ओएलएक्सवर विक्रीसाठी ठेवलेल्या कारचा अपहार करुन विक्री! सराईत गुन्हेगाराला अटक – eNavakal
News मुंबई

ओएलएक्सवर विक्रीसाठी ठेवलेल्या कारचा अपहार करुन विक्री! सराईत गुन्हेगाराला अटक

मुंबई-  ओलएलक्सवर विक्रीसाठी ठेवलेल्या कारचा अपहार करुन या कारची नंतर विक्री करुन फसवणुक करणार्‍या एका सराईत गुन्हेगाराला गुन्हे शाखेच्या अधिकार्‍यांनी अटक केली. मोहम्मद अय्याज अब्दुल अजीत सैय्यद असे या आरोपीचे नाव असून त्याच्या अटकेने पाच गुन्ह्यांची उकल करण्यात पोलिसांना यश आले आहे. अटकेनंतर त्याला पुढील चौकशीसाठी बांगुरनगर पोलिसांकडे सोपविण्यात आले आहे.
कार अपहार करुन फसवणुक करणार्‍या टोळीचे काही गुन्हेगार पवई परिसरात येणार असल्याची माहिती एपीआय सुनिल माने यांना मिळाली होती. या माहितीची शहानिशा करण्यासाठी वरिष्ठ पोलीस निरीक्षक सुनिल बाजारे यांच्या पथकातील मयेकर, सुनिल माने, साळुंखे, भोसले, नंदकुमार पवार, अशोक सावंत, सुनिल कांगणे, विनोद पदमन, आनंदा गेंगे, संतोष ओटे, संदीप पाटील, किरण जगदाळे यांनी पवई परिसरात साध्या वेशात पाळत ठेवून मोहम्मद अय्याज याला अटक केली.
पोलीस तपासात मोहम्मद अय्याज हा ओएलएक्सवर कार विक्रीसाठी जाहिरात देणार्‍या व्यक्तींना संपर्क साधून त्यांच्याकडून आपण कार खरेदी इच्छुक असल्याचे सांगत होता. त्यानंतर त्यांना कारच्या रक्कमेचा धनादेश देऊन त्यांच्याकडून कारसहीत कारचे कागदपत्रे घेऊन पळून जात होता. याच कारची नंतर तो विक्री करीत होता. गेल्या वर्षी त्याच्याविरुद्ध सहा गुन्ह्यांची नोंद झाली होती. या सहाही गुन्ह्यांत नंतर त्याला पोलिसांनी अटक केली होती. अलीकडेच तो जामिनावर बाहेर आला होता. जामिनावर बाहेर येताच त्याने गोरेगाव, ओशिवरा, एमआयडीसी, बांगुरनगर, उल्हासनगर पोलीस ठाण्याच्या हद्दीत अशाच प्रकारे काही गुन्हे केल्याचे पोलीस तपासात उघडकीस आले आहे.

Sharing is caring!

You may also like

Read More

post-image
महाराष्ट्र राजकीय

चंद्रकांत पाटलांची कोथरुड-कोल्हापुरात ये-जा

कोल्हापूर – भाजपाचे प्रदेशाध्यक्ष आणि कोथरुडचे उमेदवार चंद्रकात पाटलांनी आज कोथरुड आणि कोल्हापूरमध्ये ये-जा केली. सकाळी त्यांनी आपल्या मतदारसंघाचा आढावा घेतला आणि दिवसभर तिथेच थांबले....
Read More
post-image
मनोरंजन

माध्यमांची गर्दी पाहून जया बच्चन संतापल्या

मुंबई – बॉलिवूडचे शहेनशहा अभिताभ बच्चन यांनी सहकुटुंब मतदानाचा हक्क बजावला. यावेळी त्यांच्या पत्नी अभिनेत्री व खासदार जया बच्चन यांना प्रसिद्धी माध्यमांनी गराडा घालताच त्या...
Read More
post-image
निवडणूक महाराष्ट्र

राज्यात दुपारी चार वाजेपर्यंत सरासरी ४३.७०% मतदान

मुंबई – राज्यातील विधानसभेच्या २८८ जागांसाठी आणि सातारा लोकसभा मतदारसंघातील पोटनिवडणुकीसाठी आज मतदान प्रक्रिया पार पडत आहे. सकाळी ७ वाजता मतदानास सुरुवात झाली असून...
Read More
post-image
आघाडीच्या बातम्या देश

आरेतील मेट्रो कारशेडला स्थगिती नाही

नवी दिल्ली – आरेतील वृक्षतोडीवर आज सर्वोच्च न्यायालयात सुनावणी झाली. यावेळी सर्वोच्च न्यायालयाने वृक्षतोडीवरील स्थगिती कायम ठेवली असून आरेतील किती झाडे तोडली आणि त्याबदल्यात...
Read More
post-image
महाराष्ट्र

गडचिरोलीत कडेकोट बंदोबस्तात मतदान प्रक्रिया पूर्ण

गडचिरोली – १३ व्या राज्य विधानसभेसाठी आज राज्यभरात मतदान प्रक्रिया पार पडत आहे. गडचिरोली जिल्ह्यातही आज सकाळी ७ वाजल्यापासून कडेकोट बंदोबस्तात मतदान सुरू झाले...
Read More