गिरवले कुटुंबिय अखेर अंत्यसंस्कारासाठी राजी – eNavakal
News गुन्हे महाराष्ट्र राजकीय

गिरवले कुटुंबिय अखेर अंत्यसंस्कारासाठी राजी

अहमदनगर – पोलीस कोठडीत मृत्यू झाल्यानंतर कौलास गिरवले यांच्या नातेवाईकांनी सुरुवातीला अंत्यसंस्कार करण्यास नकार दिला होता, मात्र गिरवले कुटुंबिय अंत्यसंस्कार करण्यास राजी झाले आहेत. थोड्याच वेळापूर्वी गिरवले यांचा मृतदेह अहमदनगर येथे त्यांच्या राहत्या घरी आणण्यात आला आहे. थोड्याच वेळात त्यांचावर अंत्यसंस्कार होणार असल्याची माहिती कुटुंबियांनी दिली आहे. कोठडीतील नगरसेवक कैलास गिरवले यांचा मृत्यू हृदयविकाराने झाल्याचा अहवाल डॉक्टारांनी  दिला आहे. पोलिसांनी या प्रकरणी सीबीआय चौकशीचे आश्वासन दिले आहे.

केडगाव दुहेरी हत्याकांडानंतर पोलीस अधीक्षक कार्यालयामध्ये तोडफोड केल्याप्रकरणी अटक करण्यात आलेले मनसेचे माजी जिल्हा अध्यक्ष व राष्ट्रवादीचे स्वीकृत नगरसेवक कैलास गिरवले यांचे कुटुंब कोतवाली पोलीस ठाण्यात गुन्हा दाखल  करण्यासाठी आले आहेत .यात जोपर्यंत गुन्हा दाखल करण्यात येणार नाही तोपर्यंत कैलास गिरवले यांच्या पार्थिवावर अंत्यसंस्कार करण्यात येणार नसल्याचा आक्रमक पवित्रा गिरवले कुटुंबीयांनी घेतला आहे. यात प्रकरणात सीआयडीकडे हा गुन्हा वर्ग झाल्यामुळे कोतवाली पोलीस ठाण्यात गुन्हा दाखल करण्यात तांत्रिक अडचण येत असल्यामुळे अंत्यसंस्कार करून घ्यावे अशी नातेवाईक यांना पोलीसांकडून मनधरणी करण्यात येत आहे.

केडगाव दुहेरी हत्याकांडानंतर पोलीस अधीक्षक कार्यालयामध्ये तोडफोड केल्याप्रकरणी अटक करण्यात आलेले मनसेचे माजी जिल्हा अध्यक्ष व राष्ट्रवादीचे स्वीकृत नगरसेवक कैलास गिरवले यांचा मृत्यू झाल्याची घटना समोर आली होती.  पुण्यातील ससून रुग्णालयामध्ये उपचार सुरु असतांना त्यांचा मृत्यू झाला असून आज त्यांचा मृतदेह नगरकडे रवाना करण्यात आला आहे. आता या दुहेरी हत्याकांडाच्या तपासाला वेगळे वळण लागल्याची शक्यता आहे. कारण कैलास गिरवले यांचा मृत्यू पोलीस कोठडीतच झाला असल्याचा आरोप गिरवले यांच्या कुटुंबियांनी केला आहे.

यात पोलीस कोठडीत मृत्यू झाला असल्याचा आरोप त्यांचे जावई शशिकांत गायकवाड आणि भाऊ बाबासाहेब गिरवले यांनी केला आहे. आज सकाळी त्यांच्या मृतदेहाचे शवविच्छेदन करण्यात आले असून त्यांचा मृतदेह पुण्यातील ससून रुग्णालयातून नगरकडे रवाना करण्यात आला. यात कोठडीतील नगरसेवक कैलास गिरवले यांचा मृत्यू हृदयविकाराने झाल्याचा डॉक्टारांचा अहवालमध्ये निष्पन्न झाले असल्याचे नगर पोलीस यांच्या वतीने सांगण्यात आल्याची माहिती समजत आहे.  कैलास गिरवले या राष्ट्रवादी काँग्रेसच्या नगरसेवकांचा पोलीस कोठडीत मूर्त्यू झाला असून रात्री उशिरा जिल्हा पोलीस अधिकारी दिलीप पवार, श्रीधर गुप्ते, पोलीस काळे, यांच्यासह  दोन ते तीन पोलीस कर्मचारी यांच्यावर बाळासाहेब गिरवले यांच्या फिर्याद वरून खुनाचा गुन्हा नोंद करण्यात यावा असा अर्ज देण्यात आल्याचे समजत आहे.

Sharing is caring!

You may also like

Read More

post-image
आघाडीच्या बातम्या आंदोलन महाराष्ट्र

12 डिसेंबर रोजी माथाडी कामगारांचे राज्यभरात मूक मोर्चे

मुंबई – राज्य सरकारने माथाडी कामगारांच्या हिताविरोधात काही जाचक शासन निर्णय घेतले आहेत. काहींचे अध्यादेश काढले आहेत. सरकारच्या या धोरणामुळे सोयीनुसार माथाडी कायद्याची तोडफोड...
Read More
post-image
महाराष्ट्र

अंगणवाडी कर्मचार्‍यांचा आज मुंबईत राज्यव्यापी मोर्चा

मुंबई – केंद्र सरकारने 2011 मध्ये अंगणवाडी कर्मचार्‍यांच्या मानधनात 1500 व 750 रुपयांची वाढ केली होती. त्या अगोदर 2008 मध्ये 500 व 250 रुपयांची...
Read More
post-image
विदेश

ब्रिटनच्या संसदेत मंगळवारी ‘ब्रेक्झिट’ करारावर मतदान

लंडन – ब्रिटनच्या संसदेत उद्या मंगळवारी ‘ब्रेक्झिट’ करारावर मतदान होणार आहे. हा करार संसदेने फेटाळला तर देशावर मोठे संकट ओढवेल आणि सार्वत्रिक निवडणुका घेण्याची...
Read More
post-image
मुंबई

बेस्टचा बँकांत खडखडाट टाटासाठी 10 टक्के कर्ज काढले

मुंबई – दिवाळी सणासाठी बोनस म्हणून बेस्टच्या महाव्यवस्थापकांनी कर्मचार्‍यांना 5500 रुपये सानुग्रह अनुदान घोषित केले होते. दिवाळी उलटून आताशा ख्रिसमस जवळ आला तरी महाव्यवस्थापकांनी...
Read More
post-image
आघाडीच्या बातम्या मुंबई

डोंबिवलीच्या भोपर गावात पाणीबाणी

डोंबिवली – डोबिवली पूर्वेच्या भोपर गाव परिसरात गेल्या एक महिन्यापासून पिण्याच्या पाण्याची मोठी समस्या निर्माण झाली आहे. कल्याण-डोंबिवली महानगरपालिकेच्या प्रभाग क्र.114 मध्ये असणार्‍या भोपर...
Read More