इंग्लंडचा विंडीजवर 8 गडी राखून दणदणीत विजय – eNavakal
News क्रीडा विदेश

इंग्लंडचा विंडीजवर 8 गडी राखून दणदणीत विजय

लंडन – विश्वचषक क्रिकेट स्पर्धेत यजमान इंग्लंडने आजच्या विंडीजविरुद्धच्या लढतीत 8 गडी राखून दणदणीत विजय मिळविला. विजयासाठी अवघे 213 धावांचे लक्ष्य इंग्लंडसमोर होते. ते त्यांनी 34 व्या षटकांत बेअरस्टो, वोक्सचे बळी गमावून सहज पार केले. शतकी खेळी करणारा सलामीवीर रुट अणि प्रत्येकी तीन बळी घेणारे आर्चर-वूड त्यांच्या विजयाचे शिल्पकार होते. शतकी खेळी करणारा रुट सामनावीर ठरला.
त्याअगोदर इंग्लिश कर्णधार मॉर्गनने नाणेफेक जिंकून विंडीजला प्रथम फलंदाजी दिली होती. गोलंदाजांनी सुरेख गोलंदाजी करून आपल्या कर्णधाराचा विश्वास सार्थ ठरविला. वेस्ट इंडिजचा संघ 44.4 षटकांत 212 धावांतच गारद झाला. त्यांची सुरुवातदेखील खराब झाली. सलामीवीर लुईस 2 धावा काढून माघारी परतला. त्यानंतर गेल आणि होपने दुसर्‍या विकेटसाठी अर्धशतकी भागीदारी करून त्यांचा डाव सावरण्याचा प्रयत्न केला.
ही जमलेली जोडी प्लंकेटने गेला 36 धावांवर बाद करून फोडली. गेलला 16 धावा असताना वूडकडून जीवदानदेखील मिळाले होते. पण त्याचा फायदा गेलला घेता आला नाही. त्यानंतर होपलादेखील मार्क वूडने 11 धावांवर माघारी पाठविले.
मग पुरण आणि हेटमेयरने चौथ्या विकेटसाठी 89 धावांची भागीदारी करून पुन्हा त्यांचा डाव सावरण्याचा प्रयत्न केला. हेटमेयरला रूटने 39 धावांवर बाद करून विंडीजला चौथा धक्का दिला.
हेटमेयरने 48 चेंडू खेळताना 4 चौकार मारले. त्यानंतर मात्र विंडीजची पुन्हा घसरगुंडी उडाली. कर्णधार होल्डर 9 आणि रसेल 21 धावा काढून बाद झाले. जम बसलेला पुरणला आर्चरने 63 डावांवर बाद केले. त्याने 78 चेंडू खेळताना 3 चौकार आणि 1 षटकार मारला.
आर्चरने पुरण आणि शेल्डनला बाद करून हॅट्ट्रिककडे वाटचाल केली होती. पण गॅब्रियलने आर्चरची हॅट्ट्रिक हुकवली. इंग्लंडतर्फे आर्चर आणि मार्क वूडने प्रत्येकी 3 बळी घेतले. तर रूटला 2 आणि वोकस, प्लंकेटला प्रत्येकी एक बळी मिळाला.

Sharing is caring!

Leave a Comment

Your email address will not be published.

You may also like

Read More

post-image
News महाराष्ट्र

कळंबोलीत बॉम्बसदृश्य वस्तू ठेवणारा संशयीत सीसीटीव्हीत कैद

नवी मुंबई- कळंबोलीमध्ये सापडलेल्या बॉम्बसदृष्य वस्तूचा काल मध्यरात्री रोडपाली परिसरामध्ये स्फोट घडविण्यात आला. सिमेंटच्या बॉक्समध्ये सापडलेल्या सर्व वस्तू तपासणीसाठी प्रयोगशाळेत पाठविण्यात आल्या आहेत. शाळेसमोर बॉम्बसदृष्य...
Read More
post-image
News देश

केंद्राने 15 भ्रष्ट आणि कामचुकार अधिकार्‍यांना दाखवला घरचा रस्ता

नवी दिल्ली-  मोदी सरकारच्या कामकाजाला सुरुवात होऊन अजून एक महिना झालेला नाही. तोच सरकारने कडक निर्णय घेण्यास सुरुवात केली आहे. आयकर विभागानंतर केंद्र सरकारने...
Read More
post-image
आघाडीच्या बातम्या मुंबई

अर्थसंकल्प सादर! अटल बिहारी वाजपेयींचे स्मारक मुंबईत उभारणार

मुंबई – आज पावसाळी अधिवेशनाच्या दुसऱ्या दिवशी मुख्यमंत्री देवेंद्र फडणवीस यांच्या नेतृत्वाखालील सरकारचा शेवटचा अतिरिक्‍त अर्थसंकल्प विधिमंडळात सादर करण्यात आला. विधानसभेत अर्थमंत्री सुधीर मुनगंटीवार,...
Read More
post-image
देश

अनिल अंबानीच्या कंपनीवर चिनी बँकांचे अब्जावधीचे कर्ज

मुंबई – उद्योगपती मुकेश अंबानी हे आशिया खंडातील सर्वात श्रीमंत व्यक्‍ती आहेत. तर त्यांचा धाकटा भाऊ उद्योगपती अनिल अंबानी हे भारतातील सर्वात कर्जबाजारी उद्योगपती...
Read More
post-image
देश

‘चमकी’चे १०० हून अधिक बळी! कशामुळे होतो हा आजार?

नवी दिल्ली – एक्यूट इंसेफेलाइटिस सिंड्रोम अर्थात चमकी तापामुळे बिहारमध्ये आतापर्यंत १०० हून अधिक मुलांचा मृत्यू झाला आहे. तर या तापाच्या रुग्णांची संख्याही झपाट्याने...
Read More