चापेकर चौकातील पुलावर मालवाहतूक करणा-या ट्रकला आग – eNavakal
News महाराष्ट्र

चापेकर चौकातील पुलावर मालवाहतूक करणा-या ट्रकला आग

पिंपरी –  चिंचवड, चापेकर चौकातील पुलावरुन जाणा-या एका मालवाहतूक ट्रकला शॉर्ट सर्किटमुळे अचानक आग लागली. आगीत ट्रक जळून खाक झाला आहे. ट्रकचा टायर फुटल्याने धुराचे लोट बाहेर येत होते. त्यामुळे परिसरात काही काळ घबराट निर्माण झाली होती. ही घटना दुपारी सव्वादोनच्या सुमारास घडली. सुदैवाने यामध्ये कोणतीही जीवितहानी झाली नाही.

मिळालेल्या माहितीनुसार, एमएच 12 एचडी 0220 या क्रमांकाचा मालवाहतूक ट्रक शुक्रवारी खेड-शिवापूरवरुन माल घेऊन आला होता. पिंपरीतील एका कंपनीत माल खाली केल्यानंतर चालक शिवाजी सावंत हे हा ट्रक घेऊन आज शनिवारी दुपारी खेड-शिवापूरला चालले होते. दुपारी सव्वादोनच्या सुमारास चापेकर चौकातील पुलावरुन थेरगावकडे जात असताना शॉर्ट सर्किट झाल्यामुळे ट्रकला आग लागली. यामध्ये ट्रक जळून खाक झाला आहे.

टायर फुटल्याने मोठा आवाज होऊन धुराचे लोट बाहेर येत होते. त्यामुळे परिसरात काही काळ घबराट निर्माण झाली होती. बघ्यांनी मोठ्या प्रमाणात गर्दी केली होती. पिंपरी, संत तुकारामनगर येथील अग्निशामक दलाचे दोन बंब आणि प्राधिकरणातील एक असे तीन बंब घटनास्थळी दाखल झाले. त्यांनी 15 मिनिटाच्या आतमध्ये आग आटोक्यात आणली, अशी माहिती फायरमन अशोक कानडे यांनी दिली. दरम्यान, सुदैवाने कोणतीही जीवितहानी झाली नाही. ट्रकचे मात्र मोठ्या प्रमाणात नुकसान झाले आहे.

Sharing is caring!

You may also like

Read More

post-image
देश

येडीयुरप्पा अडचणीत! मंत्री, आमदार नाराज

बंगळुरू – काँग्रेस, जनता दल (सेक्युलर) व अपक्ष आमदारांना फोडून, कुमारस्वामी सरकार पाडून कर्नाटकात सत्तेवर आलेल्या भाजपाच्या येडीयुरप्पा सरकारलाच आता आमदारांच्या बंडखोरीचा सामना करावा...
Read More
post-image
आघाडीच्या बातम्या महाराष्ट्र वाहतूक

मंगला एक्स्प्रेसचं इंजिन बिघडलं! मध्य रेल्वेचा आजही खोळंबा

ठाणे – सलग दुसऱ्या दिवशी मध्य रेल्वे खोळंबली असून प्रवाशांना प्रचंड मनस्ताप सहन करावा लागत आहे. टिटवाळा येथे मंगला एक्सप्रेसच्या इंजिनात बिघाड झाल्याने कसाऱ्याच्या...
Read More
post-image
आघाडीच्या बातम्या महाराष्ट्र

…तर पुन्हा विमा कंपन्यांविरोधात आंदोलन! उद्धव ठाकरेंचा दोन्ही सरकारना इशारा

मुंबई – महाराष्ट्रातील पूरसमस्या ओसरल्यावर शिवसेनेने महाराष्ट्रातील शेतकर्‍यांच्या पीक विमा प्रश्‍नावर पुन्हा लक्ष केंद्रीत केले आहे. शिवसेनेने जून महिन्यात शेतकर्‍यांच्या पीक विम्याचे पैसे न...
Read More
post-image
महाराष्ट्र राजकीय

संभाजी ब्रिगेडकडून विधानसभा उमेदवारांची पहिली यादी जाहीर

औरंगाबाद – राज्यात विधानसभा निवडणुकीची तयारी सुरू झाली आहे. यंदा संभाजी ब्रिगेड संघटनाही स्वबळावर विधानसभा निवडणूक लढवणार आहे. संभाजी ब्रिगेडचे प्रवक्ते डॉ. शिवानंद भानुसे यांनी,...
Read More
post-image
देश

जेट एअरवेजचे संस्थापक नरेश गोयल यांच्या घरावर, कार्यालयांवर ईडीचे छापे

नवी दिल्ली – दिवाळखोरीच्या प्रक्रियेतून जात असलेल्या जेट एअरवेजच्या दिल्ली आणि मुंबईतील कार्यालयांवर अंमलबजावणी संचालनालय (ईडी)ने छापेमारी केली आहे. तसेच जेट एअरवेजचे संस्थापक नरेश...
Read More