उद्या पंतप्रधान मोदींचे उपोषण! केजरीवाल स्टाईल – eNavakal
News आंदोलन राजकीय

उद्या पंतप्रधान मोदींचे उपोषण! केजरीवाल स्टाईल

नवी दिल्ली – पंतप्रधान नरेेंद्र मोदी 300 खासदारांचे प्रचंड बहुमत घेऊन सत्तेवर आले. मात्र चारच वर्षांत त्यांना अत्यंत अल्प संख्या असलेल्या विरोधकांनी जेरीस आणले. या विरोधकांना कोणत्यातरी कारणाने बदनाम करण्याचा विचार करून पंतप्रधानांनी स्वत:च उपोषण करण्याचा निर्धार केला आहे. उद्या ते पंतप्रधान कार्यालयात बसून उपोषण करतील. त्यांचा उजवा हात असलेले भाजपा अध्यक्ष अमित शहा हे कर्नाटकात (हुबळी) येथे उपोषण आणि आंदोलन करतील तर भाजपा खासदार त्यांच्या मतदारसंघात उपोषणाला बसणार आहेत.

पंतप्रधान मोदींचे हे उपोषण ‘केजरीवाल स्टाईल’ उपोषण आहे. दिल्लीचे मुख्यमंत्री केजरीवाल यांनी सत्तेत असताना 2013 साली केंद्रातील सरकारविरोधात रस्त्यावर बसून उपोषण केले होते. त्यावेळी भाजपाने त्यांच्यावर प्रचंड टीका केली होती. भाजपाने म्हटले होते की, सत्तेत असून प्रशासन नीट चालविण्याऐवजी केजरीवाल उपोषणाला बसत आहेत. त्यांची आंदोलनाची सवय जात नाही. आता मात्र केंद्रातील सत्ता असूनही मोदी उपोषण करणार आहेत. मात्र आपले ते बाळ आणि दुसर्‍याचे ते कार्टे या न्यायाने पंतप्रधानांचे उपोषण योग्य ठरविण्याचा भाजपाचा आटापिटा सुरू आहे.
संसद अधिवेशनात विरोधकांनी गदारोळ घालून अधिवेशन चालू दिले नाही. केवळ 28 दिवस कामकाज झाले. विरोधकांनी अधिवेशन बंद पाडून वेळ वाया घालवला म्हणून मी उपोषण करून आत्मक्लेश करणार आहे, अशी पंतप्रधानांची भूमिका आहे. परंतु सत्ताधारी पक्षाची संसद सुरळीत चालू ठेवण्याची जबाबदारी असते. ही जबाबदारी पार पाडण्यात भाजपाला अपयश आले. यासाठी भाजपाने आत्मचिंतन केले पाहिजे.

दुसरी बाब म्हणजे जेव्हा काँग्रेस पक्ष सत्तेत होता आणि भाजपा विरोधात होता तेव्हा भाजपाने अशाच तर्‍हेने गदारोळ करीत संसद अधिवेशन बंद पाडले होते. त्यावेळी केवळ 33 तास कामकाज झाले होते. त्याबद्दल त्यांच्यावर टीका झाली तेव्हा अरुण जेटली म्हणाले की, सरकार ऐकत नसेल तर संसदेत जोरदार बाजू मांडणे हा आमचा हक्क आहे आणि तो आम्ही बजावणारच. आज स्वतःच्याच या भूमिकेच्या विरोधात भाजपा बोलू लागला आहे. उद्याच्या उपोषणावेळी काय घडते याकडे आता सर्वांचे लक्ष आहे.

Sharing is caring!

You may also like

Read More

post-image
अर्थ आघाडीच्या बातम्या देश

Budget 2020 : वाचा! नव्या अर्थसंकल्पातून कोणाला काय मिळाले?

नवी दिल्ली – २०२०-२१ सालचा अर्थसंकल्प केंद्रीय अर्थमंत्री निर्मला सीतारामन यांनी केला. या अर्थसंकल्पाचे वैशिष्ट्य म्हणजे कररचनेत करण्यात आलेला बदल. तसेच, शिक्षण, कृषी, आरोग्य,...
Read More
post-image
आघाडीच्या बातम्या

पुणे जिल्हा परिषद निवडणूक; अध्यक्षपदी राष्ट्रवादीच्या निर्मला पानसरे

पुणे – पुणे जिल्हा परिषदेच्या निवडणुकीत राष्ट्रवादीने  वर्चस्व कायम ठेवले आहे. जिल्हा परिषदेच्या अध्यक्षपदी राष्ट्रवादीच्या निर्मला पानसरे तर उपाध्यक्षपदी रणजित शिवतारे यांची निवड करण्यात...
Read More
post-image
आघाडीच्या बातम्या देश

देशात गरिबी, उपासमार, असमानता वाढली, एमपीआयचा धक्कादायक अहवाल

नवी दिल्ली – देशाचे सामाजिक वातावरण गढूळ झालेले असताना आणखी एक धक्कादायक माहिती समोर आली आहे. देशातील 22 ते 25 राज्य आणि केंद्रशासित प्रदेशात...
Read More
post-image
आघाडीच्या बातम्या महाराष्ट्र

जमावबंदीची ऐशीतैशी! सोलापूरमध्ये रथोत्सव, पोलिसांवर दगडफेक

सोलापूर – वाढत्या कोरोना विषाणूचा प्रादुर्भाव रोखण्यासाठी देशभर जमावबंदी, संचारबंदी लागू करण्यात आली आहे. लॉकडाऊनच्या काळात कोणीही घराबाहेर पडू नये, घरात राहून कोरोनाविरोधात सामना...
Read More
post-image
देश

नोएडातील रस्त्यांवर निमलष्करी दल तैनात

नोएडा – सर्व जिल्ह्यांच्या आणि राज्यांच्या सीमा बंद करण्याचे आदेश केंद्र सरकारकडून करण्यात आल्यानंतर उत्तर प्रदेशचे गौतम बुद्ध नगर जिल्ह्याच्या सीमा बंद करण्यात आल्या....
Read More
post-image
आघाडीच्या बातम्या महाराष्ट्र राजकीय

हे संकट लवकर संपणार नाही, येत्या काळात काटकसरीची सवय लावा – पवार

मुंबई – राष्ट्रवादी काँग्रेसचे सर्वेसर्वा शरद पवार यांनी आज फेसबुक लाईव्हच्या माध्यमातून जनतेशी संवाद साधला. यावेळी त्यांनी जनतेला ‘हे संकट लवकर संपणार नाही, मात्र...
Read More
post-image
अर्थ विदेश

येत्या काही दिवसांत वर्जिन अटलांटिक मागणार सरकारकडे मदत

नवी दिल्ली – कोरोना व्हायरसच्या प्रादुर्भावाने जगभरातील सर्वच व्यवहार ठप्प झाले आहेत. आंतरराष्ट्रीय विमानसेवाही या विषाणूमुळे देशोधडीला लागण्याची शक्यता आहे. म्हणूनच ब्रिटनची वर्जिन अटलांटिक...
Read More