#खवय्ये : प्रभादेवीचे ‘चला गोमंतक’ हॉटेल – eNavakal
महाराष्ट्र लेख

#खवय्ये : प्रभादेवीचे ‘चला गोमंतक’ हॉटेल

गोवा हे एक आंतरराष्ट्रीय पर्यटन केंद्र आहे. येथील पर्यटनामध्ये गोवन खाद्यसंस्कृतीचा मोठा वाटा आहे. वांद्य्राचे हायवे गोमंतक हे गेल्या 28 वर्षांपासून उत्कृष्ट सी-फूड देणारे मुंबई उपनगरातील पहिल्या क्रमांकाचे हॉटेल आहे. हायवे गोमंतकची दुसरी शाखा प्रभादेवीच्या गोखले रोड दक्षिणेकडील कॅपिटल सहयोग सोसायटीमध्ये ‘चला गोमंतक’ या नावाने पाच महिन्यांपूर्वी सुरू झाले आहे. विशाल पोतनीस आणि हॉटेल मॅनेजमेंटची पदवी प्राप्‍त केलेला त्यांचा मुलगा पुष्कर पोतनीस प्रभादेवीच्या गोमंतकचे पूर्ण व्यवस्थापन सांभाळतात. गोव्याच्या संस्कृतीचे अनोखे दर्शन या हॉटेलच्या इंटीरियरमध्ये पाहायला मिळतेच आणि येथे मिळणारे टिपीकल सी-फूड अस्सल खवय्यांना पुन्हा पुन्हा या हॉटेलमध्ये जाण्यास भाग पाडते

रमेश पोतनीस आणि त्यांच्या पत्नी शशिकला यांनी गेली 28 वर्षे वांद्य्राच्या हायवे गोमंतकची लोकप्रियता टिकवली. या व्यवसायात मुलगा विशाल पोतनीस यांचेही मोठे योगदान आहे. पोतनीस कुटुंबियांची तिसरी पिढी पुष्कर यांच्या रूपाने हॉटेल व्यवसायात आली. व्यवसाय वृद्धी करण्याच्या हेतूने प्रभादेवीसारख्या परिसरात सुसज्ज जागेत हायवे गोमंतक दुसरी शाखा चला गोमंतक सुरू झाली. तळमजल्यावर विना वातानुकूलित कक्षामध्ये 30 जणांची तर पहिल्या मजल्यावर वातानुकूलित कक्षामध्ये 40 जणांची ऐसपैस आसनव्यवस्था आहे. आठवड्याचा गुरुवार वगळता हॉटेल दररोज सकाळी 11.30 ते दुपारी 3.30 आणि सायंकाळी 7 ते 11.00 वाजेपर्यंत सुरू असते

चला गोमंतकमध्ये सर्व प्रकारचे पदार्थ हे गोवन पद्धतीने तयार केलेल्या मसाल्यांमध्ये केले जातात. विशेष म्हणजे हे सर्व मसाले पोतनीस यांच्या घरातच दळले जातात. विशाल पोतनीस यांच्या पत्नी विभा पोतनीस हॉटेलमध्ये लागणारे वाटण स्वत: तयार करतात. हॉटेलमध्ये मासे खवय्यांची संख्या अधिक आहे. कारण गोवन फिश करी ही हॉटेलची स्पेशालिटी आहे. हळदीचे पान टाकून केलेली पिवळ्या रंगातील पापलेट आणि सुरमई कढी आणि त्रिफळ घातलेली भगव्या रंगातील हलवा आणि बांगडा कढी चवीला लाजवाब आहे. अगदी आपण गोव्यातच खातोय का असा भास जणू निर्माण होतो.

नियमित माशांबरोबर येथे सौंदाळे, लेपा, मोदके, वेर्ल्या, शिणाणे, चोणक, रावस, कालव, तारले हे सिझनल फिश देखील वेगवेगळ्या रेसीपीमध्ये उपलब्ध आहेत. गाबोळी कोशिंबीर, माशांचे तिखले, जवळा आणि सुक्या बोंबलांचे किसमुर, प्रॉन्स करी, ग्रीन चिकन या सहसा सर्व नॉन व्हेज हॉटेलमध्ये न मिळणार्‍या रेसीपी येथे चाखायला मिळतात. या हॉटेलमधील चला गोमंतक थाळीला ग्राहकांची मोठी मागणी आहे. शाकाहारीमध्ये व्हेज थाळी आणि पुलाव मिळतो. हॉटेलमध्ये मिळणारे चिकन आणि मटणाचे सर्व प्रकार देखील गोवन पद्धतीच्या मसाल्यांमध्ये तयार केले जातात.

गेल्या 18 वर्षांपासून हायवे गोमंतकला ‘द बेस्ट कोस्टल फूड इन मुंबई सबर्ब’चा पुरस्कार मिळाला आहे. हायवे गोमंतकमधील मेनू कार्ड आणि अगदी तशीच चव आपल्याला चला गोमंतकमध्ये हमखास चाखायला मिळते. गोव्याच्या खाद्यसंस्कृतीचा खराखुरा आनंद मुंबईत लुटण्यासाठी प्रभादेवीच्या चला गोमंतकला एकदा तरी नक्‍की भेट द्या!

गोव्याच्या संस्कृतीचे अनोखे दर्शन

पोतनीस कुटुंबीय हे मूळचे गोव्याचे असल्याने हॉटेलचे इंटीरियर साकारताना पुष्कर पोतनीस यांनी कल्पकता दाखवत मंगेशी मंदिर, पणजीचे चर्च, गोव्यातील बीच, कोळी बांधव, स्तंभ यांची प्रोफेशनल आर्टिस्टने हाताने काढलेली चित्रे हॉटेलच्या भिंतींवर साकारली आहेत.

टेक अवे मेनू

चला गोमंतकमध्ये टेक अवे मेनू सर्व्हीस उपलब्ध आहे. तुमच्या आवडीचे जेवण फोन करून ऑर्डर नोंदवा आणि आपले पार्सल घेऊन जा. संपर्क- 8657488755, 8657488955.

Sharing is caring!

You may also like

Read More

post-image
News आघाडीच्या बातम्या मुंबई

आजपासून मुंबईत 10 टक्के पाणी कपात

मुंबई- पिसे उदंचन केंद्रातील दुरुस्ती कामामुळे मुंबईत 3 ते 9 डिसेंबर 2019 या कालावधीत नियोजित 10 टक्के पाणीकपात जाहीर करण्यात आली होती. मात्र ती...
Read More
post-image
News विदेश

फ्लोरिडात गोळीबार! हल्लेखोराला कंठस्नान

फ्लोरिडा – अमेरिकेच्या फ्लोरिडामध्ये आज पेनसाकोला स्थित नौदलाच्या तळावर गोळीबार करण्यात आल्याने एकच खळबळ उडाली. एका बंदुकधार्‍याने नौदलाच्या तळाला लक्ष्य करत अंदाधुंद गोळीबार केला....
Read More
post-image
News मुंबई

महापालिका अतिरिक्त आयुक्त पदाचा सुरेश काकाणींनी पदभार स्विकारला

मुंबई – महाराष्ट्र विमानतळ विकास कंपनीचे उपाध्यक्ष तथा व्यवस्थापकीय संचालक तसेच मिहान इंडिया लिमिटेडचे अध्यक्ष सुरेश काकाणी यांची मुंबई महापालिकेचे अतिरिक्त आयुक्त म्हणून राज्य...
Read More
post-image
News मुंबई

पावणेदोन कोटीच्या घरफोडी! सात वषार्र्ंनी आरोपीस अटक

मुंबई – गोवंडी येथे जी. एस. ज्वेलर्स दुकानातील कुलूप तोडून आतील 1 कोटी 82 लाख 70 हजार रुपयांचा ऐवज पळवून नेणार्‍या टोळीतील एका आरोपीला...
Read More
post-image
News मुंबई

हिजबुल मुजाहिद्दीन संघटनेशी संबंध नाही! गौतम नवलखांचा हायकोर्टात दावा

मुंबई – पुणे जिल्ह्यातील भीमा-कोरेगाव हिंसाचार आणि माओवादी संघटनेशी संबंध असल्याच्या आरोपामुळे वादाच्या भोवर्‍यात अडकलेल्या गौतम नवलखा यांचा हिजबुल मुजाहिद्दीन संघटनेशी कोणताच संबंध नव्हता....
Read More