आंतरराष्ट्रीय विमानतळाजवळील 30 खोल्यांचे अनधिकृत हॉटेल तोडले – eNavakal
News मुंबई

आंतरराष्ट्रीय विमानतळाजवळील 30 खोल्यांचे अनधिकृत हॉटेल तोडले

मुंबई- छत्रपती शिवाजी महाराज आंतरराष्ट्रीय विमानतळापासून हाकेच्या अंतरावर गेल्या काही महिन्यांपासून एक अनधिकृत बांधकाम उभे राहत होते. 30 खोल्या
असणार्‍या व 10 हजार चौरस फुटांपेक्षा अधिक आकार असणार्‍या या बांधकामाचा वापर निवासी हॉटेल पद्धतीने होण्याची शक्यता होती, मात्र विमानतळाजवळ अशा प्रकारे अनधिकृत बांधकाम असणे हे सुरक्षेच्या दृष्टीने धोकादायक होते. हे लक्षात घेत पालिकेच्या परिमंडळ-3चे उपायुक्त आनंद वागराळकर यांच्या मार्गदर्शनानुसार त्या बांधकामावर तोडकाम कारवाई सुरू करण्यात आली, मात्र ते बांधकाम करणार्‍यांनी बाऊन्सर आणून पालिकेच्या पथकाचा रस्ता अडविला. त्यानंतर मुंबई पोलीस दलाचे उपायुक्त सुनील कुंभारे यांनी विशेष सहकार्य करीत पालिकेच्या पथकाला आणि कार्यवाहीला संरक्षण देण्यासाठी पोलिसांचा फौजफाटा तत्काळ पाठविला. यानंतर अवघ्या 12 तासांत पालिकेच्या पथकाने ते तीन मजली बांधकाम जमीनदोस्त केले, तर कार्यवाहीला विरोध करणार्‍यांवर गुन्हा दाखल करण्यासह दोन इसमांना अटकही झाली, अशी माहिती के-पूर्व विभागाचे सहाय्यक आयुक्त प्रशांत सपकाळे यांनी दिली आहे.

अंधेरी पूर्वमध्ये मुंबई आंतरराष्ट्रीय विमानतळाजवळ असणार्‍या ‘सहार व्हिलेज’ परिसरातील सुतार पाखाडी भागात नगर भूमापन क्रमांक 129 (पॉइंट) व 130 (पॉइंट) या भूखंडावर तीन मजली इमारत अनधिकृतपणे बांधण्यात येत होती. या भूखंडावर गेल्या 7 महिन्यांपासून सुरू असलेल्या अनधिकृत बांधकामाबाबत मुंबई पालिकेद्वारे एमएमआरडीएला वेळोवेळी कळविण्यात आले होते, तथापि काही दिवसांपूर्वी एमएमआरडीएच्या स्थानिक अधिकार्‍यांनी सदर सीटीएस क्रमांक हा त्यांच्या अखत्यारित येत नसल्याचे व सदर बाबत पालिकेद्वारे कारवाई करण्याचे कळविले. त्यानंतर पालिकेद्वारे सदर बांधकामास स्टॉप वर्क नोटीस देण्यात आली. तसेच न्यायालयात कॅव्हेटदेखील दाखल करण्यात आले.

Sharing is caring!

You may also like

Read More

post-image
महाराष्ट्र

राज्य शासन नेहमी शेतकऱ्यांच्या पाठीशी – महादेव जानकर

नांदेड – उत्पन्न वाढीसाठी शेतीसह जोड व्यवसाय केल्यास शेतकऱ्यांसह तरुणांना रोजगार मिळण्यास मदत होईल. यासाठी राज्य शासन नेहमी शेतकऱ्यांच्या पाठीशी असेल, असे प्रतिपादन राज्याचे पशुसंवर्धन,...
Read More
post-image
महाराष्ट्र

दुष्काळाबाबत लवकरच जीआर काढणार – मुख्यमंत्री

मुंबई – ३१ ऑक्टोबरनंतर राज्यातील तब्बल 179 जिल्ह्यांमध्ये दुष्काळ जाहीर करणार, असे महसूल मंत्री चंद्रकांत पाटील यांनी रविवारी जाहीर केले. त्यानंतर सोमवारी मुख्यमंत्री देवेंद्र...
Read More
post-image
क्रीडा

ही आहे धोनीची नवी स्टाईल

नवी दिल्ली – भारत विरुध्द वेस्टइंडीज यांच्यातील पहिला सामना रविवारी खेळण्यात आला, त्यादरम्यान टीम इंडियाचा माजी कप्तान महेंद्रसिंग धोनी याने स्वत:चे काही फोटो सोशल...
Read More
post-image
आघाडीच्या बातम्या मुंबई

फेरीवाला धोरणाची काटेकोर अमंलबजावणी करा – राज ठाकरे

मुंबई – मुंबईमध्ये अनधिकृत फेरीवाल्यांचा प्रश्न ऐरणीवर आला असून  फेरीवाला धोरणाची आणि त्यातल्या नियमाची काटेकोर अमंलबजावणी करण्याची मागणी मनसेच्यावतीने करण्यात आली आहे. अन्यथा महाराष्ट्र...
Read More
post-image
लेख

अभिनेत्री अश्विनी एकबोटे यांना भावपूर्ण श्रद्धांजली

आज प्रसिद्ध नाट्य-सिने अभिनेत्री आणि नृत्यांगना अश्विनी एकबोटे यांची पुण्यतिथी. त्यांचा जन्म २२ मार्च १९७२ साली झाला. अश्विनी एकबोटे माहेरच्या अश्विनी काटकर, त्यांनी बालपणी नंदनवन...
Read More