एलईडीव्दारे पर्ससीन मासेमारी बंद करा, शुक्रवारी मुंबई बंदरावर हल्लाबोल – eNavakal
News आंदोलन मुंबई

एलईडीव्दारे पर्ससीन मासेमारी बंद करा, शुक्रवारी मुंबई बंदरावर हल्लाबोल

मुंबई – एलईडी लाईटव्दारे पर्ससीन नेटने मासेमारी करणार्‍यांवर केंद्र शासनाच्या कृषीमंत्रालयाने 10 नोव्हेंबर 2017 रोजी बंदीचे आदेश दिले असून महाराष्ट्रात मासेमारी खुलेआम सुरु आहे. मत्स्य व्यवसाय खात्याच्या अधिकार्‍यांना वारंवार तक्रारी करुन देखील कारवाई होत नाही. मत्स्यव्यवसाय खात्याच्या या हलगर्जीपणामुळे जाहीर निषेध करुन येत्या शुक्रवारी महाराष्ट्र मच्छिमार कृति समितीतर्फे ससून डॉक या मुंबई बंदरावर सकाळी 10 वाजता हल्लाबोल आंदोलन करण्यात येणार आहे.
एलईडी लाईटव्दारे पर्ससीन नेटने मासेमारी करणार्‍यांवर केंद्र शासनाच्या कृषीमंत्रालयाने 10 नोव्हेंबर 2017 रोजी बंदीचे आदेश दिल्यानंतर 0 ते 12 सागरी मैल व त्याच्यापुढे विशेष आर्थिक झोन (ईईझेड) क्षेत्रामध्ये कार्यवाही करुन एलईडी लाईट ईईझेड क्षेत्रामध्ये भारतीय तटरक्षक दलाची मदत घेवून त्वरीत कार्यवाही करण्याबाबत मत्स्यव्यवसाय विभागास कळविले असूनही महाराष्ट्रात वरील पद्धतीने खुलेआम मासेमारी सुरु आहे. मत्स्यव्यवसाय खात्याच्या अधिकार्‍यांना वारंवार तक्रारी करुन देखील त्यांच्यावर कारवाई न करता उलटपक्षी 5 जानेवारी 2018 रोजी परिपत्रक काढुन मच्छिमार सहकारी संस्थांवर कारवाईचा बडगा उचलल्याचे कळविले आहे. याबाबत संताप महाराष्ट्र मच्छिमार कृति समितीने व्यक्त केला असून अशाच प्रकारे मासेमारी सुरु राहिली तर मोठ्या प्रमाणावर मत्स्यसाठे नष्ट होतील आणि समुद्रात मासळी मिळणार नाही. त्यामुळे मच्छिमारांच्या रोजी – रोटीचा प्रश्न ऐरणीवर येवून उपासमारीची पाळी येईल अशी भीती महाराष्ट्र मच्छिमार कृति समितीने व्यक्त केली आहे. ह्यासंदर्भात 28 जानेवारी 2018 रोजी दापोलीतील हर्णे आणि 29 जानेवारी 2018 रोजी कुलाबा येथील कफपरेड येथे पार पडलेल्या जाहीर सभेत मोठा असंतोष निर्माण झाला असून मत्स्यव्यवसाय खात्यच्या हलगर्जीपणाच्या निषेधार्थ मुंबई बंदरावर हल्लाबोल आंदोलन महाराष्ट्र मच्छिमार कृति समितीवतीने आयोजित करण्यात आले आहे. या आंदोलनास या समितीचे अध्यक्ष लिओ कोलासो, चिटणीस मोरेश्वर वैती, उल्हास वाटकरे, सरचिटणीस किरण कोळी, कार्याध्यक्ष रामकृष्ण तांडेल, उपाध्यक्ष ज. स. तांबे, मोरेश्वर पाटील, अशोक नाईक, फिलीप गस्तान, अमजाद बोरकर, दिलीप घारे, खजिनदार रमेश मेहेरे, महिला संघटक जयकुमार भाय, ठा.पा. जिल्हा अध्यक्ष राजेंद्र मेहेरे, मुंबई जिल्हा उपाध्यक्ष परशुराम मेहेरे, म.सं.ठाणे पा.चे ज्योती मेहेर, म.सं.ठाणे, मुंबईचे उज्वला पाटील, म. रा. म. स.सं.चे रामदास संधे, ठाणे जि. म.म.स.सं.चे जयकुमार भाय आणि हर्णे बंदर संघर्ष समितीचे अध्यक्ष पी. एन. चौगुले, ससून डॉक खलाशी संघटनेचे अध्यक्ष विश्वनाथ म्हात्रे आणि कुलाबाम. सर्वो. सह. सो. कफपरेडचे जयेश भोईर, नॅशनल फिश. वर्कर्स फोरमचे अध्यक्ष नरेंद्र पाटील यांचा समावेश असणार आहे.

Sharing is caring!

You may also like

Read More

post-image
News आघाडीच्या बातम्या मुंबई

बेस्ट बोनसबाबत कोर्टात 22 ऑक्टोबरला पुढील सुनावणी

मुंबई – बेस्ट कर्मचार्‍यांमधील शिवसेनेची बेस्ट कामगार सेना आणि भाजपाची कामगार संघटना या दोन संघटनांनी वेतनवाढीबाबत बेस्ट प्रशासनाशी करार केला आहे. मात्र इतर संघटनांना...
Read More
post-image
News मुंबई

‘# मोदी परत जा!’ आता मराठीतून हॅश टॅग सुरू! महाराष्ट्रातूनही विरोध

मुंबई -राज्यात निवडणूक प्रचारांची रणधुमाळी सुरू असताना मात्र पंतप्रधान नरेंद्र मोदी यांच्या महाराष्ट्र दौर्‍याला अनेकांकडून विरोध होताना दिसत आहे. काल रविवारी सकाळपासून ट्विटरवर ‘#...
Read More
post-image
News देश

सोशल मीडियावरील अकाउंटना आधार लिंक करणे गरजेचे नाही

नवी दिल्ली- बॅँकेपासून ते मॅट्रिमोनियल साईट्सपयर्र्ंत सर्वत्र आधार कार्ड अत्यावश्यक करण्यात आले आहे. त्याप्रमाणे सोशल मीडिया अकाउंटनाही आधार लिंक करावे या मागणीसाठी दाखल झालेली...
Read More
post-image
News महाराष्ट्र

शाळेच्या परीक्षेची वेळ बदलून उस्मानाबादेत उद्धव ठाकरेंची सभा

उस्मानाबाद – शिवसेना पक्षप्रमुख उद्धव ठाकरे यांच्या उस्मानाबादमधील प्रचारसभेसाठी शाळेच्या परीक्षेची वेळ बदलल्याची धक्‍कादायक माहिती समोर आली आहे. एखाद्या राजकीय नेत्याच्या सभेसाठी विद्यार्थ्यांना वेठीस धरण्याचाच...
Read More
post-image
News मुंबई

मुंबईतील तीन वास्तूंना युनेस्कोचा पुरस्कार

पेनांग- मुंबईतील फ्लोरा फाउंटन, नेसेट एलियाहू सिनागॉग, आवर लेडी ऑफ ग्लोरी चर्च आणि अहमदाबादमधील विक्रम साराभाई लायब्ररी आणि इंडियन इंस्टिट्युट ऑफ मॅनेजमेंट अशा भारतातील...
Read More