खचलेल्या मुंब्राबायपासची पीडब्ल्यूडी विभागाकडून पाहणी – eNavakal
News महाराष्ट्र वाहतूक

खचलेल्या मुंब्राबायपासची पीडब्ल्यूडी विभागाकडून पाहणी

ठाणे – मुंब्रा बायपास दुरवस्थेमुळे दुरुस्तीसाठी दोन महिने वाहतूक बंद करण्यात आली असतानाच सतत तीन दिवस मुसळधार सातत्याच्या पावसाने बायपासची जमीन खचल्याची घटना घडली. सदर प्रकार हा जमिनीत पाणी मुरल्याने घडला असून बायपास दुरुस्तीसाठी एक महिना लागणार असल्याची माहिती कार्यकारी अभियंता कांबळे यांनी दिली. मुंब्रा बायपास जवळ असलेल्या डोंगरावरील पाऊसाचे पाणी पूर्वी नैसर्गिक असलेल्या नाल्यातून वाहून जात होते. मात्र तो नाला बंद करण्यात आल्याने या पाण्याचा निचरा करण्यासाठी पाईपलाईन टाकण्यात येत होती. मात्र राष्ट्रवादी आमदार आणि नगरसेविका यांनी यामुळे बायपास खालील काही विभागात पूरस्थिती निर्माण होत असल्याचे सांगत काम बंद केले होते. त्यामुळे पावसाळ्यात बायपास लगतच्या डोंगरावरून वाहणारे पाणी हे रोडच्या बाजूला असलेल्या मातीत मुरल्याने बायपास रोडच्या डांबरीकरणाच्या बाजूचा भाग खचला आहे.

शनिवारी याची दुरुस्ती करण्यासाठी तांत्रिक तज्ज्ञ टीम येणार असून पाहणी केल्यानंतर दुरुस्तीचे काम सुरू करण्यात येणार आहे. डोंगरावरून येणारे पावसाचे पाणी निचरा होणे गरजेचे आहे. मात्र त्यासाठी टाकण्यात येणारी पाईपलाईनचे काम सुरू करण्यापूर्वी बायपास लागत असलेल्या काही झोपड्यांचा सर्व्हे करून त्यांचे पुनर्वसन केल्यानंतरच पुढील पाइपलाईनच्या कमला सुरुवात करण्यात येणार असल्याची माहिती कार्यकारी अभियंता कांबळे यांनी दिली.

Sharing is caring!

You may also like

Read More

post-image
News महाराष्ट्र

वसईत बीएसएनएलची इंटरनेट सेवा ठप्प

वसई – बीएसएनएलच्या इंटरनेटचे सर्व्हर वारंवार डाऊन होत असल्यामुळे वसईतील दस्त नोंदणी रखडत चालली असून त्याचा फटका मात्र दररोज नोंदणी कार्यालये व त्याच्या लाखो...
Read More
post-image
News मुंबई

पालिकेचा केंद्र शासनाच्या ‘डिजिटल इंडिया’ पुरस्काराने सन्मान

मुंबई – पालिकेद्वारे नागरिकांना देण्यात येणार्‍या विविध सेवा सुविधा नागरिकांना ऑनलाईन पद्धतीने सहजपणे उपलब्ध व्हाव्यात, विविध परवानग्या, दाखले, अनुज्ञप्ती पत्रे यासारख्या सेवा सुविधा माहिती...
Read More
post-image
News महाराष्ट्र

पालिकेच्या रुग्णालयातील एक्स-रे मशीन कोमात

वसई- वसई-विरार महापालिकेच्या नालासोपार्‍यातील रुग्णालयाची एक्स-रे मशीन महिनाभरापासून नादुरुस्त असून आरोग्य विभागाच्या हलगर्जीपणामुळे गोरगरीब रुग्णांना हजारो रुपयांचा भुर्दंड हकनाक सोसावा लागत आहे. नालासोपारा पुर्वेकडील...
Read More
post-image
News विदेश

‘जैश’चे मुख्यालय पाकिस्तानने घेतले ताब्यात

इस्लामाबाद – भारताच्या कारवाईच्या भीतीने पाकिस्तानने जैश-ए-मोहम्मदचे मुख्यालय ताब्यात घेतले आहे. मौलाना मसूद अजहरच्या जैश-ए-मोहम्मदचे मुख्यालय बहावलपूरमध्ये आहे. पंजाब सरकारने हे मुख्यालय ताब्यात घेतल्याची...
Read More
post-image
News महाराष्ट्र

प्रकृती बिघडल्याने संभाजी भिडे रुग्णालयात

महाड- शिवप्रतिष्ठान संस्थेचे संस्थापक संभाजी भिडे यांना रक्तदाब कमी झाल्याचा त्रास झाल्याने महाड येथील ग्रामीण रूग्णालयात उपचारांसाठी दाखल करण्यात आले आहे. आज सायंकाळच्या सुमारास...
Read More