गुजरातला पळून गेलेल्या हिरे दलालास अटक व पोलीस कोठडी – eNavakal
News गुन्हे

गुजरातला पळून गेलेल्या हिरे दलालास अटक व पोलीस कोठडी

मुंबई – कोट्यवधी रुपयांच्या हिर्‍यांचा अपहार करुन फसवणुक केल्याप्रकरणी वॉण्टेड असलेल्या क्षितीज भन्साली नावाच्या एका 32 वर्षांच्या हिरे दलालास बीकेसी पोलिसांनी गुजरात येथून अटक केली. अटकेनंतर त्याला येथील स्थानिक न्यायालयाने पोलीस कोठडी सुनावली आहे. हिर्‍यांना चांगली किंमत मिळवून देण्याचे आमिष दाखवून क्षितीजने आतापर्यंत सात हिरे व्यापार्‍यांना सुमारे एक कोटी रुपयांचा गंड घातल्याचे पोलीस तपासात उघडकीस आले आहे.

यातील तक्रारदार हिरे व्यापारी असून त्यांचे वांद्रे येथील बीकेसी, भरत डायमंड बोर्समध्ये एक खाजगी कार्यालय आहे. एप्रिल 2017 रोजी त्यांची एका परिचित व्यक्तीच्या मदतीने क्षितीजशी ओळख झाली होती. या ओळखीत त्याने तो हिरे दलाल असून त्याच्या संपर्कात अनेक हिरे व्यापारी आहेत. त्यांच्या मदतीने आपण त्यांच्याकडील हिर्‍यांना चांगली किंमत मिळवून देऊ असे आमिष दाखवून त्यांचा विश्वास संपादन केला होता. त्याच्यावर विश्वास ठेवून त्यांनी त्याला काही हिरे दिले होते, एक महिन्यांत हिरे किंवा हिर्‍याच्या विक्रीतून आलेले पेमेंट कार्यालयात जमा करु असे त्याने आश्वासन दिले होते. मात्र काही महिने उलटूनही क्षितीज हा आला नाही. त्याच्याविषयी माहिती काढल्यानंतर तो पळून गेल्याचे त्यांना समजले होते. त्याने त्यांच्यासह इतर सात हिरे व्यापार्‍यांना अशाच प्रकारे बतावणी करुन त्यांच्याकडून हिरे घेतले होते. या हिर्‍यांचे अपहार करुन फसवणुक करुन तो मुंबईतून गुजरातला पळून गेला होता. आतापर्यंत त्याने सात हिरे व्यापार्‍याकडून सुमारे एक कोटी रुपयांचे हिरे घेतले होते. हा प्रकार उघडकीस येताच त्यांनी बीकेसी पोलिसांत त्याच्याविरुद्ध तक्रार केली होती. या तक्रारीनंतर पोलिसांनी क्षितीज भन्सालीविरुद्ध 406, 420 भादवी कलमांतर्गत गुन्हा नोंदविला होता. त्याचा शोध सुरु असतानाच त्याला गुजरात येथून पोलिसांनी अटक केली. याच गुन्ह्यांत तो सध्या पोलीस कोठडीत असून त्याची पोलिसांकडून कसून चौकशी सुरु आहे.

Sharing is caring!

You may also like

Read More

post-image
आघाडीच्या बातम्या देश न्यायालय

‘चौकीदार चोर है’ प्रकरणी राहुल गांधींचा माफीनामा सुप्रीम कोर्टाकडून मंजूर

नवी दिल्ली – ‘चौकीदार चोर है’ प्रकरणी सुप्रीम कोर्टाकडून कॉंग्रेस नेते राहुल गांधी यांचा माफीनामा मंजूर करण्यात आला आहे. तसेच राहुल गांधींनी वक्तव्य करताना काळजी घ्यावी,...
Read More
post-image
आघाडीच्या बातम्या देश

राफेलच्या पुनर्विचार याचिका सर्वोच्च न्यायालयाने फेटाळल्या

नवी दिल्ली – सर्वोच्च न्यायालयाने राफेल कराराबाबत दाखल झालेल्या पुनर्विचार याचिका फेटाळून लावल्या आहेत. सर्वोच्च न्यायालयाच्या या निर्णयामुळे केंद्र सरकारला मोठा दिलासा मिळाला आहे. लोकसभा...
Read More
post-image
आघाडीच्या बातम्या देश न्यायालय

सबरीमाला मंदिर प्रवेशाचा निर्णय सात न्यायमूर्तींच्या खंडपीठासमोर होणार

नवी दिल्ली – नवी दिल्ली – ऐतिहासिक सबरीमाला प्रकरणावरील पुनर्विचार याचिका सर्वोच्च न्यायालयात ३ विरुद्ध २ च्या बहुमताने सात न्यायमूर्तींच्या संविधान पीठाकडे पाठविण्यात आली आहे....
Read More
post-image
विदेश

वेनिसला महापुराचा तडाखा; पर्यटकांचे हाल

वेनिस – जगातील सुंदर शहर अशी ओळख असलेल्या वेनिस शहराला महापुराने विळखा घातला आहे. इटलीतील या शहराचे महापुरामुळे प्रचंड नुकसान झाले आहे. येथील जनजीवन...
Read More
post-image
महाराष्ट्र राजकीय

हा छत्रपती शिवरायांचा महाराष्ट्र आहे, राजकारण आमच्यासाठी धंदा नाही – संजय राऊत

मुंबई – ‘छत्रपती शिवाजी महाराज, महात्मा ज्योतिबा फुले आणि डॉ बाबासाहेब आंबेडकर यांचा हा महाराष्ट्र आहे. महाराष्ट्रात शब्दाला किंमत आहे. आमची वृत्ती व्यापारी नाही,...
Read More