‘चमकी’चे १०० हून अधिक बळी! कशामुळे होतो हा आजार? – eNavakal
देश

‘चमकी’चे १०० हून अधिक बळी! कशामुळे होतो हा आजार?

नवी दिल्ली – एक्यूट इंसेफेलाइटिस सिंड्रोम अर्थात चमकी तापामुळे बिहारमध्ये आतापर्यंत १०० हून अधिक मुलांचा मृत्यू झाला आहे. तर या तापाच्या रुग्णांची संख्याही झपाट्याने वाढत आहे. मात्र धक्कादायक म्हणजे या तापावर अद्याप कोणताही उपाय उपलब्ध नाही. या आजाराबाबत संशोधनासाठी शास्त्रज्ञांचा विशेष संघ तयार करण्यात आला आहे. परंतु अनेक प्रयत्न आणि संशोधनंतरही या तापावर उपाय शोधण्यात यश आलेले नाही. त्यामुळे  डॉक्टर सध्या या तापाच्या रुग्णांना अॅण्टीव्हायरल औषधे, अॅण्टीइंफ्लेमेटरी औषधे देतात आणि आरामाचा सल्ला देतात. शिवाय जेवणातली पथ्ये पाळण्यास सांगतात.

मुख्य म्हणजे या आजाराचं कारणही सापडलेलं नाही. परंतु शास्त्रज्ञांनी केलेल्या निरीक्षणानुसार मे महिन्यापासून या आजाराचे रुग्ण आढळले असून याच काळात लीची फळ पिकते आणि खाली पडते. लहान मुलं बागेत जाऊ ही फळं मोठ्या प्रमाणावर खातात. या फळामध्ये व्हायरस असू शकतो, अशी शक्यता शास्त्रज्ञांनी व्यक्त केली. मात्र अवघ्या ६ महिन्यांच्या आणि १ वर्षाच्या बालकांमध्ये हा आजार कसा आढळतो, असा प्रश्न उपस्थित झाला आहे. तसेच हा आजार नव्वदच्या दशकात आला असून २०११ साली प्रथमच याचे रुग्ण आढळले, असे संशोधनात सामील असलेल्या डॉक्टरांनी सांगितले आहे.

चमकीची लक्षणे

अशक्तपणा, डोकेदुखी, सांधेदुखी, ताप, मळमळ, उलटी, मानसिक अस्थिरता, अंधुक दिसणे, केस गळणे, लकवा, इत्यादी.

काळजी कशी घ्याल?

नियमित रक्तचाचणी, नियमित तपासणी, डासांपासून संरक्षण, शारीरिक स्वच्छता पाळणे, संतुलित आहार घेणे.

Sharing is caring!

You may also like

Read More

post-image
आघाडीच्या बातम्या देश न्यायालय

‘चौकीदार चोर है’ प्रकरणी राहुल गांधींचा माफीनामा सुप्रीम कोर्टाकडून मंजूर

नवी दिल्ली – ‘चौकीदार चोर है’ प्रकरणी सुप्रीम कोर्टाकडून कॉंग्रेस नेते राहुल गांधी यांचा माफीनामा मंजूर करण्यात आला आहे. तसेच राहुल गांधींनी वक्तव्य करताना काळजी घ्यावी,...
Read More
post-image
आघाडीच्या बातम्या देश

राफेलच्या पुनर्विचार याचिका सर्वोच्च न्यायालयाने फेटाळल्या

नवी दिल्ली – सर्वोच्च न्यायालयाने राफेल कराराबाबत दाखल झालेल्या पुनर्विचार याचिका फेटाळून लावल्या आहेत. सर्वोच्च न्यायालयाच्या या निर्णयामुळे केंद्र सरकारला मोठा दिलासा मिळाला आहे. लोकसभा...
Read More
post-image
आघाडीच्या बातम्या देश न्यायालय

सबरीमाला मंदिर प्रवेशाचा निर्णय सात न्यायमूर्तींच्या खंडपीठासमोर होणार

नवी दिल्ली – नवी दिल्ली – ऐतिहासिक सबरीमाला प्रकरणावरील पुनर्विचार याचिका सर्वोच्च न्यायालयात ३ विरुद्ध २ च्या बहुमताने सात न्यायमूर्तींच्या संविधान पीठाकडे पाठविण्यात आली आहे....
Read More
post-image
विदेश

वेनिसला महापुराचा तडाखा; पर्यटकांचे हाल

वेनिस – जगातील सुंदर शहर अशी ओळख असलेल्या वेनिस शहराला महापुराने विळखा घातला आहे. इटलीतील या शहराचे महापुरामुळे प्रचंड नुकसान झाले आहे. येथील जनजीवन...
Read More
post-image
महाराष्ट्र राजकीय

हा छत्रपती शिवरायांचा महाराष्ट्र आहे, राजकारण आमच्यासाठी धंदा नाही – संजय राऊत

मुंबई – ‘छत्रपती शिवाजी महाराज, महात्मा ज्योतिबा फुले आणि डॉ बाबासाहेब आंबेडकर यांचा हा महाराष्ट्र आहे. महाराष्ट्रात शब्दाला किंमत आहे. आमची वृत्ती व्यापारी नाही,...
Read More