कर्नाटकचे राज्यपाल संघाचे स्वयंसेवक, काँग्रेसची टीका – eNavakal
News मुंबई राजकीय

कर्नाटकचे राज्यपाल संघाचे स्वयंसेवक, काँग्रेसची टीका

मुंबई – कर्नाटकचे विद्यमान राज्यपाल आजही संघ स्वयंसेवक म्हणून इमानेइतबारे कर्तव्य बजावत आहेत, अशी टीका आज काँग्रेसचे प्रदेशाध्यक्ष अशोक चव्हाण यांनी केली. काँग्रेसतर्फे आज देशभरात ‘लोकशाही वाचवा दिवस’ राबवण्यात आला. त्यानिमित्त एक दिवसीय धरणे आंदोलन करण्यात आले. त्यावेळी चव्हाण बोलत होते. भाजपच्या या असंविधानिक कृतीचा निषेध करण्यासाठी मुंबई काँग्रेसतर्फे अमर जवान ज्योतीजवळ हे आंदोलन करण्यात आले.
काँग्रेसचे प्रदेशाध्यक्ष अशोक चव्हाण यांनी भाजपाच्या बेदरकार राजकारणावर कठोर शब्दांत टीका केली. भाजपाने भारताची लोकशाही धोक्यात आणली असून सगळ्या राज्यांचे राज्यपाल देश चालवत आहेत असे  चित्र सध्या देशात आहे. गोवा, मणिपूर, मेघालय आणि आता कर्नाटकात राज्यपालांनी भाजपा पक्षश्रेष्ठींच्या दबावाखाली निर्णय घेतले आहेत. राजभवन हे सत्ताधार्यांचा अड्डा बनलेला आहे. सर्व सूत्र राजभवन वरुन हलत आहेत. पंतप्रधान नरेंद्र मोदी आणि पक्षाध्यक्ष अमित शाह ही जोडगोळी दबावतंत्र वापरून राज्यपालांना निर्णय घ्यायला भाग पाडते आहे. कर्नाटकचे राज्यपाल हे तर राष्ट्रीय स्वयंसेवक संघाचे कट्टर स्वयंसेवक होते आणि आजही आहेत, असा टोला यावेळी बोलताना चव्हाण यांनी मारला. आज ते महत्त्वाच्या घटनात्मक पदावर असल्याने स्वयंसेवकासारखे वागू शकत नाहीत. पण दुर्दैवाने ते तसे वागतायत, असे चव्हाण म्हणाले. नरेंद्र मोदिच्या गुजरात मंत्रिमंडळात ते होते. त्यांचे निकटवर्तीय म्हणून वाला यांची ख्याती आहे. त्यामुळेच बहुमत नसतानाही त्यांनी भाजपाच्या बाजूने निकाल दिला. निवडणूक झाली की आमदार पळवायचे, पैसे वाटायचे, फोडाफोडीचे राजकारण करायचे, पोलिसांचा दबाव आणायचा असले घाणेरडे राजकारण भाजपा पहिल्यापासून करत आली आहे. काँग्रेसने असे कधीही केलेले नाही, आम्ही नेहमी लोकांचा कौल ऐकला, लोकांच्या निर्णयाचे स्वागत केले, काँग्रेस नेहमी लोकांच्या बाजूने उभे राहिली. काँग्रेसने लोकशाहीचा नेहमी आदर केलेला आहे. कर्नाटकात उद्या काँग्रेस-निजद आघाडी बहुमत सिद्ध करेल असा आम्हाला पूर्ण विश्वास आहे, असे शेवटी चव्हाण म्हणाले.
या धरणे आंदोलनावेळी मुंबई काँग्रेसचे अध्यक्ष संजय निरुपम, माजी मंत्री सुरेश शेट्टी, माजी खासदार एकनाथ गायकवाड, माजी आमदार चरण सिंग सप्रा, आमदार भाई जगताप, उपस्थित होते.

Sharing is caring!

You may also like

Read More

post-image
अर्थ आघाडीच्या बातम्या देश

Budget 2020 : वाचा! नव्या अर्थसंकल्पातून कोणाला काय मिळाले?

नवी दिल्ली – २०२०-२१ सालचा अर्थसंकल्प केंद्रीय अर्थमंत्री निर्मला सीतारामन यांनी केला. या अर्थसंकल्पाचे वैशिष्ट्य म्हणजे कररचनेत करण्यात आलेला बदल. तसेच, शिक्षण, कृषी, आरोग्य,...
Read More
post-image
आघाडीच्या बातम्या

पुणे जिल्हा परिषद निवडणूक; अध्यक्षपदी राष्ट्रवादीच्या निर्मला पानसरे

पुणे – पुणे जिल्हा परिषदेच्या निवडणुकीत राष्ट्रवादीने  वर्चस्व कायम ठेवले आहे. जिल्हा परिषदेच्या अध्यक्षपदी राष्ट्रवादीच्या निर्मला पानसरे तर उपाध्यक्षपदी रणजित शिवतारे यांची निवड करण्यात...
Read More
post-image
आघाडीच्या बातम्या देश

देशात गरिबी, उपासमार, असमानता वाढली, एमपीआयचा धक्कादायक अहवाल

नवी दिल्ली – देशाचे सामाजिक वातावरण गढूळ झालेले असताना आणखी एक धक्कादायक माहिती समोर आली आहे. देशातील 22 ते 25 राज्य आणि केंद्रशासित प्रदेशात...
Read More
post-image
देश महाराष्ट्र राजकीय

भगतसिंह कोश्यारींकडे गोव्याच्या राज्यपालपदाचा अतिरिक्त पदभार

पणजी – महाराष्ट्राचे राज्यपाल भगतसिंह कोश्यारी यांच्याकडे गोव्याच्या राज्यपाल पदाचा अतिरिक्त ताबा सोपविण्यात आला आहे. गोवा राज्याचे विद्यमान राज्यपाल सत्यपाल मलिक यांची बदली झाल्याने...
Read More
post-image
देश

गुजरात सरकारचा मोठा निर्णय; पाच शहरात ७० मजली इमारती

गांधीनगर – गुजरात सरकारने दुबई आणि हॉंगकाँगप्रमाणे गुजरातच्या पाच शहरांमध्ये गगनचुंबी इमारती उभारण्याचे ठरविले आहे. गुजरातच्या गांधीनगर, अहमदाबाद, वडोदरा, राजकोट आणि सुरत या शहरांमध्ये...
Read More
post-image
आघाडीच्या बातम्या देश मुंबई

सलग तिसऱ्या दिवशी पेट्रोलच्या दरात वाढ

नवी दिल्ली – सार्वजनिक क्षेत्रातील तेल कंपन्यांकडून आज सलग तिसऱ्या दिवशी पेट्रोलच्या दरात वाढ करण्यात आली आहे. एकीकडे पेट्रोलच्या दरात वाढ होत असली तरी...
Read More
post-image
महाराष्ट्र राजकीय

खासदार ओमराजे निंबाळकर हल्ला प्रकरण! फरार झालेला आरोपी जेरबंद

उस्मानाबाद – विधानसभा निवडणुकीच्या प्रचारादरम्यान शिवसेना खासदार ओमराजे निंबाळकरवर यांच्यावर चाकू हल्ला करणारा आरोपी अजिंक्य टेकाळे हा अचानक पोलिसांच्या हातावर तुरी देऊन पळाला होता. त्यानंतर...
Read More
post-image
आघाडीच्या बातम्या देश राजकीय

केंद्रीय गृहमंत्री अमित शहा पुन्हा रुग्णालयात दाखल

नवी दिल्ली – केंद्रीय गृहमंत्री अमित शहा यांना पुन्हा रुग्णालयात दाखल करण्यात आले आहे. श्वसनाचा त्रास होत असल्याने शहांना सोमवारी रात्री एम्स रुग्णालयात दाखल...
Read More