ज्वेरेव, निशिकोरी, ग्रिगोरला झुंजवले – eNavakal
क्रीडा विदेश

ज्वेरेव, निशिकोरी, ग्रिगोरला झुंजवले

पॅरीस – यंदाच्या वर्षातील दुसर्‍या फ्रेंच ग्रॅण्ड स्लॅम टेनिस अजिंक्यपद स्पर्धेत पुरुष एकेरीच्या दुसर्‍या फेरीच्या सामन्यात जर्मनीच्या अ‍ॅलेक्झांडर ज्वेरेव, जपानच्या काई निशीकोरी आणि बल्गेरियाच्या ग्रिगोर दिमोत्रौव्ह यांना कडा संघर्ष करावा लागला. दुसर्‍या फेरीच्या सामन्यात ज्वेरेवला सर्बियाच्या ड्युसान लोजोविकने जोरदार झुंज दिली. अखेर 5 सेटमध्ये ज्वेरेवने ही लढत जिंकली. आता तिसर्‍या फेरीच्या सामन्यात ज्वेरेवचा मुकाबला 26 व्या मानांकन देण्यात आलेल्या बोसेनीयाच्या डॅनिरशी होईल. ग्रॅण्ड स्लॅम स्पर्धेत ज्वेरेवने आतापर्यंत कधीच उपांत्यपूर्व फेरी गाठलेली नाही. जर्मनीच्या या युवा खेळाडूकडून टेनिस विश्व मोठ्या अपेक्षा बाळगुन आहे. यंदा त्याने 3 मास्टर्स स्पर्धा जिंकल्या आहे. तर 2 स्पर्धेत त्याला उपविजेतेपदावर समाधान मानावे लागले. 23 वर्षीय ज्वेरेने पहिल्या सेट गमावून देखील पुढचे 3 सेट जिंकून अखेर बाजी मारली. बल्गेरियाच्या ग्रिगोरला अमेरिकेच्या जेयर्डने 4.5 तास जोरदार झुंज दिली. अखेर 5 सेटमध्ये ग्रिगोरने ग्रॅण्ड स्लॅम स्पर्धेतील आपल्या 50 व्या विजयाची नोंद केली. आता त्याचा मुकाबला स्पेनच्या फर्नांडोशी होईल. हाताच्या दुखापतीने त्रस्त असलेल्या निशिकोरीला देखील दुसरी लढत जिंकताना बरेच कष्ट घ्यावे लागले. बेनॉटविरुद्धची ही लढत निशिकोरीने अखेर 5 सेटमध्ये जिंकली. गतवर्षी अमेरिकन स्पर्धेत निशिकोरी उपविजेता ठरला होता. महिला एकेरीत ऑस्ट्रेलियन स्पर्धा विजेत्या कॅरोलिनाने दुसर्‍या फेरीची लढत जिंकताना जॉर्जीयाच्या गॅरीसाचा सरळ दोन सेटमध्ये पराभव केला. पुरुष दुहेरीत भारताच्या युकी भांबरी – द्विवीज शरण जोडीने विजयी सलामी दिली. भारतीय जोडीने शरण राजा – मार्टिन को चा 3 सेटमध्ये पराभव केला. रोहन बोपण्णा आणि त्याचा सहकारी वेसलीन जोडीने देखील पहिल्या फेरीत विजय मिळवला.

 

 

Sharing is caring!

You may also like

Read More

post-image
आघाडीच्या बातम्या महाराष्ट्र

निम्म्या कोल्हापुरात आज पाणीपुरवठा बंद

कोल्हापूर – महापालिकेकडून कावळा नाका येथे पाण्याच्या टाकीखालील पाइपलाइनच्या दुरुस्तीचे काम आज सोमवारी हाती घेण्यात आले आहे. त्यामुळे या टाकीवर अवलंबून असलेल्या भागातील पाणीपुरवठा बंद...
Read More
post-image
आघाडीच्या बातम्या देश

आजपासून कुलभुषण जाधव प्रकरणी आंतरराष्ट्रीय न्यायालयात सुनावणी

नवी दिल्ली – कुलभषण जाधव यांना पाकिस्तानमधील लष्करी न्यायालयाने दिलेल्या शिक्षेविरोधात आंतरराष्ट्रीय न्यायालयात आज सोमवार 18 फेब्रुवारी पासून जाहीर सुनावणी सुरू होणार आहे. द हेग...
Read More
post-image
संपादकीय

(संपादकीय) अरे…सांत्वनाचे सौजन्य तरी पाळा

देशाच्या एकजूटीचे बळ कितीतरी प्रचंड असू शकते. हे अभूतपूर्वरीतीने दिसून आले आहे. सव्वाशे कोटीपेक्षा जास्त लोकसंख्येचा हा देश अनेक राज्य, अनेक भाषा, धर्म, पंथ,...
Read More
post-image
आघाडीच्या बातम्या व्हिडीओ

कसा आहे तुमचा आजचा दिवस ? (१८-०२-२०१९)

Sharing is caring!FacebookPinterestTwitterGoogle+ Related posts: कसा आहे तुमचा आजचा दिवस ? (०६-०१-२०१९) कसा आहे तुमचा आजचा दिवस ? (२९-०१-२०१९) कसा आहे तुमचा आजचा दिवस...
Read More
post-image
News मुंबई

मुलांच्या आरोग्याची विचारपूस करून डोस द्या! आरोग्य सेविकांना सूचना

मुंबई – पालिकेमार्फत घरोघरी जाऊन लहान मुलांना विविध औषधांचे डोस दिले जातात. या औषधांची अ‍ॅलर्जी मुलांना होऊ नये याची दक्षता घेण्यासाठी औषधांचा डोस पाजणार्‍या...
Read More