जळगावमध्ये युतीची समीकरणे अद्याप अस्पष्ट – eNavakal
News आघाडीच्या बातम्या निवडणूक

जळगावमध्ये युतीची समीकरणे अद्याप अस्पष्ट

जळगाव – जळगाव महानगरपालिकेची सार्वत्रिक निवडणूक 1 ऑगस्ट रोजी जाहीर झाली आहे. मपाच्या निवडणुकीत परस्परविरोधी लढणारे खान्देश विकास आघाडी आणि भारतीय जनता पक्षाची युतीदेखील जाहीर झाली आहे. जळगाव भाजपातील एक गट यंदाची निवडणूक स्वबळावर लढण्याच्या तयारीत असताना जलसंपदा मंत्री गिरीश महाजन आणि खान्देश विकास आघाडीचे सर्वेसर्वा सुरेश जैन यांनी हातमिळवणी करीत युतीतर्फे ही निवडणूक लढण्याचे निश्चित
केले आहे.
महापालिकेत नगरसेवकपदाच्या एकूण 75 जागा असून 47 जागांवर विकास आघाडी तर 28 जागांवर भाजपा लढणार आहे. त्यातच मागील निवडणुकीत विजयी मनसेचे विद्यमान 12 नगरसेवक महापौर ललित कोल्हे यांच्या नेतृत्वाखाली खान्देश विकास आघाडीत सहभागी झाले आहेत. त्यामुळे खान्देश विकास आघाडीपुढे जागावाटपाचा तिढा निर्माण होण्याची शक्यता वर्तविली जात आहे. त्यामुळे जळगावमध्ये अद्याप तरी युतीची समीकरणे स्पष्ट झालेली दिसत नाही.
उद्या 4 जुलैपासून उमेदवारांचे नामनिर्देशन पत्र दाखल करण्यास सुरुवात होत आहे. भाजपाला सध्या मिळत असलेल्या 28 जागांच्या व्यतिरिक्त जागांवरील भाजपाचे इच्छुक उमेदवार तिकीटाच्या आशेखातर काँग्रेस-राष्ट्रवादीच्या गळाला लागण्याची शक्यता निर्माण झाली आहे. जळगावमध्ये काँग्रेसचे फारसे प्राबल्य नाही.
अद्याप त्यांना नगरसेवकपदाचे खाते उघडायचे आहे. मागच्या निवडणुकीत राष्ट्रवादी काँग्रेसने 11 जागांवर आपले नगरसेवक निवडून आणले होते. या निवडणुकीच्या तोंडावर त्यांचा एक नगरसवेक पक्षाला सोडचिठ्ठी देऊन खान्देश आघाडीत दाखल झाला आहे. त्यामुळे पक्षाची पत राखण्यासाठी भाजपाच्या बंडखोरांना पाठीशी घालण्याचा राष्ट्रवादी नक्की प्रयत्न करणार आहे. माजी राज्यमंत्री गुलाबराव देवकर यांची प्रतिष्ठादेखील या निवडणुकीत पणाला लागली आहे.
जळगावमध्ये राजकीय वजन असलेले भाजपाचे नेते एकनाथ खडसे हे जरी जाहीरपणे गिरीश महाजनांच्या नेतृत्वाखाली निवडणूक लढण्याची वार्ता करती असले तरी त्यांचे कट्टर समर्थक येणार्‍या काळात निवडणूक प्रचारात कशाप्रकारे योगदान देतात हादेखील महत्त्वाचा मुद्दा आहे. अद्यापतरी जळगाव पालिका क्षेत्रात निवडणुकीच्या हालचालींना वेग आला नसला तरी या आठवड्याच्या अखेरीस रणधुमाळीला सुरुवात होईल, अशी चर्चा सर्वसामान्य जळगावकरांमध्ये सुरू झाली आहे.

Sharing is caring!

You may also like

Read More

post-image
अर्थ आघाडीच्या बातम्या देश

Budget 2020 : वाचा! नव्या अर्थसंकल्पातून कोणाला काय मिळाले?

नवी दिल्ली – २०२०-२१ सालचा अर्थसंकल्प केंद्रीय अर्थमंत्री निर्मला सीतारामन यांनी केला. या अर्थसंकल्पाचे वैशिष्ट्य म्हणजे कररचनेत करण्यात आलेला बदल. तसेच, शिक्षण, कृषी, आरोग्य,...
Read More
post-image
आघाडीच्या बातम्या

पुणे जिल्हा परिषद निवडणूक; अध्यक्षपदी राष्ट्रवादीच्या निर्मला पानसरे

पुणे – पुणे जिल्हा परिषदेच्या निवडणुकीत राष्ट्रवादीने  वर्चस्व कायम ठेवले आहे. जिल्हा परिषदेच्या अध्यक्षपदी राष्ट्रवादीच्या निर्मला पानसरे तर उपाध्यक्षपदी रणजित शिवतारे यांची निवड करण्यात...
Read More
post-image
आघाडीच्या बातम्या देश

देशात गरिबी, उपासमार, असमानता वाढली, एमपीआयचा धक्कादायक अहवाल

नवी दिल्ली – देशाचे सामाजिक वातावरण गढूळ झालेले असताना आणखी एक धक्कादायक माहिती समोर आली आहे. देशातील 22 ते 25 राज्य आणि केंद्रशासित प्रदेशात...
Read More
post-image
महाराष्ट्र

‘हळद’ म्हणजे सर्दी-खोकल्यावर रामबाण उपाय

आपल्या रोजच्या जेवणात सर्रास वापरला जाणारा पदार्थ म्हणजे हळद. कुठलाही पदार्थ बनवताना आपण फोडणीमध्ये पहिल्यांदा हळद घालतो. हळद हा स्वयंपाकघरातील एक उत्तम आयुर्वेदीक पदार्थ...
Read More
post-image
आघाडीच्या बातम्या देश विदेश

पाकिस्तानचा उद्दामपणा! सरकारकडून फक्त मुस्लिमांना मदत, हिंदूना डावललं

इस्लामाबाद – लाखो लोकांची चिंता वाढवणारा आणि हजारो लोकांचे प्राण घेणारा कोरोना व्हायरस जगातील प्रत्येक देशात थैमान घालतोय. पाकिस्तानातही या विषाणूने हातपाय पसरले आहेत....
Read More
post-image
आघाडीच्या बातम्या महाराष्ट्र

जमावबंदीची ऐशीतैशी! सोलापूरमध्ये रथोत्सव, पोलिसांवर दगडफेक

सोलापूर – वाढत्या कोरोना विषाणूचा प्रादुर्भाव रोखण्यासाठी देशभर जमावबंदी, संचारबंदी लागू करण्यात आली आहे. लॉकडाऊनच्या काळात कोणीही घराबाहेर पडू नये, घरात राहून कोरोनाविरोधात सामना...
Read More
post-image
देश

नोएडातील रस्त्यांवर निमलष्करी दल तैनात

नोएडा – सर्व जिल्ह्यांच्या आणि राज्यांच्या सीमा बंद करण्याचे आदेश केंद्र सरकारकडून करण्यात आल्यानंतर उत्तर प्रदेशचे गौतम बुद्ध नगर जिल्ह्याच्या सीमा बंद करण्यात आल्या....
Read More