चिमुरडीवरील अत्याचार आणि हत्येप्रकरणी पाकिस्तानी जनता आक्रमक;दोन जणांचा मृत्यू  – eNavakal
आंदोलन गुन्हे विदेश

चिमुरडीवरील अत्याचार आणि हत्येप्रकरणी पाकिस्तानी जनता आक्रमक;दोन जणांचा मृत्यू 

कराची : पाकिस्तानमधील एका ८ वर्षीय चिमुरडीवर बलात्कार करून तिची हत्या करण्यात आल्याची घटना पंजाब प्रांतात घडली. या घटनेची माहिती मिळताच स्थानिकांनी पोलिसांविरुद्ध हिंसक आंदोलन केलं. या हिंसाचारात दोन जणांचा मृत्यू झाला आहे.
सीसीटीव्ही फुटेजच्या साहाय्याने हाती आलेल्या माहितीनुसार, गेल्या आठवड्यात या चिमुरडीचे अपहरण कासुर जिल्ह्यातील तिच्या राहत्या घरासमोरून करण्यात आले होते . मंगळवारी तिचा मृतदेह कचऱ्याच्या ढिगात आढळला . पोलिसांना या घटनेची माहिती मिळताच त्यांनी घटनास्थळी धाव घेत मुलीचा मृतदेह शवविच्छेदनासाठी पाठवला. शवविच्छेदनात बलात्कारानंतर गळा दाबून या चिमुरडीची हत्या करण्यात आल्याचे उघड झाले . संबंधित चिमुरडी आई-वडील तीर्थयात्रेसाठी गेले असताना ती आपल्या नातेवाईकांसोबत राहत होती. पोलिसांनी या घटनेत चार संशयितांना ताब्यात घेतले.
मुलीला सोबत घेऊन जाताना एक व्यक्ती सीसीटीव्ही फुटेजमध्ये दिसत आहे. या व्यक्तीची ओळख पटवण्याचा पोलिसांचा प्रयत्न सुरू आहे. परंतु, या घटना सोशल मीडियावरून लोकांपर्यंत पोहचल्यानंतर लोकांचा राग अनावर झाला आणि त्यांनी पोलिसांच्या कारवाईवर प्रश्नचिन्ह उपस्थित करत आंदोलन सुरू केलं. आंदोलनकर्त्यांनी कासुर जिल्ह्यातील पोलीस स्टेशनवर दगडांचा वर्षावही केला. यामुळे पूर्ण शहर एक दिवस बंद राहीले. आंदोलनकर्त्यांना पांगवण्यासाठी पोलिसांनी हवेत गोळीबारही केला. याच दरम्यान गोळी लागल्याने जखमी झालेल्या दोघांचा मृत्यू झाला.

Sharing is caring!

You may also like

Read More

post-image
आघाडीच्या बातम्या देश

पंतप्रधान नरेंद्र मोदी तीन दिवसांच्या गुजरात दौऱ्यावर

अहमदाबाद – पंतप्रधान नरेंद्र मोदी आजपासून तीन दिवसांच्या गुजरात दौऱ्यावर आहेत. ते व्हायब्रेंट गुजरातच्या विश्व संमेलनाच्या नवव्या परिषदेचे उद्घाटन करणार आहेत. या संमेलनाचे आयोजन...
Read More
post-image
आघाडीच्या बातम्या मनोरंजन

‘तुला पाहते रे’चं ‘रॅपचीक’ सॉंग ऐकलंत?

मुंबई – झी मराठी वाहिनीवरील सुप्रसिद्ध मालिका ‘तुला पाहते रे’ सध्या फारच चर्चेत आहे. ते म्हणजे ईशा-विक्रांत यांच्या लग्नामुळे. चाहत्यांनी या दोघांचे अनेक मिम्स,...
Read More
post-image
आघाडीच्या बातम्या मनोरंजन

#MeToo भूषण कुमारांविरुद्ध लैंगिक शोषणाची तक्रार दाखल

मुंबई – ‘मीटू’ मोहिमेअंतर्गत देशात अनेक प्रतिष्ठित व्यक्तींची नावे समोर आली. यात टी-सीरीजचे मालक भूषण कुमार यांचाही समावेश आहे. त्यांच्याविरोधात आता मुंबईच्या ओशिवारा पोलीस...
Read More
post-image
महाराष्ट्र

मीरारोड येथे ३ सफाई कामगारांचा गुदमरून मृत्यू

मीरारोड – मीरा-भाईंदर महापालिकेच्या मलनि:सारण व शुद्धीकरण केंद्रातील सेप्टिक टँकची सफाई करत असताना मीरारोड येथील तीन मजुरांचा गुदमरून मृत्यू झाल्याची घटना घडली. मुजफ्फर मोहलिक...
Read More
post-image
आघाडीच्या बातम्या देश

जेट एअरवेज बचावाची आशा, मात्र एतिहादच्या कठोर अटी

मुंबई – आर्थिक अडचणींमुळे डबघाईला येऊन बंद पडण्याच्या वाटेवर असलेल्या जेट एअरवेजला एतिहाद एअरलाईनच्या नव्या प्रस्तावामुळे जिवंत राहण्याची आशा निर्माण झाली आहे. एतिहाद एअरलाईन ही...
Read More