौथ्या क्रमांकावर कोण फलंदाजी करणार याचादेखील फैसला या मालिकेत झाला नाही. गेले काही महिने चौथ्या क्रमांकासाठी निवड समिती नव्यानव्या खेळाडूंना संधी देत आहे, पण त्या क्रमांकावर कुठल्याच फलंदाजाला अद्याप आपली जागा निश्चित करता आली नाही. तब्बल चौदा फलंदाजांना संधी देण्यात आली. आगामी विश्वचषक स्पर्धेसाठी युवा यष्टिरक्षक ऋषभ पंत, अष्टपैलू विजय शंकर, रवींद्र जडेजा यांचे स्थान धोक्यात आले आहे.

भारतीय संघासमोर अनेक समस्या या मालिकेमुळे निर्माण झाल्या आहेत. संघव्यवस्थापन आणि कर्णधार विराट या समस्यांवर कसा तोडगा काढणार हे बघणे महत्त्वाचे ठरेल. आगामी विश्वचषक स्पर्धेत इंग्लंडमधील वातावरण आणि वेगवान गोलंदाजांना साथ देणार्‍या खेळपट्ट्या भारतीय संघाची परीक्षा घेणार. त्यामुळे विश्वचषक विजेतेपदासाठी भारताला  कठीण परिस्थितीतून सामोरे जावे लागणार आहे. तर या मालिकेतील विजयामुळे ऑस्ट्रेलियाला विश्वचषक स्पर्धेसाठी नवी संजीवनी मिळाली आहे, असे म्हणावे लागेल.

Sharing is caring!

You may also like

Read More

post-image
देश मुंबई

पेट्रोल-डिझेल आजही महागले; पाहा आजचे दर

मुंबई – सौदी अरबमध्ये झालेल्या हल्यांनंतर जगभरात पेट्रोल-डिझेलच्या दरात वाढ होत आहे. देशात आजही पेट्रोल-डिझेलचे दर वाढले आहेत. राजधानी दिल्लीत पेट्रोलचे दर प्रतिलिटर २९...
Read More
post-image
आघाडीच्या बातम्या देश राजकीय

सोनिया गांधी आणि मनमोहन सिंग तिहारमध्ये जाऊन चिदंबरमना भेटले

नवी दिल्ली – काँग्रेस अध्यक्षा सोनिया गांधी आणि माजी पंतप्रधान मनमोहन सिंग यांनी आज तिहार कारागृहात जाऊन ‘आयएनएक्स मीडिया’ प्रकरणी अटकेत असलेले माजी केंद्रीय...
Read More
post-image
आघाडीच्या बातम्या मुंबई

शेअर बाजारात मोठी उसळी, सेन्सेक्स १३०० अंकांनी वधारला

मुंबई – देशाच्या अर्थमंत्री निर्मला सीतारमण यांनी शुक्रवारी पत्रकार परिषद घेऊन कंपनी करात कपातीची घोषणा केली होती. त्यानंतर अवघ्या काही मिनिटांतच शेअर बाजाराने प्रचंड मोठी...
Read More
post-image
आघाडीच्या बातम्या मनोरंजन

अनुष्का शर्माचा देशातील सामर्थ्यवान व्यक्तींच्या यादीत समावेश

नवी दिल्ली – मिसेस कोहली अर्थात बॉलिवूड अभिनेत्री अनुष्का शर्मा हिला भारतातील सामर्थ्यशाली स्री म्हणून घोषित करण्यात आले आहे. फॉर्च्यून इंडियाने भारतातील ५० सामर्थ्यवान...
Read More
post-image
लेख

वृत्तविहार – द्रूतगतीवरची कासवगती

केंद्रीय वाणिज्य आणि रेल्वे मंत्री यांना मुंबईतल्या वाहतूक कोंडीचा फटका बसला आणि त्यांनी मुंबईकर कसे संयमी आहेत, असा पलटवार करून वेळ मारून नेली. परंतु...
Read More