कृष्णकुमार बनला चॅम्पियन, जनसुराज्य शक्ती श्री’च्या किताबावर नाव कोरले – eNavakal
क्रीडा महाराष्ट्र

कृष्णकुमार बनला चॅम्पियन, जनसुराज्य शक्ती श्री’च्या किताबावर नाव कोरले

 

वारणानगर- सहकारमहर्षी स्वर्गीय तात्यासाहेब कोरे यांच्या 23 व्या पुण्यस्मरणनिमित्त वारणानगर (ता. पन्हाळा) येथे आयोजित केलेल्या ‘वारणा शक्ती श्री कुस्ती महासंग्राम’ मैदानात प्रथम क्रमांकाच्या ‘जनसुराज्य शक्ती श्री’ किताबासाठी हिंदकेसरी पिद्दी आखाडाचे जास्सा पट्टी व हिंदकेसरी कृष्णकुमार (सोनपत) यांच्यात लढत झाली. या चुरशीच्या किताबी लढतीत कृष्णकुमारने गुणाधिक्यावर विजय मिळवित ‘जनसुराज्य शक्ती श्री’ किताबाला गवसणी घातली.  या किताबी लढतीत कृष्णकुमारने सुरुवातीला ताबा घेण्याचा प्रयत्न केला; पण तो असफल ठरला. जास्सा पट्टी हा घिस्सा डाव टाकण्याचा प्रयत्न करीत होता. दोघेही एकमेकांच्या ताकदीचा अंदाज घेत होते. अंत्यत अटीतटीच्या लढतीत जास्सा पट्टी हा कृष्णकुमारच्या पकडीतून दोन वेळा निसटला. पंचवीस मिनिटानंतर पंचांनी ही कुस्ती गुणावर करण्याचा निर्णय घेतला. यामध्ये सुरुवातीपासूनच आघाडीवर असलेल्या कृष्णकुमारने वर्चस्व गाजवून ‘जनसुराज्य शक्ती श्री’ किताबावर आपले नाव कोरले. दुसर्‍या क्रमांकासाठी वारणा साखर किताबासाठी झालेल्या लढतीत पंजाबचा भारत केसरी साबा व हिंदकेसरी जोगिंदरसिंग यांच्यात लढत झाली. दोघेही वेगवेगळे डाव खेळत होते. सुरुवातीला साबाने जोगिंदरवर ताबा घेतला होता; पण अवघ्या काही वेळेत हा ताबा सुटण्यासाठी त्याने प्रयत्न केला. ही कुस्ती खेळण्यास वेळ लागल्याने पंचानी पाच मिनिटांच्या वेळेत जो कुस्ती जिंकेल त्यांना विजय घोषित केले जाईल, असे सांगितले. एकाच डावावर अवघ्या काही मिनिटांत साबाने जोगिंदरला आस्मान दाखविले. साबा हा ‘वारणा साखर किताब’चा मानकरी ठरला. ‘तात्यासाहेब कोरे दूध-साखर वाहतूक’ किताबासाठी पुण्याचा किरण भगत विरुध्द दिल्लीचा अजय गुज्जर यांच्यात झालेल्या लढतीत सुरुवातीपासून अजर गुज्जर याने भगतवर ताबा घेतला होता. अवघ्या पाच मिनिटांत समोरून हप्ता मारल्याने किरण भगत हा चितपट झाला. त्यामध्ये अजय गुज्जरला ‘तात्यासाहेब कोरे दूध-साखर वाहतूक’ हा किताब देऊन सन्मानित केले. ‘वारणा दूध संघ शक्ती’ या किताबासाठी भगवंत केसरी माउली जमदाडे विरुध्द उत्तर प्रदेश केसरी गोपाल यादव यांच्यात लढत झाली. सुरुवातीस दोघे आक्रमक खेळ खेळत होते. माउली जमदाडे याने एकरी पटाने ताबा घेतला. गोपालने डकी डाव खेळण्याचा प्रयत्न केला; मात्र पुन्हा माउलीने घुटना डावावर नवदळ घिस्सा डावावर तेराव्या मिनिटांत गोपाल यादव यांना आस्मान दाखवून ‘वारणा दूध संघ शक्ती’ हा बहुमान पटकाविला.
‘वारणा ट्रकर ऊस वाहतूक किताब’साठी झालेल्या लढतीत महाराष्ट्र केसरी कोल्हापूरचा समाधान घोडके विरुद्ध कर्नाटक केसरी कार्तिक काटे यांच्यात लढत झाली. सुरुवातीपासून घोडके याने केसरीवर ताबा घेतला. दोन्ही मल्लांना वेळेचे भान ठेवून कुस्त्या करण्याच्या सूचना दिल्या. दोघांचीही धरपकड सुरू होती; मात्र कुस्ती खेळताना समाधान घोडके जखमी झाल्याने कार्तिक काटे यास पंचानी विजयी घोषित केले. कार्तिक हा ‘वारणा ट्रकर ऊस वाहतूक किताब’चा मानकरी ठरला. ‘वारणा बँक शक्ती’ किताबासाठी उपभारत बाला रफिक विरुध्द हरियाणा केसरी प्रवीण भोला यांच्यात दहा मिनिटे कुस्ती सुरू होती. सुरुवातीपासूनच बाला रफिक याने आपली पकड मजबूत केली होती. प्रवीण भोलाने घुटना डाव टाकत गेला आतून घुटना डावावर बाहेरून आकडी लावून विजय मिळवत ‘वारणा बँक शक्ती’ किताब हा पटकाविला.  ‘ईडीएफ मान इंडिया शक्तीr’ किताबासाठी उपमहाराष्ट्र केसरी नंदू आबदार विरुध्द राष्ट्रीय विजेता शिवराज राक्षे यांच्या लढतीत शिवराज राक्षे यांनी निकाल डावावर आस्मान दाखवून्ी ‘ईडीएफ मान इंडिया शक्ती’ किताब पटकाविला. ‘शेतीपूरक शक्तीr किताबा’साठी कौतुक डाफळे विरुद्ध राष्ट्रीय विजेता लवप्रित यांच्या लढतीत घुटना डावावर डाफळे यांनी चितपट करण्याचा प्रयत्न केला; मात्र डाफळे हा जखमी झाल्याने लवप्रित यास पंचानी विजय घोषित केले. लवप्रित यांना ‘शेतीपूरक शक्ती’ हा किताब देण्यात आला. ‘बिलट्युब शक्ती किताब’साठी योगेश बोंगाळे विरुध्द विलास डोईफोडे यांच्यात झोळे डावावर विलास डोईफोडेने विजय मिळविला. ‘दूध कामगार शक्ती’ किताबासाठी संग्राम पाटील विरुध्द विष्णू खोसे यांच्या लढतीत खोसे यांनी घुटना डावावर चितपट करून ‘दूध कामगार शक्ती’ हा किताब मिळविला.

 

Sharing is caring!

You may also like

Read More

post-image
देश

येडीयुरप्पा अडचणीत! मंत्री, आमदार नाराज

बंगळुरू – काँग्रेस, जनता दल (सेक्युलर) व अपक्ष आमदारांना फोडून, कुमारस्वामी सरकार पाडून कर्नाटकात सत्तेवर आलेल्या भाजपाच्या येडीयुरप्पा सरकारलाच आता आमदारांच्या बंडखोरीचा सामना करावा...
Read More
post-image
आघाडीच्या बातम्या महाराष्ट्र वाहतूक

मंगला एक्स्प्रेसचं इंजिन बिघडलं! मध्य रेल्वेचा आजही खोळंबा

ठाणे – सलग दुसऱ्या दिवशी मध्य रेल्वे खोळंबली असून प्रवाशांना प्रचंड मनस्ताप सहन करावा लागत आहे. टिटवाळा येथे मंगला एक्सप्रेसच्या इंजिनात बिघाड झाल्याने कसाऱ्याच्या...
Read More
post-image
आघाडीच्या बातम्या महाराष्ट्र

…तर पुन्हा विमा कंपन्यांविरोधात आंदोलन! उद्धव ठाकरेंचा दोन्ही सरकारना इशारा

मुंबई – महाराष्ट्रातील पूरसमस्या ओसरल्यावर शिवसेनेने महाराष्ट्रातील शेतकर्‍यांच्या पीक विमा प्रश्‍नावर पुन्हा लक्ष केंद्रीत केले आहे. शिवसेनेने जून महिन्यात शेतकर्‍यांच्या पीक विम्याचे पैसे न...
Read More
post-image
महाराष्ट्र राजकीय

संभाजी ब्रिगेडकडून विधानसभा उमेदवारांची पहिली यादी जाहीर

औरंगाबाद – राज्यात विधानसभा निवडणुकीची तयारी सुरू झाली आहे. यंदा संभाजी ब्रिगेड संघटनाही स्वबळावर विधानसभा निवडणूक लढवणार आहे. संभाजी ब्रिगेडचे प्रवक्ते डॉ. शिवानंद भानुसे यांनी,...
Read More
post-image
देश

जेट एअरवेजचे संस्थापक नरेश गोयल यांच्या घरावर, कार्यालयांवर ईडीचे छापे

नवी दिल्ली – दिवाळखोरीच्या प्रक्रियेतून जात असलेल्या जेट एअरवेजच्या दिल्ली आणि मुंबईतील कार्यालयांवर अंमलबजावणी संचालनालय (ईडी)ने छापेमारी केली आहे. तसेच जेट एअरवेजचे संस्थापक नरेश...
Read More