खंडणी स्वीकारताना महिला ब्लॅकमेलरला रंगेहाथ अटक – eNavakal
गुन्हे मुंबई

खंडणी स्वीकारताना महिला ब्लॅकमेलरला रंगेहाथ अटक

कल्याण – कल्याणातील एका सुप्रसिद्ध बांधकाम व्यवसायीकाला ब्लॅकमेल करून तब्बल 20 लाखांची खंडणी स्वीकारताना कल्याण पश्चीमेकडील एका हॉटेलमधून ठाणे खंडणी पथकाने सापळा रचून त्या ब्लॅकमेलर महिलेला रंगेहात अटक केली आहे. सुषमा दाते (45) असे खंडणीखोर महिलेचे नाव आहे. कल्याणातील सुप्रसिद्ध बांधकाम व्यवसायीक मिलिंद कुलकर्णी यांचे कल्याण पश्चीम परिसरात कार्यलय आहे. या कार्यलयात 13 वर्षापासून ब्लॅकमेलर सुषमा ही नोकरी करयाची. मात्र गेली तीन वर्षापासून ती या ठिकाणी काम करीत नव्हती. दरम्यान ऑगस्ट 2017 पासून ब्लॅकमेलर सुषमा हिने मोबाईलवर धमकी देत, तुमची माझ्याकडे ऑडिओ क्लिप आहे. ही क्लिप तुमच्या कुटुंबाला दाखवून तुमची समाजात बदनामी करेल. अशी वारंवार कुलकर्णी यांना धमकी देत होती. मात्र उगाच बदनामी नको म्हणून या ब्लॅकमेलर महिलेला दरम्यानच्या काळात 11 लाख रुपये दिले. तरी देखील ती कुलकर्णी यांना बलात्काराचा खोटा गुन्हा दाखल करण्याची धमकी देत, 40 लाखांची मागणी करत माझ्या जीवाचे बरेवाईट करून तुमचे नाव घेईल. तसेच माझी बहीण पोलीस असल्याचीही धमकी देत होती. अखेर ब्लॅकमेलर सुषमा हिच्या त्रासाला कंटाळून कुलकर्णी यांनी ठाणे खंडणी विरोधी पथकाकडे धाव घेत, तिची तक्रार दाखल केली. त्या तक्रारीनुसार 40 लाखांचा पहिला हप्ता देण्याचे ठरले होते. हाच हप्ता घेण्यासाठी आज सायंकाळी 4 वाजल्याच्या सुमाराला ठाणे खंडणी पथकाचे सहाय्यक निरीक्षक विलास खेडकर, पोलीस उपनिरीक्षक हेमंत ढोले, महात्मा फुले चौक पोलीस ठाण्याचे वरिष्ठ पोलीस निरीक्षक प्रकाश लोंढे यांच्यासह महिला पोलीस कर्मचाऱ्यांच्या पथकाने सापळा रचला होता. कल्याण-मुरबाड रोडवरील एका हॉटेलमधून कुलकर्णी यांच्याकडून 20 लाख रुपये स्वीकारताना ब्लॅकमेलर सुषमाला रंगेहात अटक केली.

Sharing is caring!

You may also like

Read More

post-image
आघाडीच्या बातम्या महाराष्ट्र राजकीय

विधान परिषदेच्या उपसभापतीपदी डॉ. नीलम गोऱ्हेंची बिनविरोध निवड

मुंबई – विधान परिषदेतील उपसभापतीपदी अखेर शिवसेनेच्या आमदार नीलम गोऱ्हे यांची बिनविरोध निवड झाली आहे. तसेच विधानसभा विरोधी पक्षनेता म्हणून काँग्रसेचे गटनेते विजय वडेट्टीवार यांना देण्यात...
Read More
post-image
आघाडीच्या बातम्या महाराष्ट्र

मराठा आरक्षणावर गुरुवारी अंतिम निर्णय

मुंबई – महाराष्ट्र सरकारने राज्यातील मराठा समाजाला दिलेले १६ टक्के आरक्षण कायदेशीर आहे की, बेकायदेशीर आहे याचा निकाल मुंबई उच्च न्यायालय गुरुवारी २७ जूनला...
Read More
post-image
आघाडीच्या बातम्या न्यायालय महाराष्ट्र

डॉ. पायल तडवी आत्महत्येप्रकरणी आरोपी डॉक्टरांना जामीन नाही

मुंबई – नायर रुग्णालयातील डॉ. पायल तडवी यांना आत्महत्येस प्रवृत्त केल्याच्या आरोपाखाली अटकेत असलेल्या डॉ. भक्ती मेहेर, डॉ. हेमा आहुजा आणि डॉ. अंकिता खंडेलवाल या...
Read More
post-image
आघाडीच्या बातम्या महाराष्ट्र

मुंबई-पुणे महामार्ग उद्या अर्धा तास बंद राहणार

मुंबई – पुणे-मुंबई मार्गावर परंदवाडी येथे महावितरणची ओव्हरहेड हायटेंशन केबल तुटली असून तिचे काम करण्यासाठी उद्या पूर्ण रस्ता बंद ठेवण्यात येणार आहे. त्यामुळे या...
Read More
post-image
मुंबई

मुंबई महापालिका मुख्यालयात तरुणाचा आत्महत्येचा प्रयत्न

मुंबई – एका ३० वर्षीय तरुणाने मुंबई महापालिका मुख्यालयात आयुक्तांच्या दालनासमोर आत्महत्येचा प्रयत्न केल्याची घटना घडली आहे. सुदाम शिंदे असे या तरुणाचे नाव असून...
Read More