छगन भुजबळ नाशिकमध्ये दाखल; कार्यकर्त्यांनी केलं जंगी स्वागत – eNavakal
महाराष्ट्र राजकीय

छगन भुजबळ नाशिकमध्ये दाखल; कार्यकर्त्यांनी केलं जंगी स्वागत

नाशिक – तुरुंगातून सुटल्यानंतर आज छगन भुजबळ  जिल्हा दौऱ्यावर येताच ढोल ताशांचा गजर करत समर्थकांनी त्यांचे जल्लोषात स्वागत केले. डोक्यात ‘मी भुजबळ’ टॅगलाईन लिहलेली गांधी टोपी आणि हातात भुजबळांचे फोटो असलेले पिवळ्या रंगाचे झेंडे घेत समर्थक बेभान होत नाचत होते. अडीच वर्षानंतर प्रथमच शहरातील चौकाचौकात भुजबळांच्या स्वागताचे बोर्ड झळकल्याने अवघे शहर भुजबळमय झाल्याचे चित्र होते. पाथर्डी फाटा येथील छत्रपती शिवाजी महाराज, गणेशवाडीतील महात्मा ज्योतीबा फुले आणि शालिमार परिसरातील डॉ. बाबासाहेब आंबेडकर यांच्या पुतळ्याला पुष्पहार अर्पण करत भुजबळ नतमस्तक झाले.

जेलबाहेर आल्यानंतर भुजबळ प्रथमच होमपिच असलेल्या नाशिक जिल्हा दौर्‍यावर येत आहेत. 14 ते 19 जूनपर्यंत भुजबळ दौर्‍यावर येत आहेत. भुजबळ आज जिल्हा दौऱ्यावर येणार असल्याने त्यांच्या स्वागतासाठी समर्थकांनी महामार्गावरील चौकाचौकात एकच गर्दी केली होती. राष्ट्रवादी कॉग्रेस आणि समता परिषदेच्या पदाधिकाऱ्यांनी भुजबळांच्या स्वागताचे चौकाचौकात पोस्टर उभारले होते. ढोलताशांचा गजर करत उत्साही अन् आंनदलेले कार्यकर्ते सकाळपासूनच चौकाचौकात नाचत होते. दुपारी साडेबारा वाजता भुजबळांचे पाथर्डी फाटयावर आगमन होताच कार्यकर्त्यांनी  एकच जल्लोष केला. भुजबळ साहेब आगे बडो.. घोषणा देत कार्यकत्यांनी परिसर दणाणून सोडला.भुजबळानी छत्रपतींच्या पुतळ्याला पुष्पहार अर्पण करत दौऱ्याला प्रारंभ केला.

त्यानंतर भुजबळ यांचा ताफा पंचवटीमधील गणेशवाडीकडे रवाना झाला. गणेशवाडीतील महात्मा ज्योतीबा फुले यांच्या पूर्णाकृती पुतळ्यासमोर भुजबळ नतमस्तक झाले. यावेळी कार्यकत्यांनी फुले यांच्या नावाचा जयजयकार केला. तेथून भुजबळ थेट शालीमार चौकात गेले. तेथे भुजबळ यांनी डॉ. बाबासाहेब आंबेडकर यांच्या पुतळ्याला पुष्पहार अर्पण केला. भुजबळ पाच दिवस मुक्काम ठोकणार असून या दरम्यान ते वणी, शिर्डी आणि त्र्यंबकेश्वर येथे जात देवदर्शन करणार आहेत. बर्‍याच कालावधीनतंर भुजबळ नाशकात येणार असल्याने आता ते काय मार्गदर्शन करतात याकडे तमाम कार्यकर्त्यांचे लक्ष लागले आहे. भुजबळांचा दौरा मोठ्या गाजावाजात व्हावा यासाठी समर्थकांनी कंबर कसली आहे.

 

 

 

 

Sharing is caring!

Leave a Comment

Your email address will not be published.

You may also like

Read More

post-image
News महाराष्ट्र

भिवंडीत यंत्रमाग कापड कारखान्याला भीषण आग

भिवंडी – शहरातील वंजारपट्टी नाका येथील मेट्रो हॉटेलच्या पाठीमागे असलेल्या सोनालोन सिल्क मिल प्रा.लि.या यंत्रमाग व कापड साठा असलेल्या कारखान्याला बुधवारी सायंकाळी बॅटरीचा स्फोट...
Read More
post-image
News मुंबई

दीपक मानकरच्या अडचणीत वाढ! अटकपूर्व जामीन अर्जावर सुनावणीस नकार

मुंबई – सामाजिक कार्यकर्ते जितेंद्र जगताप यांच्या आत्महत्येमुळे वादाच्या भोवर्‍यात अडकलेल्या राष्ट्रवादी काँग्रेसचे नगरसेवक दीपक मानकर यांच्या अटकपूर्व जामिनावर सुनावणी घेण्यास आज उच्च न्यायालयाच्या...
Read More
post-image
News देश

बांधकाम व्यवसायातील तोट्यामुळेदेखील भय्यू महाराज तणावात होते

इंदौर- भय्यू महाराज ऊर्फ उदयसिंह देशमुख आत्महत्येप्रकरणी चौकशीला वेग आला असून, पोलीस संबंधितांचे जबाब नोंदवून घेत आहेत. भय्यू महाराजांचे बांधकाम व्यवसायात करोडोंचे नुकसान झाले...
Read More
post-image
News महाराष्ट्र

पालघर पोटनिवडणूक खर्चाची 26 जूनला सुनावणी

वसई- पालघर लोकसभा पोटनिवडणूक नुकतीच पार पडली, आणि ह्या निवडणुकीचा गाजावाजा ही देशभर झाला, मात्र या निवडणुकीत खर्चाचा हिशोब आयोगाने दिलेल्या मर्यादेत झाले नसल्याने आत...
Read More
post-image
News महाराष्ट्र

भिवंडीत अवैध मशिदीचे बांधकाम! बांबूची परांची कोसळली

भिवंडी- भिवंडीतील वंजारपट्टी नाका येथील बहारे मदिना या मशिदीच्या गच्चीवरील संरक्षक कठड्याचे काम सुरू असताना भिंतीला बांधण्यात आलेली बांबूची परांची भिंतीसह अचानकपणे तुटल्याने झालेल्या दुर्घटनेत...
Read More