गटारीमुळे कल्याण-डोंबिवलीत खड्डेभरणीचे काम बंद – eNavakal
News महाराष्ट्र

गटारीमुळे कल्याण-डोंबिवलीत खड्डेभरणीचे काम बंद

डोंबिवली- आज गटारी असल्यामुळे कल्याण-डोंबिवलीत खड्डेभरणीची काम बंद आहे, असे बेजबाबदार स्पष्टीकरण कल्याण डोंबिवली महापालिकेचे आयुक्त गोविंद बोडके यांनी केले आणि एका नव्या वादाला तोंड फुटले. मुळात किती व कोणत्या रस्त्यांवर खड्डे पडले होते? त्यातले किती बुजविले व किती बाकी? व रस्ते नक्की खड्डे मुक्त होणार आहेत का? याबाबत करदात्या नागरिकां इतकेच आयुक्तांनाही अंधारात ठेवण्यात यंदादेखील पालिकेचे कामचुकार अधिकारी यशस्वी झाले असल्याचे महासभेत स्पष्ट झाले. पाच निष्पाप नागरिकांचे बळी व अनेक गंभीर होऊन देखील बेपर्वाईने चालढकल करुन व फक्त पाट्या टाकून दिवस भरणार्‍या सर्व अधिकारी वर्गाला स्वेच्छा निवृत्ती देऊन घरचा रस्ता दाखवा, अशी जोरदार मागणी सत्ताधारी शिवसेनेचे नगरसेवक रमेश म्हात्रे यांनी केली.आणि शुक्रवारी झालेल्या महासभेत नगरसेवकांनी प्रशासनाला खड्ड्यांवरून चांगलेच धारेवर धरले.

कल्याण-डोंबिवलीत खड्डे आणि खराब रस्त्यांमुळे अनेक अपघात झाले असून आत्तापर्यंत पाच बळी गेले आहेत. यावरून मागच्या महासभेत प्रचंड गदारोळ झाला होता. शेवटी ही महासभा तहकूब करण्यात आली होती. ही तहकूब महासभा शुक्रवारी सुरू झाली. या सभेत पुन्हा एकदा सगळ्याच नगरसेवकांनी प्रशासनाला धारेवर धरत खड्डेभरणी सुरू नसल्याचा आरोप केला. त्यांना उत्तर देताना आयुक्तांनी आज गटारी असल्यानं काम बंद असल्याचं अजब आणि धक्कादायक कारण दिलं. मुळात अनेक रस्त्यावर खड्डे भरलेच नसून ते वाढले आहेत
हे वास्तव आहे.

महासभेत सुरुवातीला विरोधी पक्षात असलेल्या मनसेनं सत्ताधारी पक्षावर जोरदार हल्ला चढवला. मागील सभेत राजदंड पळवणारे मनसे गटनेते प्रकाश भोईर यांचं महापौरांनी एका महासभेसाठी निलंबन करत असल्याची घोषणा केली, यावरून मनसेनं शिवसेनेला धारेवर धरत सभागृहात ठिय्या आंदोलन करणार्‍या उपमहापौर उपेक्षा भोईर यांचंही निलंबन करण्याची मागणी केली.

Sharing is caring!

You may also like

Read More

post-image
देश

आसाममध्ये भूकंपाच्या धक्क्याने घबराट

गुवाहटी – मुसळधार पावसामुळे पूरस्थितीत अडकलेल्या आसाममध्ये आज दुपारी भूकंपाचा धक्का जाणवला. दुपारी २.५१ वाजता झालेल्या या भूकंपाची रिश्टर स्केलवर तीव्रता ५.९ इतकी होती....
Read More
post-image
आघाडीच्या बातम्या महाराष्ट्र

प्रचारासाठी मी पुन्हा येणार आहे, तेव्हा निवडणुका जिंकूच! आदित्य ठाकरे

धुळे – युवसेनाप्रमुख आदित्य ठाकरे यांच्या जनआशीर्वाद यात्रेला गुरुवारी सुरुवात झाली. यात्रेच्या पहिल्याच दिवशी ‘ही जनआशीर्वाद यात्रा निवडणुकीसाठी किंवा प्रचारासाठी नाही. नवमहाराष्ट्र घडविण्यासाठी आहे’, असे...
Read More
post-image
महाराष्ट्र

आदित्य ठाकरे उद्या नाशिक शहरात जाणार

नाशिक – शिवसेना नेते आणि युवसेनाप्रमुख आदित्य ठाकरे यांच्या जनआशीर्वाद यात्रेला गुरुवारी सुरुवात झाली. यात्रेच्या पहिल्याच दिवशी ‘ही जनआशीर्वाद यात्रा निवडणुकीसाठी किंवा प्रचारासाठी नाही....
Read More
post-image
आघाडीच्या बातम्या देश

प्रियंका गांधींचे पहिले धरणे आंदोलन! पोलिसांनी घेतले ताब्यात

नवी दिल्ली – काँग्रेसच्या महासचिव प्रियंका गांधी आज सोनभद्र हत्याकांडातील पीडितांना भेटण्यासाठी निघाल्या. परंतु मिर्झापूरमध्ये त्यांना आणि त्यांच्या कार्यकर्त्यांना सोनभद्रमध्ये जाण्यापासून पोलिसांनी रोखले. त्यामुळे प्रियंका यांनी मिर्झापूरमध्ये धरणे...
Read More
post-image
दिनविशेष

दिनविशेष : सोज्वळ अभिनेत्री उमा भेंडे

ज्येष्ठ अभिनेत्री उमा भेंडे यांचा आज स्मृतिदिन. त्यांचा जन्म ३१ मे १९४५ साली कोल्हापूर येथे झाला. सोज्वळ अभिनेत्री म्हणून उमा भेंडे यांनी मराठी रसिक मनावर...
Read More