ऑस्ट्रेलियाचा पराभव करून इंग्लंड अंतिम फेरीत – eNavakal
News आघाडीच्या बातम्या क्रीडा विदेश

ऑस्ट्रेलियाचा पराभव करून इंग्लंड अंतिम फेरीत

लंडन – विश्वचषक क्रिकेट स्पर्धेतील उपांत्य फेरीच्या दुसर्‍या सामन्यात यजमान इंग्लंडने गतविजेत्या ऑस्ट्रेलियाचा 8 गडी राखून दणदणीत पराभव करून अंतिम फेरीत प्रवेश केला. या विजयाबरोबरच इंग्लंडने पहिल्या टप्प्यातील झालेल्या पराभवाचा बदलादेखिल घेतला. चौथ्यांदा या स्पर्धेची इंग्लंडने आता अंतिम फेरी गाठली आहे. रविवारी त्यांचा मुकाबला न्यूझीलंडशी होईल. त्यामुळे यंदा क्रिकेट विश्वाला नवा जगग्गेता मिळणार आहे. विजयासाठी 224 धावांचे छोटे लक्ष्य इंग्लंडसमोर होते. ते त्यांनी 33 व्या षटकांत सलामीची जोडी रॉय-बेअरस्टो यांचे बळी गमावून सहज पार केले. रॉयने 85 तर बेअरस्टोने 34 धावा केल्या. रूट 49, कर्णधार मॉर्गन 45 धावा काढून नाबाद राहिला.
यजमान इंग्लंडसमोर 224 धावांचे आव्हान ठेवले आहे. नाणेफेक जिंकून प्रथम फलंदाजी करणार्‍या ऑस्ट्रेलियाचा डाव 49 षटकांत अवघ्या 223 धावांत आटोपला. त्यांचा माजी कर्णधार स्मिथने काढलेल्या दमदार 85 धावांमुळे ऑस्ट्रेलियाला 200 धावांचा टप्पा गाठता आला. त्याला यष्टीरक्षक कॅरीने 46, मॅक्सवेलने 22 आणि स्टार्कने 29 धावा काढून चांगली साथ दिली. इंग्लंडतर्फे वेगवान गोलंदाज व्होक्सने 3 आणि फिरकी गोलंदाज राशीदने देखील 3 बळी घेतले. आर्चरला 2 तर वूडला 1 बळी मिळाला. स्मिथ दुर्दैवीरित्या धावचित झाल्यामुळे त्याचे शतक हुकले. तर कर्णधार फिंचला भोपळादेखिल फोडता आला नाही.

Sharing is caring!

Leave a Comment

Your email address will not be published.

You may also like

Read More

post-image
आघाडीच्या बातम्या महाराष्ट्र मुंबई

डोंगरीत ४ मजली इमारत कोसळली; तिघांचा मृत्यू

मुंबई – आज सकाळी साडे अकरा वाजताच्या सुमारास डोंगरी परिसरात एक निवासी इमारत कोसळली आणि अनेकांचे जीवन उद्ध्वस्त झाले. या इमारतीच्या ढिगाऱ्याखाली दडपून तिघांचा मृत्यू...
Read More
post-image
आघाडीच्या बातम्या महाराष्ट्र

रावसाहेब दानवेंचा राजीनामा! चंद्रकांत पाटील भाजपचे नवे प्रदेशाध्यक्ष

मुंबई – भाजपाचे प्रदेशाध्यक्ष रावसाहेब दानवे यांनी आपल्या पदाचा राजीनामा दिला आहे. विशेष म्हणजे त्यांच्या राजीनाम्यानंतर काही वेळातच चंद्रकांत पाटील यांची भाजपा प्रदेशाध्यक्षपदी निवड करण्यात...
Read More
post-image
आघाडीच्या बातम्या महाराष्ट्र

दहावी, बारावीच्या फेरपरीक्षा उद्यापासून सुरू

पुणे – महाराष्ट्र राज्य माध्यमिक व उच्च माध्यमिक शिक्षण मंडळातर्फे दहावी व बारावीच्या फेरपरीक्षा उद्या बुधवारपासून सुरू होणार आहेत. पुणे, नगर आणि सोलापूर जिल्ह्यात दहावीच्या...
Read More
post-image
महाराष्ट्र

औरंगाबादच्या विधी विद्यापीठासाठी कांचनवाडीतील वाल्मीची जमीन

मुंबई – औरंगाबादच्या राष्ट्रीय विधी विद्यापीठासाठी कांचनवाडी येथील वाल्मीची 33 एकर जमीन देण्याचा निर्णय राज्य मंत्रिमंडळाच्या बैठकीत घेण्यात आला. मुख्यमंत्र्यांच्या अध्यक्षतेखाली ही बैठक आज पार...
Read More
post-image
देश

पश्‍चिम बंगालमध्ये मुसळधार पावसाने जनजीवन विस्कळीत

कोलकाता – पश्‍चिम बंगालला गेल्या सहा दिवसांपासून मुसळधार पावसाने झोडपून काढले आहे. हिमालयात पडणाऱ्या मुसळधार पावसामुळे नदयांना पूर आला आहे. त्याचा तडाखा पश्‍चिम बंगालला बसला...
Read More