एमआयडीसीच्या अग्निशमन दलात ‘एनओसी’साठी बड्या अधिकार्‍यांच्या संशयास्पद वारंवार बदल्या – eNavakal
News मुंबई

एमआयडीसीच्या अग्निशमन दलात ‘एनओसी’साठी बड्या अधिकार्‍यांच्या संशयास्पद वारंवार बदल्या

मुंबई – एमआयडीसी अग्निशमन विभागातील गैरकारभार दिवसेंदिवस वाढत आहे. अग्निशमन विभागातील अधिकारी यांची अग्निशमन नाहरकत प्रमाणपत्र (FIRE NOC) बाबत विशेष नियोजन करून त्यानुसार बदल्या करण्यात येतात. अधिकार्‍यांच्या वारंवार होणार्‍या बदल्या हे नाहरकत प्रमाणपत्रमधील होणार्‍या गैरकारभाराचा भाग आहे. अग्निशमन कर्मचारी वारंवार बदलीकरिता विनंती करीत आहेत. परंतु कर्मचार्‍यांच्या बदलीच्या अर्जाची दखल घेतली जात नाही. अधिकारी वर्गाची मात्र पद्धतशीरपणे मर्जीनुसार पाहिजे तेव्हा FIRE NOC मध्ये बाधा येऊ नये यासाठी बदली करण्यात येते.
मे 2017 मध्ये एकूण 18 अधिकार्‍यांची बदली प्रक्रिया पार पडली. त्यानंतर दोनच महिन्यांनी ऑगस्टमध्ये पुन्हा बदली केली. सप्टेंबर 2017 मध्ये परत 6 अधिकार्‍यांच्या बदल्या करण्यात आल्या. स्थानिक उद्योगांना नाहरकत प्रमाणपत्र देताना होणारा गैरव्यवहार हे या बदल्यांमागचे कारण आहे. आपल्या मर्जीतील अधिकार्‍यांना त्यांच्या सोयीनुसार बदली दिली जाते. त्या अधिकार्‍यांकडून आपल्या सोयीनुसार काम करून घेतले जाते. यामध्ये अग्निशमन एमआयडीसीतील वरपासून ते खालपर्यंत सर्वच अधिकारी गुंतलेले आहेत का? याची चौकशी झाली पाहिजे. स्थानिक अधिकार्‍यांच्यामार्फत सर्व काम पाहिले जाते. त्यामुळे बदलीसाठी पात्र नसतानादेखील फायर एनओसीसाठी अधिकार्‍यांची बदली केली जाते. परंतु त्याच विभागातील कर्मचार्‍यांच्या अडचणींकडे डोळेझाक केली जात असल्याने कर्मचार्‍यांची समस्या दिवसेंदिवस वाढत चालली आहे.
स्थानिक पातळीवरील अधिकारी ना – हरकत प्रमाणपत्राबाबत कसे काम करत आहेत, यावर विशेष लक्ष ठेवण्यासाठी अंधेरीतील मुख्यालय येथे बेकायदेशीररीत्या बर्‍याच वर्षांपासून काही कर्मचारी अधिकारी यांची नियुक्ती केली आहे. यांच्यामार्फतच पसंतीच्या ठिक़ाणी बदलीचा गैरकारभार नियंत्रित केला जातो. काही कर्मचारी अधिकारी यांची एमआयडीसीच्या अग्निशमन केंद्रात अधिकृत नियुक्ती केली असताना ते अधिकारी व कर्मचारी ना – हरकत प्रमाणपत्राच्या कामाकरिता दिवसभर मुख्यालयात असतात. हे अधिकारी कर्मचार्‍यांच्या बदली बाबतीत कमालीचे उदासीन आहेत. अधिकारी वर्गाची बदली पाहिजे तेथे होऊ शकते तर नियमानुसार कर्मचार्‍यांची बदली का होऊ शकत नाही, हा प्रश्न निर्माण झाला आहे. या बदल्यांवर नियंत्रण ठेवणे आवश्यक आहे.

Sharing is caring!

You may also like

Read More

post-image
News मुंबई

पुजार्‍यांना मंदिराच्या ट्रस्टी बनण्यापासून रोखता येणार नाही! हायकोर्टाचा निर्णय

मुंबई – राज्यातील मंदिरातील पुजारी तसेच अन्य काम करणार्‍या व्यक्तींची सेवा ही मंदिराच्या विरोधात नाही. त्यामुळे त्यांना मंदिराच्या विश्वस्त पदी नियुक्त करण्यापासून रोखता येणार...
Read More
post-image
News मुंबई

मुलाच्या शिक्षणाच्या झालेल्या भांडणातून पत्नीची हत्या! पती फरार

मुंबई – मुलाच्या शिक्षणावरुन झालेल्या भांडणातून एका 30 वर्षांच्या महिलेची तिच्याच पतीने गळा आवळून हत्या केल्याची घटना गोरेगाव परिसरात घडली. हत्येनंतर पतीने पत्नीने आत्महत्या...
Read More
post-image
News महाराष्ट्र मुंबई

पालिकेची वृक्षप्राधिकरण समिती स्थापन! ठाणे महापालिकेची न्यायालयात माहिती

मुंबई – ठाणे महापालिकेने वृक्ष प्राधिकरण समिती आणि त्या समितीवरील सदस्यांची नेमणूक ही नियमानुसार स्थापन करण्यात आल्याची माहिती ठाणे महा पालिकेने आज उच्च न्यायालयात...
Read More
post-image
News मुंबई

वांद्रे स्कायवॉक ऑडीटसाठी बंद! मुंबई महापालिकेची हायकोर्टात माहिती

मुंबई – लाखो प्रवाशांसाठी उभारण्यात आलेला वांद्रे स्थानकातील स्कायवॉकचे स्ट्रक्चरल ऑडीट करण्यात येणार आहे. त्यासाठी तो बंद ठेवण्यात आल्याचे प्रतिज्ञापत्र उच्च न्यायालयात सादर केले...
Read More
post-image
News आघाडीच्या बातम्या देश

भारताचे माजी अर्थमंत्री चिदंबरम्ना ड्रामाबाजीनंतर अटक

नवी दिल्ली-आयएनएक्स मीडिया प्रकरणी अंतरिम जामीन फेटाळल्यानंतर बेपत्ता असलेले भारताचे माजी अर्थमंत्री आणि कॉँग्रेसचे ज्येष्ठ नेते पी. चिदंबरम यांना अखेर आज रात्री मोठ्या ड्रामेबाजीनंतर...
Read More