जळगावला पाणीटंचाईचे संकट; वाघूर धरणात 35 टक्के साठा – eNavakal
जीवनावश्यक महाराष्ट्र

जळगावला पाणीटंचाईचे संकट; वाघूर धरणात 35 टक्के साठा

जळगाव – अर्धा पावसाळा संपला असतांना जिल्ह्यात पुरेसा पाऊस नसल्याने आजही 38 गावांना टँकरने पाणी पुरवठा करण्यात येत आहे. तसेच साडेपाच लाखांवर लोकसंख्येच्या जळगाव शहराला पाणीपुरवठा करणार्‍या वाघूर धरणातही फक्त 35 टक्केच पाणी साठा असल्याने आगामी काळात जळगाव शहराला पाणीटंचाईचा सामना करावा लागण्याची शक्यता आहे. वाघूर नदीच्या उगम क्षेत्रात दमदार पाऊस झाल्यास धरणाच्या साठ्यात वाढ होणार असून पुढील जलसंकट टळणार असल्याने पावसाची प्रतीक्षा केली जात आहे.

जळगाव जिल्ह्यात गेल्या पंधरा दिवसांपासून पावसाने दडी मारली आहे. त्यामुळे शेतकरी चिंतेत आहेत. दुसरीकडे पावसाळ्याचे दोन महिने झाले तरीही जिल्ह्यात अवघा 38 टक्केच पाऊस झाल्याने पाणीटंचाई कायम आहे. जिल्ह्यात ऐन पावसाळ्यात आजही 38 गावांना टँकरने पाणी पुरवठा करण्यात येत असून शंभरावर गावे अधिग्रहित केलेल्या विहिरीतून आपली तहान भागवित आहेत. जळगाव शहरात आज पाण्याची स्थिती उत्तम म्हटली जात असली तरीही वाघूर धरणातील आजचा पाणीसाठा पाहता पुढील काळात (उन्हाळ्यात) जळगाव शहरालासुद्धा पाणी टंचाईचा सामना करावा लागण्याची चिन्हे आहेत. वाघूर नदीच्या उगम क्षेत्र (अजिंठा डोंगर)भागात दमदार पाऊस नसल्याने नदीला पूर आलेला नाही. परिणामी धरणाच्या पाणीसाठ्यात वाढ झालेली नाही. आणखी पावसाळ्याचे दोन महिने बाकी असून या काळात दमदार पाऊस होऊन पावसाने सरासरी पूर्ण केल्यास परिस्थितीत बदल होऊ शकतो आणि तो होणारच असल्याचे सांगण्यात येत आहे.

Sharing is caring!

You may also like

Read More

post-image
दिनविशेष

दिनविशेष : जगप्रसिद्ध सरोदवादक उस्ताद अली अकबर खाँ

जगप्रसिद्ध सरोदवादक उस्ताद अली अकबर खाँ यांची आज पुण्यतिथी. त्यांचा जन्म. १४ एप्रिल १९२२ साली झाला. अली अकबर खाँ यांच्या घराण्याचा सम्राट अकबराच्या दरबारातील...
Read More
post-image
दहशतवाद देश

अनंतनागमध्ये चकमक! २ दहशतवाद्यांचा खात्मा, १ जवान शहीद

अनंतनाग – जम्मू काश्मीरच्या अनंतनागमध्ये मागील २४ तासांत दुसरी चकमक झाली असून जवानांनी वघामा भागात जैश-ए-मोहम्मद या दहशतवादी संघटनेच्या दोन दहशतवाद्यांना कंठस्नान घातले आहे....
Read More
post-image
आघाडीच्या बातम्या महाराष्ट्र राजकीय

राधाकृष्ण विखे-पाटलांच्या मंत्रिपदाविरोधात याचिका

मुंबई – काँग्रेसच्या आमदारकीचा राजीनामा दिल्यानंतर राधाकृष्ण विखे-पाटील यांच्याकडे भाजपने गृहनिर्माण मंत्रीपदाची जबाबदारी दिली आहे. मात्र पावसाळी अधिवेशनाच्या पहिल्याच दिवशी मंत्रिपदाची शपथ घेतल्यानंतर त्यांच्या...
Read More
post-image
आघाडीच्या बातम्या देश

साध्वी प्रज्ञाने शपथ घेताना गुरुचे नाव घेतल्याने गदारोळ

नवी दिल्ली – मालेगाव बॉम्बस्फोट प्रकरणातील आरोपी आणि आपल्या वादग्रस्त वक्तव्यांमुळे चर्चेत राहणाऱ्या भोपाळच्या भाजपा खासदार साध्वी प्रज्ञा सिंह ठाकूर यांनी सोमवारी संसदेच्या अधिवेशनात...
Read More
post-image
आघाडीच्या बातम्या देश

डॉक्टरांच्या संपामुळे तब्बल ४० हजार शस्त्रक्रिया रद्द

नवी दिल्ली – पश्‍चिम बंगालमधील संपकरी डॉक्टरांना पाठींबा देण्यासाठी काल देशव्यापी संप पुकारण्यात आला होता. या संपात विविध राज्यांतील डॉक्टर मोठ्या संख्येने सहभागी झाले....
Read More