ऑनलाईन फसवणुक! नायजेरीयन पती-पत्नीसह रिक्षाचालकाला अटक – eNavakal
News गुन्हे मुंबई

ऑनलाईन फसवणुक! नायजेरीयन पती-पत्नीसह रिक्षाचालकाला अटक

मुंबई- सुमारे 74 लाख रुपयांच्या ऑनलाईन फसवणुकीप्रकरणी तिघांना शुक्रवारी सायबर सेल पोलिसांच्या एका विशेष पथकाने अटक केली. त्यात एका नायजेरीयन पती-पत्नीसह नवी मुंबईच्या रिक्षाचालकाचा समावेश असून अटकेनंतर या तिघांनाही येथील लोकल कोर्टाने 22 मार्चपर्यंत पोलीस कोठडी सुनावली आहे. आमरा ओबेसोग्यु, ख्रिस्ताबेल लिबेह आणि अशोक बोराडे अशी या तिघांची नावे असल्याचे पोलिसांनी सांगितले.
माहीम परिसरात 57 वर्षांची तक्रारदार महिला राहते. दोन वर्षांपूर्वी डिसेंबर महिन्यांत तिची डॉनल्ड टाँड या व्यक्तीशी ओळख झाली होती. त्याने तो अमेरिकन नागरिक असून मरिन इंजिनिअर असल्याची बतावणी केली होती. डिसेंबर 2017 ते 28 मे 2018 या कालावधीत ते दोघेही मेल, फेसबुक, मोबाईल आणि व्हॉटअपच्या माध्यमातून एकमेकांच्या परिचित होते. या दरम्यान त्याने त्यांचा विश्वास संपादन केला होता. तो काम करीत असलेल्या जहाजातील सोने, चांदी आणि विदेशी चलन असलेले पार्सल भारतीय कस्टम विभागाकडून सोडविण्यासाठी तसेच तिला वीस हजार पाऊंड देण्याचे आमिष दाखवून त्याने त्यांच्याकडून 74 लाख 20 हजार 150 रुपये घेतले होते, ही रक्कम त्यांनी डॉनल्ट याच्या सांगण्यावरुन विविध बँक खात्यात जमा केली होती. मात्र दिलेल्या मुदतीत त्याने सोने-चांदी आणि पैशांचे पार्सल तसेच वीस हजार पाऊंड तिच्या घरी पाठविले नव्हते. आपली फसवणुक झाल्याचे लक्षात येताच त्यांनी माहीम पोलीस ठाण्यात अज्ञात व्यक्तीविरुद्ध तक्रार केली होती. या तक्रारीची शहानिशा केल्यानंतर पोलिसांनी 419, 420, 34 भादवी सहकलम 66 (क), 66 (ड) आयटी कलमांतर्गत गुन्हा नोंदविला होता. या गुन्ह्यांचा तपास नंतर सायबर सेल पोलिसांकडे वर्ग करण्यात आला होता. हा तपास हाती येताच पोलिसांनी तपासाला सुरुवात केली होती. यावेळी पोलिसांना ही रक्कम तीस बॅक खात्यात जमा झाली होती. फसवणुकीच्या उद्देशानेच संबंधित बँक खाती उघडण्यात आली होती, तांत्रिक माहितीवरुन पोलिसांना नवी मुंबईतील न्हावाशेवा, उलवे परिसरातील काही रिक्षा आणि टॅक्सीचालक नायजेरीयन टोळीच्या संपर्कात असल्याचे समजले होते. या टोळीच्या मदतीने संबंधित फसवणुकीचा गुन्हा झाल्याचे तपासात निष्पन्न होताच पोलिसांनी अशोक बारोडे या रिक्षाचालकाला अटक केली होती. त्याच्या चौकशीत आमरा आणि ख्रिस्ताबेल या पती-पत्नीची नावे समोर आली. त्यानंतर या दोघांनाही पोलिसांनी अटक केली. तपासात अशा प्रकारे फसवणुक करणारी ही रेकॉर्डवरील टोळी असून या टोळीविरुद्ध पुणे शहरात अशाच काही गुन्ह्यांची नोंद आहे. या दोघांनी अशोकची याकामी मदत घेऊन त्याला काही रक्कम कमिशन म्हणून दिली होती. त्यांच्याकडून पोलिसांनी तेरा मोबाईल, एक मोडेम, एक राऊटर, एक डेटा कार्ड, एक लॅपटॉप, असा मुद्देमाल पोलिसांनी जप्त केला आहे. अटकेनंतर या तिघांनाही शनिवारी दुपारी येथील लोकल कोर्टात हजर करण्यात आले होते. यावेळी त्यांना शुक्रवारपर्यंत पोलीस कोठडी सुनावण्यात आली आहे.

Sharing is caring!

You may also like

Read More

post-image
अर्थ आघाडीच्या बातम्या देश

Budget 2020 : वाचा! नव्या अर्थसंकल्पातून कोणाला काय मिळाले?

नवी दिल्ली – २०२०-२१ सालचा अर्थसंकल्प केंद्रीय अर्थमंत्री निर्मला सीतारामन यांनी केला. या अर्थसंकल्पाचे वैशिष्ट्य म्हणजे कररचनेत करण्यात आलेला बदल. तसेच, शिक्षण, कृषी, आरोग्य,...
Read More
post-image
आघाडीच्या बातम्या

पुणे जिल्हा परिषद निवडणूक; अध्यक्षपदी राष्ट्रवादीच्या निर्मला पानसरे

पुणे – पुणे जिल्हा परिषदेच्या निवडणुकीत राष्ट्रवादीने  वर्चस्व कायम ठेवले आहे. जिल्हा परिषदेच्या अध्यक्षपदी राष्ट्रवादीच्या निर्मला पानसरे तर उपाध्यक्षपदी रणजित शिवतारे यांची निवड करण्यात...
Read More
post-image
आघाडीच्या बातम्या देश

देशात गरिबी, उपासमार, असमानता वाढली, एमपीआयचा धक्कादायक अहवाल

नवी दिल्ली – देशाचे सामाजिक वातावरण गढूळ झालेले असताना आणखी एक धक्कादायक माहिती समोर आली आहे. देशातील 22 ते 25 राज्य आणि केंद्रशासित प्रदेशात...
Read More
post-image
महाराष्ट्र

पिंपरी-चिंचवड महापालिकेच्या आणखी एका नगरसेविकेला कोरोना

पिंपरी- महापालिकेच्या प्रभाग क्रमांक 13 च्या नगरसेविका कमल घोलप यांची दोन दिवसांपूर्वी केलेली कोरोना चाचणी पॉझीटिव्ह (Corona Test)आली आहे. त्यांच्यासह त्यांचे पती, 9 वर्षाची पुतणी...
Read More
post-image
आघाडीच्या बातम्या महाराष्ट्र मुंबई

धारावीपाठोपाठ उत्तर मुंबईची कोरोनामुक्तीकडे वाटचाल, १८ विभागांत एकही नवा रुग्ण नाही

मुंबई –  उत्तर मुंबईत कोरोनाचा झपाट्याने फैलाव होत असल्यामुळे आरोग्य प्रशासनाने या भागातील कोरोनाला रोखण्यासाठी हाती घेतलेल्या कोरोनाचे शून्य रुग्ण मोहिमेला आता यश येताना...
Read More
post-image
अर्थ देश

पीएमसी बँकेच्या खातेदारांना दिलासा, आरबीआयची बँकेच्या पुनर्रचनेची ग्वाही

मुंबई – आर्थिक संकटात सापडलेल्या येस बँकेप्रमाणेच पंजाब अँड महाराष्ट्र बँकेचीही पुनर्रचा अवलंबली जाईल, अशी ग्वाही रिझर्व्ह बँकेचे गव्हर्नर शक्तिकांत दास यांनी दिली. त्यामुळे...
Read More
post-image
आघाडीच्या बातम्या महाराष्ट्र मुंबई

४ टक्के रुग्णांसाठी ९६ टक्के लोकांना वेठीस का धरता? पुण्यातील लॉकडाऊनवर बापट नाराज

पुणे – वाढत्या कोरोनाबाधित रुग्णांमुळे पुण्यात दहा दिवसांचा लॉकडाऊन जाहीर करण्यात आला आहे. मात्र पुण्यातील या लॉकडाऊनवर खासदार गिरीश बापट यांनी नाराजी व्यक्त केली...
Read More
post-image
आघाडीच्या बातम्या महाराष्ट्र मुंबई

RSS आणि अन्य संस्थांच्या मेहनतीमुळे धारावीत कोरोनावर नियंत्रण, नितेश राणेंचा दावा

मुंबई – रोज शंभरच्या आकड्यांनी वाढणारी धारावीत कोरोनाबाधितांची संख्या आता १ वर येऊन पोहोचली आहे. त्यामुळे धारावीसारख्या दाटीवाटीच्या परिसरात कोरोना नियंत्रणात आल्याने जागतिक आरोग्य...
Read More