इलेक्ट्रीक वाहनांसाठी ‘बेस्ट’च्या आगारात चार्जिंग पॉईंटचा घाट – eNavakal
News मुंबई वाहतूक

इलेक्ट्रीक वाहनांसाठी ‘बेस्ट’च्या आगारात चार्जिंग पॉईंटचा घाट

मुंबई – आर्थिक संकटात असलेल्या ‘बेस्ट’ला बाहेर काढण्यासाठी सर्वतोपरी प्रयत्न सुरू असतानाच आता बेस्टच्या आगारात खासगी इलेक्ट्रीक वाहनांसाठी चार्जिंगच्या पॉईंटचा घाट घालण्यात आला आहे. देशात इलेक्ट्रिक वाहने बनवणार्‍या महिंद्रा इलेक्ट्रीक, महिंद्रा ग्रुप यांच्याशी यासाठी राज्य सरकारने हातमिळवणी केली आहे. याचा पहिला टप्पा म्हणून बेस्ट आगारात महिंद्रा ग्रुपद्वारे इलेक्ट्रिक वाहनांकरीता चार्जिंग पाँईंट उभारण्यासाठी राज्य सरकारने बृहन्मुंबई इलेक्ट्रिक सप्लाय आणि ट्रान्सपोर्ट (बेस्ट) यांना विचारणा केली आहे. इलेक्ट्रिक वाहनांच्या पायाभूत सुविधेला प्रोत्साहन देण्यासाठी राज्य सरकार 31 मे रोजी एका कार्यक्रमात महिंद्रा ग्रुपसोबत या करारावर सही करणार आहे.
मुख्यमंत्री फडणवीस यांचे प्रधान सचिव प्रविण परदेशी म्हणाले की, बेस्ट आगारात चार्जिंग पॉईंट पुरविण्यासाठी आणि राज्य सरकारच्या पुढाकारांना पाठिंबा देण्यासाठी बेस्टचे महाव्यवस्थापक सुरेंद्र बागडे यांना सांगितले आहे. तर बागडे म्हणाले की, बेस्टने आधीच गोल्डस्टोन इंफ्राटेककडून सहा बसेस घेतल्या असून त्या चांगल्या आहेत. आणखी 80 इलेक्ट्रिक बसेसची ऑर्डर द्यायची होती, मात्र भाडेतत्वावरील बसच्या न्यायालयीन सुनावणीमुळे हा करार अडकल्याचे त्यांनी सांगितले. तसेच महिंद्रा ग्रुपने ज्यावेळी ई-टॅक्सी ही संकल्पना राबवण्यास सुरूवात केली तेव्हापासून आम्ही बेस्ट आगारात चार्जिंग पॉईंटची योजना राबवण्याचे ठरवले आहे. इलेक्ट्रिक चार्जिंग वाहनांमुळे शहरात शुन्य प्रदुषण होणार असून त्याचा फायदा प्रवाशांना आणि पादचार्‍यांना होणार असल्याचेही बागडे म्हणाले.
वाढत्या प्रदुषणावर मात करण्यासाठी ईलेक्ट्रिक कार, बस आणि टॅक्सी असण्यासाठी आम्ही राज्य सरकारसोबत काम करत असल्याचे महिंद्रा ग्रुपच्या एका वरिष्ठ अधिकार्‍याने सांगितले. राज्यातील वीज दर हा इतर राज्यांपेक्षा जास्त असून दिल्ली, कर्नाटक आणि तेलंगणा या राज्यांनी इलेक्ट्रिक वाहनांसाठी वेगळ्या विद्युत दरांची घोषणा केली आहे. तसेच राज्यात सध्याचा डिझेलचा खर्च किंचित कमी असून भविष्यात त्याला आणखी खाली येण्याची गरज असल्याचेही त्यांनी सांगितले. तर अतिरिक्त मुख्य सचिव सुनिल पोरवाल म्हणाले की, जेथे शक्य असेल तेथे इलेक्ट्रिक वाहनांसाठी आम्ही पायाभूत सुविधांना प्रोत्साहन देत आहोत. राज्य सरकारने पार्किंग लॉट, गृहनिर्माण संस्था, मॉल आणि चित्रपट गृहांमध्ये इलेक्ट्रिक वाहनांच्या चार्जिंग पॉईंटसाठी परवानगी दिली आहे.
दरम्यान, गेल्या आठवड्यात हैदराबादमध्ये पायलट इलेक्ट्रिक वाहन योजनेसाठी महिंद्रा इलेक्ट्रिकने कॅब र्व्हिसेस कंपनी मेरूशी करार केपला असून लवकरच या प्रकल्पाची इतर शहरांमध्ये पुनरावृत्ती करण्यात येणार आहे.

 

 

Sharing is caring!

You may also like

Read More

post-image
महाराष्ट्र

जीवनविद्या मिशनतर्फे वर्सोवा चौपाटीवर स्वच्छता अभियानाचे आयोजन

मुंबई – आज बृहन्मुंबई महानगरपालिकेच्या सहकार्याने जीवनविद्या मिशनतर्फे वर्सोवा चौपाटीवर स्वच्छता अभियानाचे आयोजन करण्यात आले आहे. आज सकाळी आठ ते दुपारी १२ या वेळेत...
Read More
post-image
महाराष्ट्र

वसई-विरारमध्ये मुसळधार; अनेक रस्ते पाण्याखाली

मुंबई – मुंबई उपनगरासह परिसरात रात्रीपासून पावसाने दमदार हजेरी लावली आहे. या पावसामुळे अनेक ठिकाणी पाणी साचण्यास सुरुवात झाली आहे. तर काही ठिकाणी वाहतूककोंडी होण्यासही...
Read More
post-image
मुंबई

आरेतील स्थानिक आदिवासी समाजातर्फे वृक्षपूजनाच्या कार्यक्रमाचे आयोजन

मुंबई – मेट्रो कारशेडसाठी आरेमधील वृक्षतोडीला मुंबईकरांकडून तीव्र विरोध होत आहे. सोशल मीडियावरून जनतेकडून प्रचंड रोष व्यक्त करण्यात येत आहे. आरेतील स्थानिक आदिवासी समाजातर्फे, मेट्रो...
Read More
post-image
महाराष्ट्र राजकीय

भाजपावासी झाल्यानंतर उदयनराजेंचे साताऱ्यात जंगी स्वागत

सातारा – राष्ट्रवादीचे खासदार उदयनराजे भोसले यांनी भाजपात प्रवेश केल्यानंतर ते साताऱ्यात परतल्यावर त्यांच्या समर्थकांकडून त्यांचे जंगी स्वागत करण्यात आले. भाजपावासी झालेल्या राजेंचे स्वागत...
Read More
post-image
आघाडीच्या बातम्या क्रीडा

आजपासून भारत विरुद्ध दक्षिण आफ्रिका टी-20 मालिकेला प्रारंभ

धर्मशाला – यजमान भारत विरुद्ध द. आफ्रिका संघातील तीन सामन्यांच्या टी-20 मालिकेला आज याठिकाणी पहिल्या सामन्याने प्रारंभ होणार आहे. पुढील वर्षी ऑस्ट्रेलियात टी-20 विश्वचषक स्पर्धा...
Read More