कर्नाटकातील राजकीय परिस्थितीवर पुढील सुनावणी मंगळवारी – eNavakal
आघाडीच्या बातम्या देश

कर्नाटकातील राजकीय परिस्थितीवर पुढील सुनावणी मंगळवारी

नवी दिल्ली – कर्नाटक सरकार सध्या प्रचंड संकटात आहे. काँग्रेस-जेडीएसच्या बंडखोर आमदारांनी दाखल केलेल्या याचिकेवर आणि विधानसभा अध्यक्षांच्या याचिकेवर आज सर्वोच्च न्यायालयात एकत्रित सुनावणी झाली. यावेळी मंगळवारपर्यंत विधानसभा उपसभापती रमेश कुमार यांनी बंडखोर आमदारांच्या राजीनाम्यावर आणि त्यांच्या अपात्रतेसंबंधी कोणताही निर्णय देऊ नये, असे आदेश सर्वोच्च न्यायालयाने दिले आहेत. येत्या मंगळवारी याप्रकरणावर पुढील सुनावणी होणार आहे. त्यामुळे आगामी चार दिवस कर्नाटकातील राजकीय स्थिती जैसे थे राहणार आहे.

आज झालेल्या सुनावणीत सरन्यायाधीश रंजन गोगोई यांच्या खंडपीठाने दोन्ही याचिकाकर्त्यांचे म्हणणे ऐकून घेतले. बंडखोर आमदारांचे वकील मुकूल रोहतगी यांनी विधानसभा अध्यक्ष जाणूनबुजून राजीनामे मंजूर करण्यात वेळ लावत असल्याचा दावा करत दहाही आमदारांचे राजीनामे मंजूर करण्याचे विधानसभा अध्यक्षांना आदेश द्या, अशी विनंती केली. तर विधानसभा अध्यक्ष रमेश कुमार यांच्यावतीने वकील अभिषेक मनू संघवी यांनी विधानसभा अध्यक्षांच्या विशेष अधिकाराबाबत बोलत राजीनाम्याचे समाधानकारक कारण दिल्याशिवाय विधानसभा अध्यक्ष राजीनामे मंजूर करू शकत नसल्याचे म्हटले. तसेच आमदारांना अपात्र ठरविण्याबाबतची याचिका आपल्याकडे आल्याने त्याबाबत निर्णय घेण्यासाठी अधिक वेळ देण्यात यावा, अशी विनंती विधानसभा अध्यक्षांनी न्यायालयाकडे केली. त्यावर आमदारांचा राजीनामा आणि अपात्रतेसंबंधीच्या याचिकेवर मंगळवारपर्यंत कोणताही निर्णय न घेण्याचा आदेश न्यायालयाने दिला. येत्या मंगळवारी याप्रकरणी पुढील सुनावणी होणार आहे.

 

Sharing is caring!

You may also like

Read More

post-image
निवडणूक महाराष्ट्र

राज्यात सायंकाळी पाच वाजेपर्यंत ५० टक्के मतदान

मुंबई – राज्यातील विधानसभेच्या २८८ जागांसाठी आज मतदान प्रक्रिया पार पडत आहे. सकाळी ७ वाजता मतदानास सुरुवात झाली असून सायंकाळी ६ वाजेपर्यंत ही प्रक्रिया...
Read More
post-image
महाराष्ट्र राजकीय

चंद्रकांत पाटलांची कोथरुड-कोल्हापुरात ये-जा

कोल्हापूर – भाजपाचे प्रदेशाध्यक्ष आणि कोथरुडचे उमेदवार चंद्रकात पाटलांनी आज कोथरुड आणि कोल्हापूरमध्ये ये-जा केली. सकाळी त्यांनी आपल्या मतदारसंघाचा आढावा घेतला आणि दिवसभर तिथेच थांबले....
Read More
post-image
मनोरंजन

माध्यमांची गर्दी पाहून जया बच्चन संतापल्या

मुंबई – बॉलिवूडचे शहेनशहा अभिताभ बच्चन यांनी सहकुटुंब मतदानाचा हक्क बजावला. यावेळी त्यांच्या पत्नी अभिनेत्री व खासदार जया बच्चन यांना प्रसिद्धी माध्यमांनी गराडा घालताच त्या...
Read More
post-image
आघाडीच्या बातम्या देश

आरेतील मेट्रो कारशेडला स्थगिती नाही

नवी दिल्ली – आरेतील वृक्षतोडीवर आज सर्वोच्च न्यायालयात सुनावणी झाली. यावेळी सर्वोच्च न्यायालयाने वृक्षतोडीवरील स्थगिती कायम ठेवली असून आरेतील किती झाडे तोडली आणि त्याबदल्यात...
Read More
post-image
महाराष्ट्र

गडचिरोलीत कडेकोट बंदोबस्तात मतदान प्रक्रिया पूर्ण

गडचिरोली – १३ व्या राज्य विधानसभेसाठी आज राज्यभरात मतदान प्रक्रिया पार पडत आहे. गडचिरोली जिल्ह्यातही आज सकाळी ७ वाजल्यापासून कडेकोट बंदोबस्तात मतदान सुरू झाले...
Read More