चेंगराचेंगरी घडवू असे आरोप का? मराठा समाज मुख्यमंत्र्यांवर भडकला – eNavakal
आघाडीच्या बातम्या आंदोलन राजकीय

चेंगराचेंगरी घडवू असे आरोप का? मराठा समाज मुख्यमंत्र्यांवर भडकला

मुंबई – मुंबईतील रमाबाई आंबेडकर नगरात गोळीबार झाल्यानंतर तत्कालीन शिवसेनेचे मुख्यमंत्री मनोहर जोशी यांना पंढरपुरात विठ्ठलाच्या महापुजेला जाण्यापासून रोखण्यात आले होते. 1996 सालच्या या घटनेनंतर आज मराठा आरक्षणासाठी लढणार्‍या सकल मराठा कार्यकर्त्यांच्या आंदोलनामुळे भाजपाचे मुख्यमंत्री देवेंद्र फडणवीस यांना पंढरपूरची महापूजा रद्द करावी लागली. उद्या ही महापूजा मानाच्या वारकर्‍यांच्या हस्ते केली जाईल.

आपण पंढरपुरात महापुजेला जाणार नसल्याचे स्वत: मुख्यमंत्र्यांनी जाहीर केले. यावेळी ते म्हणाले की, आरक्षणाचा मुद्दा न्यायालयात आहे हे माहीत असूनही आरक्षणासाठी आंदोलन करून तणाव निर्माण केला जात आहे. मात्र 2014 साली सत्तेवर येण्यापूर्वी निवडणूक प्रचारात भाजपाने आश्वासन दिले होते की, सत्तेवर येताच मराठा आणि धनगर समाजाला आरक्षण देऊ. त्यांनी हे आश्वासन दिले तेव्हाही आरक्षणाचा मुद्दा न्यायालयातच होता. न्यायालयाच्या सांगण्यावरून नारायण राणेंनी अहवाल तयार केला होता. मुख्यमंत्री आणि भाजपाला हे माहीत असूनही त्यांनी धनगर व मराठा समाजाला आश्वासन देत सत्ता गाठली. त्यामुळे आता आरक्षणाचा मुद्दा कोर्टात आहे हे मुख्यमंत्र्यांचे म्हणणे मराठा समाजाला मान्य नाही. साप सोडू, चेंगराचेंगरी करू, असा कट रचल्याचे पोलिसांनी सांगितले असे मुख्यमंत्री म्हणाले. मराठा समाज आरक्षणासाठी वारकर्‍यांचे प्राण पणाला लावतील असा मुख्यमंत्र्यांनी आडमार्गाने आरोपच केल्याने मराठा समाज अधिकच खवळला आहे. आरक्षणासाठी आम्ही वारकर्‍यांचे प्राण पणाला लावू असे मुख्यमंत्र्यांनी म्हणणे योग्य नाही. आम्ही असे कट रचले हे सांगून आमची बदनामी का केली जात आहे? मराठा समाजाचे कार्यकर्ते पुढे म्हणाले की, भरती रद्द व्हावी ही मागणी आहे कारण आम्हाला दिलेल्या 16 टक्के आरक्षणाला आधारच नाही. त्यामुळे नुसती भरती झाल्याचा दिखावा होणार आहे. ज्या मराठा आरक्षण आंदोलनावर स्वार होऊन सत्ता मिळविली तेच सरकार आता मराठा आंदोलन राजकीय हेतूने पसरवले जात असल्याचा आरोप का करीत आहे? सत्तेत येण्यापूर्वी आमच्या आंदोलनात सामील होता याचा विसर पडला आहे का?

मुख्यमंत्री देवेंद्र फडणवीस यांनी महापुजेला न जाण्याचा निर्णय जाहीर केला त्यापूर्वी जलसंपदा मंत्री गिरीष महाजन आणि सहकार मंत्री सुभाष देशमुख हे पंढरपुरला जाण्यास निघाले. माचणूर येथे त्यांचा ताफा मराठा कार्यकर्त्यांनी रोखला. यावेळी कार्यकर्त्यांना समजावण्याचा प्रयत्न निष्फळ ठरल्यावर मुख्यमंत्र्यांना फोन लावण्यात आला. न्यायालयाने मान्य करताच आरक्षण लागू करू असे मुख्यमंत्री म्हणाले. तेव्हा कोर्टाचा निकाल लागल्यावरच या असे सांगून कार्यकर्त्यांनी सुभाष देशमुख आणि महाजन यांना सोडले. पंढरपुर येथील विश्रामगृहावर ना.गिरिष महाजन ना.सुभाष देशमुख पालकमंत्री विजयकुमार देशमुख माजी मंत्री शोभाताई फडणवीस आमदार प्रशांत परिचारक जिल्हाधिकारी डॉ राजेंद्र भोसले जिल्हा पोलीस प्रमुख डॉ विरेश प्रभू मंदिर समिती चे अध्यक्ष डॉ अतुल बाबा भोसले यांची गुप्त बैठक झाली या बैठकी नंतर पत्रकार परिषदेत ना.महाजन यांनी सांगितले की पंढरपुर आषाढी यात्रा म्हणजे पायी चालत येणार्‍या येणार्‍या लाखो वारक-यांचा आनंद सोहळा आहे आणि मी महापूजेसाठी येण्याने वारक-यांना त्रास होणार आसेल तर मी पंढरपुर चा दौरा रद्द करीत आहे कारण वारक-यांची सुरक्षितता महत्वाची आहे असे ना.फडणवीस यांनी सांगितल्याचे ना.महाजन म्हणाले.

मंत्र्यांची खोटी आश्वासने
गिरीश महाजन यांनी सहा महिन्यात आरक्षण मिळेल असे कार्यकर्त्यांसमोर म्हणताच आम्हाला लेखी द्या, अशी मागणी कार्यकर्त्यांनी दिली. सुभाष देशमुख यांनी तर कार्यकर्त्यांची फसवणूक करीत म्हटले की पुढील वारीपर्यंत आरक्षण मिळाले नाही तर मी मंत्रीपदाचा राजीनामा देईन. पुढीलवर्षी ऑगस्टपर्यंत विधानसभा निवडणुका लागणार अज्ञाहेत. त्यामुळे सुभाष देशमुखांची मंत्रीपद त्यागाची घोषणा निरर्थक ड्रामेबाजी आहे हे उघड आहे.

एकीकडे मंत्री सुभाष देशमुख आणि गिरीश महाजनंना परत पाठवले गेले आणि दुसरीकडे आंदोलनाचा जोर आज पाचव्या दिवशीही वाढत होता. बार्शीला एकही एसटी चालली नाही. पोलीस संरक्षण मिळत नाही तोवर एसटी चालवणार नाही, असा निर्णय स्थानिक एसटी प्रशासनाने घेतला. वाडा येथे बसची तोडफोड झाली. पंढरपुरात पोलीस आयजी नांगरे पाटील यांनी काल वाखरी येथे जाऊन पालखी तळावर जमलेल्या दिंड्यांना आवाहन केले की, आंदोलन स्थगित करा अशी तुम्ही जाहीरपणे विनंती करा. तेही वारकर्‍यांनी फेटाळून लावत कोणतेही आवाहन करण्यास नकार दिला.
पण अखेर विठ्ठल दर्शनासाठी आलेल्या 10 लाख वारकर्‍यांची भावना लक्षात घेऊन औरंगाबाद मराठा संयोजक समितीने पंढरपूर येथील आंदोलन स्थगित करण्याचा निर्णय जाहीर केला. उद्याचा एक दिवस पंढरपूरातील आरक्षण आंदोलन स्थगित ठेवले जाईल. मात्र राज्यात इतरत्र आंदोलन सुरू राहील किंबहुना अधिक तीव्र होईल, असे समितीने जाहीर केले. परंतु पंढरपुरातील आंदोलन स्थगित केल्यावरही मुख्यमंत्र्यांनी महापूजेला येणार नसल्याचे जाहीर केले.

Sharing is caring!

You may also like

Read More

post-image
अर्थ आघाडीच्या बातम्या देश

Budget 2020 : वाचा! नव्या अर्थसंकल्पातून कोणाला काय मिळाले?

नवी दिल्ली – २०२०-२१ सालचा अर्थसंकल्प केंद्रीय अर्थमंत्री निर्मला सीतारामन यांनी केला. या अर्थसंकल्पाचे वैशिष्ट्य म्हणजे कररचनेत करण्यात आलेला बदल. तसेच, शिक्षण, कृषी, आरोग्य,...
Read More
post-image
आघाडीच्या बातम्या

पुणे जिल्हा परिषद निवडणूक; अध्यक्षपदी राष्ट्रवादीच्या निर्मला पानसरे

पुणे – पुणे जिल्हा परिषदेच्या निवडणुकीत राष्ट्रवादीने  वर्चस्व कायम ठेवले आहे. जिल्हा परिषदेच्या अध्यक्षपदी राष्ट्रवादीच्या निर्मला पानसरे तर उपाध्यक्षपदी रणजित शिवतारे यांची निवड करण्यात...
Read More
post-image
आघाडीच्या बातम्या देश

देशात गरिबी, उपासमार, असमानता वाढली, एमपीआयचा धक्कादायक अहवाल

नवी दिल्ली – देशाचे सामाजिक वातावरण गढूळ झालेले असताना आणखी एक धक्कादायक माहिती समोर आली आहे. देशातील 22 ते 25 राज्य आणि केंद्रशासित प्रदेशात...
Read More
post-image
महाराष्ट्र

भाजीपाला मार्केटच्या प्रवेशद्वारावर सॅनिटायझेशन टनेल! एपीएमसीचा निर्णय

नवी मुंबई – कोरोनाच्या पार्श्वभूमीवर एपीएमसी मार्केट निर्जंतुक करण्यासाठी आणि कोरोनाचा प्रादुर्भाव रोखण्यासाठी नवी मुंबईतील एपीएमसी मार्केटच्या प्रवेशद्वारावर आजपासून सॅनिटायझेशन टनेल बसविण्यात आले आहे,...
Read More
post-image
महाराष्ट्र

कल्याण-डोंबिवलीतील अत्यावश्यक सेवेतील दुकाने ५ वाजल्यानंतर बंद

कल्याण – कल्याण-डोंबिवली शहरातील मेडिकल आणि दवाखाने वगळता अत्यावश्यक सेवेतील सर्व दुकाने आज मंगळवारपासून सकाळी ५ ते सायंकाळी ५ यावेळेतच सुरू राहणार आहेत. सायंकाळी...
Read More
post-image
आघाडीच्या बातम्या मुंबई

जसलोकमध्ये कोरोनाचा प्रवेश! 5 नर्स, 12 कर्मचारी पॉझिटिव्ह

मुंबई – राज्यातील आणि खास करून मुंबईतील रुग्णालयात रुग्णांवर उपचार करणाऱ्या डॉक्टर आणि इतर कर्मचाऱ्यांना कोरोनाची लागण झाल्याची काही प्रकरणे समोर आली आहेत. असे...
Read More
post-image
देश

बरेलीत जमावाच्या हल्ल्यात पोलिसांसह डीसीपी जखमी

बरेली – उत्तर प्रदेशातील बरेली येथील करमपूर चौधरी गावात सुमारे अडीचशे लोकांनी पोलिसांवर हल्ला केला. त्यात एका आयपीएस अधिकाऱ्यासह काही पोलीस जखमी झाले आहेत....
Read More
post-image
महाराष्ट्र

राज्यातील ९ जिल्ह्यांत एकही कोरोना रुग्ण नाही

नांदेड – कोरोनाच्या पार्श्वभूमीवर एक दिलासादायक बातमी आहे. राज्यातील ९ जिल्ह्यांमध्ये कोरोनाचा प्रादुर्भाव झालेला एकही रुग्ण नाही. असे असले तरी आणखी काही दिवस याठिकाणच्या...
Read More