अभियंत्याच्या घरी पालघर नगर परिषदेचे कागदपत्र – eNavakal
महाराष्ट्र

अभियंत्याच्या घरी पालघर नगर परिषदेचे कागदपत्र

पालघर – पालघर नगर परिषदेचा भ्रष्ट कारभार चव्हाट्यावर आला आहे. या नगर परिषदेकडे बांधकाम परवानगीसाठी दाखल झालेली शेकडो प्रकरणे आणि त्यांची कागदपत्रे बदली झालेल्या एका अभियंत्याच्या घरात सापडल्याने मोठी खळबळ उडाली आहे. या अभियंत्याच्या घरी ठेकेदार, विकासक, वास्तुविशारद बांधकाम परवानग्या घेण्यासाठी उपस्थित असताना त्यांना काही नगरसेवकांनी रंगेहाथ पकडल्याने हा कारभार उघडकीस आला. भालचंद्र क्षीरसागर असे या अभियंत्याचे नाव असून तो आपल्या कार्यकाळातील तारखांनुसार संबंधित बांधकाम प्रकरणे हाताळत असल्याचे समजले. याप्रकरणी पालघर पोलीस ठाण्यात तक्रार दाखल करण्याची प्रक्रिया सुरू असून चौकशी करून दोषींवर कारवाई करण्यात येईल, असे पालघर मुख्याधिकारी प्रशांत ठोंबरे यांनी म्हटले आहे.

क्षीरसागर यांची तीन महिन्यांपूर्वी इतरत्र बदली झाल्यानंतरही ते अधूनमधून पालघरमध्ये येत असत. पालघर नगरपरिषदेच्या हद्दीबाहेर माहीम ग्रामपंचायतीमध्ये ‘कांचन पारिजात’ नावाची इमारत आहे. या इमारतीतील एक घर नगर परिषदेत पूर्वी कार्यरत असलेले अभियंता भालचंद्र क्षीरसागर यांच्या ताब्यात आहे. त्यांच्या या घरात नगर परिषदेच्या शेकडो फाईल, महत्त्वाचे दस्तावेज, शिक्के आणि तेथील संगणकामध्ये महत्त्वपूर्ण माहिती असून क्षीरसागर जुन्या प्रकरणांना त्यांच्या कार्यकाळातील तारीख टाकून परवानगी देत असल्याची माहिती मिळाल्यानंतर विरोधी पक्षनेते भावानंद संखे, नगरसेवक अमोल पाटील, अरुण माने हे गुरुवारी सायंकाळी अचानक त्यांच्या घरी आले. त्यावेळी तिथे काही वास्तुविशारद, विकासक आणि ठेकेदार आपल्या प्रलंबित प्रकरणांविषयी चर्चा करत असल्याचे त्यांना आढळले. तसेच पालघर शहरातील गेल्या तीन-चार वर्षांतील महत्त्वाच्या बांधकाम प्रकल्पांची कागदपत्रे आणि जून २०१९ मधील बांधकाम परवानगीसंदर्भातील महत्त्वपूर्ण दस्तावेजही तेथे आढळले. यात पंतप्रधान आवास योजनेअंतर्गत दाखल केलेल्या प्रकरणांचा समावेश असून काही गहाळ केलेली कागदपत्रे आणि फायलीही सापडल्याचा दावा करण्यात येत आहे.

पालघर नगर परिषदेच्या कार्यालयात मुबलक जागा असताना विकासकांची अडवणूक करून पैसे उकलण्याच्या हेतूने महत्त्वपूर्ण दस्तावेज कार्यालयाबाहेर नेण्यात आल्याचा आरोप नगरसेवक आणि नगराध्यक्षांनी केला आहे. तर हा कारभार बदली झालेला अभियंता, मुख्याधिकारी आणि काही नगरसेवकांच्या संगनमताने केला जात असल्याचे आरोपही होत आहेत.

Sharing is caring!

You may also like

Read More

post-image
निवडणूक महाराष्ट्र

राज्यात सायंकाळी पाच वाजेपर्यंत ५० टक्के मतदान

मुंबई – राज्यातील विधानसभेच्या २८८ जागांसाठी आज मतदान प्रक्रिया पार पडत आहे. सकाळी ७ वाजता मतदानास सुरुवात झाली असून सायंकाळी ६ वाजेपर्यंत ही प्रक्रिया...
Read More
post-image
महाराष्ट्र राजकीय

चंद्रकांत पाटलांची कोथरुड-कोल्हापुरात ये-जा

कोल्हापूर – भाजपाचे प्रदेशाध्यक्ष आणि कोथरुडचे उमेदवार चंद्रकात पाटलांनी आज कोथरुड आणि कोल्हापूरमध्ये ये-जा केली. सकाळी त्यांनी आपल्या मतदारसंघाचा आढावा घेतला आणि दिवसभर तिथेच थांबले....
Read More
post-image
मनोरंजन

माध्यमांची गर्दी पाहून जया बच्चन संतापल्या

मुंबई – बॉलिवूडचे शहेनशहा अभिताभ बच्चन यांनी सहकुटुंब मतदानाचा हक्क बजावला. यावेळी त्यांच्या पत्नी अभिनेत्री व खासदार जया बच्चन यांना प्रसिद्धी माध्यमांनी गराडा घालताच त्या...
Read More
post-image
आघाडीच्या बातम्या देश

आरेतील मेट्रो कारशेडला स्थगिती नाही

नवी दिल्ली – आरेतील वृक्षतोडीवर आज सर्वोच्च न्यायालयात सुनावणी झाली. यावेळी सर्वोच्च न्यायालयाने वृक्षतोडीवरील स्थगिती कायम ठेवली असून आरेतील किती झाडे तोडली आणि त्याबदल्यात...
Read More
post-image
महाराष्ट्र

गडचिरोलीत कडेकोट बंदोबस्तात मतदान प्रक्रिया पूर्ण

गडचिरोली – १३ व्या राज्य विधानसभेसाठी आज राज्यभरात मतदान प्रक्रिया पार पडत आहे. गडचिरोली जिल्ह्यातही आज सकाळी ७ वाजल्यापासून कडेकोट बंदोबस्तात मतदान सुरू झाले...
Read More