मुख्यमंत्र्यांच्या खोटेपणाचा निषेध करण्यासाठी आज मुंबईत निदर्शने – eNavakal
आघाडीच्या बातम्या आंदोलन मुंबई

मुख्यमंत्र्यांच्या खोटेपणाचा निषेध करण्यासाठी आज मुंबईत निदर्शने

मुंबई- रत्नागिरीतील नाणार रिफायनरी प्रकल्पाला भाजपा वगळता सर्वच राजकीय पक्षांनी विरोध केला आहे. ‘नाणार’ वरून गेले चार दिवस विधिमंडळाचे कामकाज रोखून धरण्यात आले आहे. मात्र तरीही मुख्यमंत्री खोटे बोलत आहेत. त्यांच्या या खोटेपणाचा निषेध म्हणून आज दादर (पूर्व) येथील रेल्वे स्थानकाबाहेर दुपारी 3 ते 5 या वेळेत निषेध आंदोलन करण्यात येणार असल्याचा इशारा कोकण रिफायनरी प्रकल्प विरोधी संघर्ष संघटनेने दिला आहे. या आंदोलनात सर्वपक्षीय नेत्यांसह कार्यकर्तेही सहभागी होणार असल्याचे संघटनेचे अध्यक्ष अशोक वालम यांनी सांगितले.

काल परळ येथील शिरोडकर शाळेत कोकण रिफायनरी प्रकल्प विरोधी संघर्ष संघटनेची बैठक पार पडली. यावेळी हा निर्णय घेण्यात आला. यावेळी बोलताना अध्यक्ष अशोक वालम म्हणाले की, माहिती अधिकारात सहमती दिलेल्या खातेदारांची नावे उघड झालेली असताना देखील विधानपरिषदेत मुख्यमंत्र्यांनी नावे सांगण्यास जीवितास धोका या कारणाखाली नकार दिला. जैन, शाह, मोदी, भुतडा आदी लोकांची नावे ते कुठल्या तोंडाने घेणार होते, अशी टीकाही त्यांनी केली. रत्नगिरी जिल्ह्यातील प्रस्तावित रिफायनरी संदर्भातच सौदीच्या अरामको व अबुधाबीच्या अ‍ॅडनोक या कंपनीशी करार झाल्याचे प्रस्तुत कंपनीच्या वेबसाईटवरून स्पष्ट होते, तरीही करार वेस्ट कोस्टसाठी झाला असल्याचे धादांत खोटे विधान, विधानपरिषदेत मुख्यमंत्र्यांनी केले.

मुख्यमंत्री म्हणाले की, ग्रामस्थांशी चर्चा सुरु आहे, चर्चा आणि सहमतीने प्रश्न सोडवू. मात्र अशी कुठलीही चर्चा सुरु नाही आणि आम्हाला कुठलीही चर्चा करायची नाही. भूसंपादनाचा अध्यादेश आम्हाला तात्काळ रद्द करून पाहिजे. मुख्यमंत्री प्रकल्प लादणार नाही असे म्हणताना करार मात्र होतच आहेत. आम्हाला कसलेही प्रेझेन्टेशन बघायचे नाही. आम्ही आमची गाव, घरे, देवस्थाने, बागायती सोडणार नाही. रिफायनरीला विरोध प्रखर करू, असा इशाराच वालम यांनी या सभेवेळी दिला.

Sharing is caring!

You may also like

Read More

post-image
आघाडीच्या बातम्या देश

#MeToo एम.जे.अकबरांचा प्रिया रमाणी विरोधात खटला

दिल्ली – # MeToo परराष्ट्र राज्यमंत्री एम. जे. अकबर यांनी पत्रकार प्रिया रमाणी यांच्याविरोधात मानहानीचा दावा दाखल केला आहे.  दिल्ली येथील पटीयाला हाऊस न्यायालयामध्ये त्यांनी...
Read More
post-image
महाराष्ट्र

दृष्काळाच्या मुद्दयावरून राष्ट्रवादी आक्रमक पालकमत्र्यांना दाखविले काळे झेंडे

नाशिक – दुष्काळाच्या प्रश्नावर राष्ट्रवादी कॉग्रेस पक्ष चांगलाच आक्रमक झाला आहे. पालकमंत्री गिरिष महाजन आज दुष्काळ पाहणीसाठी सटाणा दौऱ्यावर आले असता राष्ट्रवादीच्या संतप्त पदाधिकाऱ्यांनी...
Read More
post-image
आघाडीच्या बातम्या मुंबई

पुढील वर्षीच्या गणेशोत्सवाची तयारी सुरू, लालबाग राजासाठी समिती स्थापन

मुंबई- मुंबईतील प्रसिद्ध अशा लालबागचा राजा गणेश मंडळावर आता सरकारची नजर राहणार आहे. धर्मादाय आयुक्तांनी लालबागच्या राजासाठी समिती स्थापन केली आहे. गणेशोत्सवाच्या आठ दिवस...
Read More
post-image
आघाडीच्या बातम्या व्हिडीओ

(व्हिडीओ)अव्नीचे ठसे सापडले; तिला मारून भुसा भरतील?

Sharing is caring!FacebookPinterestTwitterGoogle+ Related posts: कसा आहे तुमचा आजचा दिवस ? (२२-०७-२०१८) कसा आहे तुमचा आजचा दिवस ? (०९-०८-२०१८) जगातील महागड्या घरांबद्दल माहित आहे...
Read More
post-image
आघाडीच्या बातम्या महाराष्ट्र

नाना पाटेकर यांच्याविरोधात पहिला जबाब नोंदविणार

मुंबई – अभिनेत्री तनुश्री दत्ता आणि ज्येष्ठ अभिनेते नाना पाटेकर यांच्यातील वाद चिघळला असताना या प्रकरणी मुंबई पोलिस सोमवारी प्रमुख साक्षीदार डेजी शाह हिचा...
Read More