ओएनजीसीचे हेलिकॉप्टर समुद्रात कोसळले, 4 जणांचा मृत्यू – eNavakal
अपघात मुंबई

ओएनजीसीचे हेलिकॉप्टर समुद्रात कोसळले, 4 जणांचा मृत्यू

मुंबई – जुहू येथून उड्डाण केलेले ओएनजीसीचे पवनहंस हेलिकॉप्टर सकाळी डहाणूजवळील समुद्रात कोसळले. या हेलिकॉप्टरमधून ओएनजीसीचे 5 कर्मचारी आणि 2 पायलट प्रवास करीत होते. यांपैकी 4 जणांचा मृत्यू झाला असून इतर तीन जणांचा शोध सुरु आहे. मृतांमध्ये व्ही. के. बाबू, जोस अँटोनी, पंकज गर्ग आणि पी. श्रीनिवासन यांना समावेश आहे.
हेलिकॉप्टर ओएनजीसीचे असल्याचे स्पष्ट झाले आहे. कंपनीने करार केल्याने पवनहंस हेलिकॉप्टर पाच ते सहा वर्षांपासून ओएनजीसीसोबत काम करत होते. जुहू येथून ओएनजीसीच्या ऑफशोर डेव्हलपमेंट एरियाकडे (ओडीए) निघालेल्या डाऊफिन एएस 365 एन3 या हेलिकॉप्टरचा सकाळी एअर ट्राफिक कन्ट्रोलशी संपर्क तुटल्याने ते समुद्रात कोसळल्याची भीती व्यक्त केली जात होती. काही काळाने हे हेलिकॉप्टर डहाणूच्या समुद्रात कोसळल्याचे समजले. त्यानंतर नौदल आणि तटरक्षकदलाकडून समुद्रात बचावकार्य सुरु केले.
ओेएनजीसीच्या 5 अधिकार्‍यांना घेऊन निघालेल्या या हेलिकॉप्टरने जुहू येथून सकाळी 10.20 वाजता उड्डाण केले. हे हेलिकॉप्टर मुंबईनजीक अरबी समुद्रातील ओएनजीसीच्या तळावर 10.58 वाजता पोहोचणे अपेक्षित होते. मात्र, ते अद्याप येथे पोहोचलेले नाही. मुंबईपासून समुद्रात 30 नॉटिकल माइल्स इतक्या अंतरावर गेल्यानंतर 10.30 वाजल्यापासून या हेलिकॉप्टरचा एअर ट्राफिक कन्ट्रोलशी संपर्क होऊ शकला नव्हता. मात्र, हे हेलिकॉप्टर डहाणूजवळ समुद्रात कोसळल्याचे समजले. या हेलिकॉप्टरचे अवशेष नौदलाला या ठिकाणी आढळून आले.
याप्रकरणी प्रतिक्रिया देताना केंद्रीय मंत्री धर्मेंद प्रधान म्हणाले, ‘नौदल आणि तटरक्षक दल आपले काम करीत असून त्यांच्या समन्वयासाठी मी मुंबईकडे निघालो आहे. संरक्षणमंत्री निर्मला सीतारामण यांच्यासोबत याप्रकरणी चर्चा झाली आहे. त्यांनी यात सहकार्याची भुमिका दाखवली असून नौदल आणि तटरक्षकदलाला यामध्ये पूर्णपणे सहकार्याचे आदेश दिले आहेत.’

 

Sharing is caring!

You may also like

Read More

post-image
अर्थ आघाडीच्या बातम्या देश

Budget 2020 : वाचा! नव्या अर्थसंकल्पातून कोणाला काय मिळाले?

नवी दिल्ली – २०२०-२१ सालचा अर्थसंकल्प केंद्रीय अर्थमंत्री निर्मला सीतारामन यांनी केला. या अर्थसंकल्पाचे वैशिष्ट्य म्हणजे कररचनेत करण्यात आलेला बदल. तसेच, शिक्षण, कृषी, आरोग्य,...
Read More
post-image
आघाडीच्या बातम्या

पुणे जिल्हा परिषद निवडणूक; अध्यक्षपदी राष्ट्रवादीच्या निर्मला पानसरे

पुणे – पुणे जिल्हा परिषदेच्या निवडणुकीत राष्ट्रवादीने  वर्चस्व कायम ठेवले आहे. जिल्हा परिषदेच्या अध्यक्षपदी राष्ट्रवादीच्या निर्मला पानसरे तर उपाध्यक्षपदी रणजित शिवतारे यांची निवड करण्यात...
Read More
post-image
आघाडीच्या बातम्या देश

देशात गरिबी, उपासमार, असमानता वाढली, एमपीआयचा धक्कादायक अहवाल

नवी दिल्ली – देशाचे सामाजिक वातावरण गढूळ झालेले असताना आणखी एक धक्कादायक माहिती समोर आली आहे. देशातील 22 ते 25 राज्य आणि केंद्रशासित प्रदेशात...
Read More
post-image
आघाडीच्या बातम्या महाराष्ट्र

‘सत्तेतील मोठ्या नेत्याने दाभोलकरांचे प्रकरण त्यावेळी दाबले’

मुंबई – अंधश्रद्धा निर्मुलन समितीचे संस्थापक डॉ.नरेंद्र दाभोलकर यांच्या हत्येला सात वर्ष पूर्ण झाल्यानंतरही त्यांच्या खुनाचा तपास लागलेला नाही. यावर वंचित बहुजन आघाडीचे नेते...
Read More
post-image
आघाडीच्या बातम्या देश महाराष्ट्र

चार सरकारी बँकांचे खासगीकरण, केंद्र सरकार हिस्सा विकणार

नवी दिल्ली – केंद्र सरकारने चार सरकारी बँकांचे खासगीकरण करण्याचा निर्णय घेतला आहे. त्यानुसार येत्या मार्चपर्यंत सरकार या बँकांमधील आपला हिस्सा खासगी गुंतवणूकदारांना विकून त्यातून...
Read More
post-image
महाराष्ट्र

मुसळधार पावसातच होणार श्रीगणेशाचे आगमन

मुंबई – तीन आठवड्यांपासून कोसळत असलेल्या पावसाचा जोर आणखी ४ ते ५ दिवस कायम राहील, असा अंदाज पुणे वेधशाळेने वर्तवला आहे. त्यामुळे उद्या शनिवारी...
Read More
post-image
महाराष्ट्र

एसटीने गडचिरोलीत येणाऱ्यांना 14 दिवस क्वारंटाईन बंधनकारक

गडचिरोली – जिल्ह्यातील कोरोनाची परिस्थिती लक्षात घेता परिवहन महामंडळाच्या बसने दुसऱ्या जिल्ह्यातून गडचिरोली जिल्ह्यात येणाऱ्या नागरिकांना 14 दिवस होम क्वारंटाईन राहावे लागेल, असे आदेश...
Read More
post-image
आघाडीच्या बातम्या मनोरंजन

ज्येष्ठ अभिनेते दिलीप कुमार यांच्या भावाचे कोरोनाने निधन

मुंबई – बॉलिवूड अभिनेते दिलीप कुमार यांचे भाऊ अस्लम खान (88) यांचे निधन झाले आहे. अस्लम खान यांना काही दिवसांपूर्वी कोरोनाची लागण झाली होती....
Read More