आमदार प्रशांत ठाकूर फसवतात का? – eNavakal
News महाराष्ट्र मुंबई

आमदार प्रशांत ठाकूर फसवतात का?

मुंबई – उरण, पनवेल, बेलापूरच्या जमिनी विकासासाठी शासनाने घेतल्या आणि विस्थापितांना बीएमटीसी परिवहनमध्ये मोबदला म्हणून नोकर्‍या दिल्या. मात्र सिडकोने ही बससेवा बंद करून या विस्थापितांना अक्षरशः वार्‍यावर सोडले आहे. आता भाजपात गेलेले आमदार प्रशांत ठाकूर हेही त्यांना फसविणार असेच चित्र आहे. उद्या मुख्यमंत्री देवेंद्र फडणवीस हे पनवेल येथे येणार असून त्यांचे उद्घाटन, भूमिपूजन आणि गणेश नाईक यांचा पक्षप्रवेश असे दमदार कार्यक्रम आहेत. पण त्यांच्याच भाजपाचे प्रशांत ठाकूर हे जाहीर सभेत प्रकल्पग्रस्तांना आचारसंहितेपूर्वी न्याय देण्याची घोषणा करतात आणि प्रत्यक्षात अद्यापही त्याबाबत काहीही निर्णय झालेला नाही. याची मुख्यमंत्र्यांना माहिती आहे का? असा सवाल आहे.
भाजपाचे आमदार म्हणून निवडून येण्यापूर्वी प्रशांत ठाकूर हे प्रकल्पग्रस्तांचा लढा लढत होते. त्यांच्या प्रतिनिधींसह सिडको अध्यक्षांकडे जाऊन भरपाईची मागणी करीत होते. मात्र आमदार बनून सिडकोचेच अध्यक्षपद मिळाल्यावर त्यांनी प्रकल्पग्रस्तांची हेटाळणी सुरू केली आहे. या विषयावर एक बैठक घेऊन त्यांच्या भरपाईच्या निर्णयाची अंमलबजावणीचा निर्णय घेणे हे सिडकोचे अध्यक्ष म्हणून त्यांना सहज शक्य आहे. पण अद्याप त्यांनी एकही बैठक बोलावलेली नाही. ते केवळ भुलथापा मारत असून प्रकल्पग्रस्तांचा मानसिक छळ करीत आहेत. उरण, पनवेल भागात इतरही शासकीय प्रकल्प येत आहेत. त्यांच्या प्रकल्पग्रस्तांचीही अशीच फसवणूक आमदार प्रशांत ठाकूर करतील हे लक्षात घेऊन पूर्ण मोबदला हातात मिळाल्याशिवाय इंचभरही जागा सोडू नका अशीच चर्चा या परिसरात रंगली आहे.

Sharing is caring!

You may also like

Read More

post-image
अर्थ आघाडीच्या बातम्या देश

Budget 2020 : वाचा! नव्या अर्थसंकल्पातून कोणाला काय मिळाले?

नवी दिल्ली – २०२०-२१ सालचा अर्थसंकल्प केंद्रीय अर्थमंत्री निर्मला सीतारामन यांनी केला. या अर्थसंकल्पाचे वैशिष्ट्य म्हणजे कररचनेत करण्यात आलेला बदल. तसेच, शिक्षण, कृषी, आरोग्य,...
Read More
post-image
आघाडीच्या बातम्या

पुणे जिल्हा परिषद निवडणूक; अध्यक्षपदी राष्ट्रवादीच्या निर्मला पानसरे

पुणे – पुणे जिल्हा परिषदेच्या निवडणुकीत राष्ट्रवादीने  वर्चस्व कायम ठेवले आहे. जिल्हा परिषदेच्या अध्यक्षपदी राष्ट्रवादीच्या निर्मला पानसरे तर उपाध्यक्षपदी रणजित शिवतारे यांची निवड करण्यात...
Read More
post-image
आघाडीच्या बातम्या देश

देशात गरिबी, उपासमार, असमानता वाढली, एमपीआयचा धक्कादायक अहवाल

नवी दिल्ली – देशाचे सामाजिक वातावरण गढूळ झालेले असताना आणखी एक धक्कादायक माहिती समोर आली आहे. देशातील 22 ते 25 राज्य आणि केंद्रशासित प्रदेशात...
Read More
post-image
मुंबई

मरकजला गेलेल्यांनी संपर्क केला नाहीतर कारवाई करू – मुंबई मनपा

मुंबई – राजधानी दिल्लीत तबलिगी मकरजला जे गेले होते, त्यांनी ताबडतोब मुंबई महापालिकेशी १९१६ या क्रमांकावर संपर्क साधावा आणि आपल्या प्रवासाची माहिती द्यावी, असे...
Read More
post-image
महाराष्ट्र

अंबरनाथमध्ये कोरोनाचा पहिला बळी

ठाणे – जिल्ह्यातील अंबरनाथमध्ये सापडलेल्या पहिल्या रुग्णाचा आज मृत्यू झाला. त्याच्यावर मुंबईतील भाभा रुग्णालयात उपचार सुरु होते. अंबरनाथमधील बुवापाडा परिसरातील व्यक्तीला कोरोनाची लागण झाल्याचे...
Read More
post-image
देश

मुंबईतही ‘ऑनलाईन लग्न’ वऱ्हाडी मंडळीही उपस्थित

मुंबई – लॉकडाऊन असताना आता मुंबईतही एका तरुणाचा ऑनलाईन लग्न सोहळा पार पडला. विशेष म्हणजे या लग्न सोहळ्यात दोन्ही बाजूची वऱ्हाडी मंडळी सहभागी झाली...
Read More
post-image
विदेश

इक्वाडोरच्या गल्लीत पडली 150 प्रेते, लोक त्यांच्याजवळ जायलाही घाबरतात

क्विटो – कोरोनाच्या महामारीने जगातील 200 देशांना विळखा घातला आहे. अमेरिकेपाठोपाठ लॅटिन अमेरिकेतील इक्वाडोर या लहानशा देशातही कोरोनाने थैमान घातले आहे. या देशातील गुयाक्विल...
Read More
post-image
विदेश

कोरोनाचा राग मोबाईल यंत्रणेवर

बर्मिंघम – करोनाच्या वाढत्या संसर्गाप्रमाणे काही देशांना सोशल मीडियातून फैलावणाऱ्या फेक न्यूजचा सामना करावा लागत आहे. सोशल मीडियातून करण्यात येणाऱ्या विविध दाव्यांमुळे प्रशासकीय यंत्रणांसमोर आव्हान...
Read More