घनकचरा सेवा सिडकोकडून गुरूवारपासून बंद करण्याचा निर्णय – eNavakal
News मुंबई

घनकचरा सेवा सिडकोकडून गुरूवारपासून बंद करण्याचा निर्णय

पनवेल-  सिडकोने १५ मार्चनंतर महापालिका हद्दीतील कचरा उचलणे बंद करण्याचा निर्णय घेतला आहे. त्याप्रमाणे कचरा उचलणे बंद करण्याचे आदेशही त्या-त्या विभागातील ठेकेदाराना सिडकोकडून देण्यात आले आहेत.  पालिका हद्दीतील सिडको वसाहतीतील कचरा उचलण्यास टाळाटाळ करणा-या पनवेल मनपाने अर्थिक दुर्बलता दाखवत सातत्याने कचरा हस्तांतरास नकार दिला होता. सिडको 15 मार्च रोजी ही नागरी सेवा पालिकेला हस्तांतरित करणार आहे.  मात्र आता कोणत्याही प्रकारची मुदतवाढ न देता 15 मार्चच्या मध्य रात्रीपासून ही सेवा बंद करण्याचा ठाम निर्णय सिडकोने घेतला आहे. त्यामुळे हा प्रश्न चिघलण्याची शक्यता आहे

प्रत्येक आस्थापनाला डोकेदुखी ठरणारा घनकचरा व्यवस्थापन पनवेल महानगरपालिकेने आपल्याकडे घ्यावी म्हणून सिडकोने महापालिका स्थापन झाल्यापासून तगादा लावला आहे.  आतापर्यत पाच ते सहा वेळा पत्रव्यवहार केला असून पालिका आयुक्त यानी निधीची कमतरता असल्याने व पनवेलकरांच्या डोक्यावर अर्थिक बोजा पडू नये म्हणून घनकचरा सेवा हस्तांतरास नकार दिला होता.  पनवेल महापालिकडे योग्य साधनसामुग्री व मणुष्यबल संख्या कमी असल्याने दोन वेळा मुदत वाढ घेतली होती यात निधी खर्च होईल अशी महत्वाची भुमिका घेत घन कचरा व्यवस्थापन टाळले होते. मागच्या झालेल्या पत्रव्यवहारात तसेच बैठकीमध्ये स्वच्छ सर्वेक्षण होऊन जाऊ दे, त्यानंतर ही सेवा हस्तांतरित करून घेऊ असे पालिकेने जानेवारीत स्पष्ट केले होते मात्र, नुकतेच हे सर्वेक्षण पार पडले आहे. तसेच 15 मार्चची डेडलाईन ही दोन दिवसांवर आली असल्याने  घनकचरा व्यवस्थापन ही सेवा पनवेल महापालिकेने हस्तांतरित करून घेण्यासाठी सिडको आग्रही झाली आहे .

पनवेल पालिकेच्या उत्पन्नाचे ठोस स्तोत अद्याप हवे तसे तयार झालेले नाहीत अंदाज पत्रकही अवघ्या साडे पाचशे कोटीच्या घरात आहे त्यामुळे पालिकेची आर्थिक स्थिती मजबूत नाही. तसेच ही सेवा घेण्यासाठी पुरेसे मनुष्यबळ तसेच यंत्र सामुग्रीचा अभाव पालिकेकडे आहे  त्यामुळे यासाठी काही कालावधी मिळावा अशी मागणी पालिकेने केली होती.  त्यामुळे आता 15 मार्चपर्यंत मागितलेली मुदत संपत आली असून सिडकोने कचरा उचलणा-या ठेकेदारास कचरा न उचलण्याचे आदेश दिले आहेत. त्यामुळे या सेवेबाबत पनवेल मनपा काय पावले उचलते याकडे नागरिकांचे लक्ष लागून राहिले आहे. याबाबत आयुक्त, उपायुक्त यांच्यासी संपर्क केला असता होवू शकला नाही, पण पालिकेने घनकचरा व्यवस्थापन हस्तांकरास होकार दिला असल्याचे समजते.

Sharing is caring!

You may also like

Read More

post-image
News मुंबई

दीपक मानकरच्या अडचणीत वाढ! अटकपूर्व जामीन अर्जावर सुनावणीस नकार

मुंबई – सामाजिक कार्यकर्ते जितेंद्र जगताप यांच्या आत्महत्येमुळे वादाच्या भोवर्‍यात अडकलेल्या राष्ट्रवादी काँग्रेसचे नगरसेवक दीपक मानकर यांच्या अटकपूर्व जामिनावर सुनावणी घेण्यास आज उच्च न्यायालयाच्या...
Read More
post-image
News देश

बांधकाम व्यवसायातील तोट्यामुळेदेखील भय्यू महाराज तणावात होते

इंदौर- भय्यू महाराज ऊर्फ उदयसिंह देशमुख आत्महत्येप्रकरणी चौकशीला वेग आला असून, पोलीस संबंधितांचे जबाब नोंदवून घेत आहेत. भय्यू महाराजांचे बांधकाम व्यवसायात करोडोंचे नुकसान झाले...
Read More
post-image
News महाराष्ट्र

पालघर पोटनिवडणूक खर्चाची 26 जूनला सुनावणी

वसई- पालघर लोकसभा पोटनिवडणूक नुकतीच पार पडली, आणि ह्या निवडणुकीचा गाजावाजा ही देशभर झाला, मात्र या निवडणुकीत खर्चाचा हिशोब आयोगाने दिलेल्या मर्यादेत झाले नसल्याने आत...
Read More
post-image
News महाराष्ट्र

भिवंडीत अवैध मशिदीचे बांधकाम! बांबूची परांची कोसळली

भिवंडी- भिवंडीतील वंजारपट्टी नाका येथील बहारे मदिना या मशिदीच्या गच्चीवरील संरक्षक कठड्याचे काम सुरू असताना भिंतीला बांधण्यात आलेली बांबूची परांची भिंतीसह अचानकपणे तुटल्याने झालेल्या दुर्घटनेत...
Read More
post-image
क्रीडा देश विदेश

भारतीय ‘अ’ संघाचा दणदणीत विजय

लंडन – इंग्लंड दौर्‍यावर असलेल्या भारतीय ‘अ’ संघाने लिस्टशायर संघाचा 281 धावांनी दणदणीत पराभव करून या दौर्‍यातील आपल्या दुसर्‍या विजयाची नोंद केली. भारतातर्फे पृथ्वी शॉ...
Read More