(अपडेट) #KisanKrantiYatra पोलिसांकडून शेतकऱ्यांवर लाठीचार; ३० शेतकरी जखमी – eNavakal
आघाडीच्या बातम्या आंदोलन देश

(अपडेट) #KisanKrantiYatra पोलिसांकडून शेतकऱ्यांवर लाठीचार; ३० शेतकरी जखमी

नवी दिल्ली – भारतीय किसान युनिअनने (बीकेयू) पुकारलेली ‘किसान क्रांती पदयात्रा’ आज दिल्ली-उत्तरप्रदेशच्या सीमेवर पोहोचली आहे. या पदयात्रेत हजारो शेतकरी सहभागी झाले आहेत. शेतकरी राजधानी दिल्लीत दाखल होत असल्याने कायदा सुव्यवस्थेचा प्रश्न निर्माण होण्याची शक्यता आहे. यामुळे पूर्व आणि उत्तर दिल्लीत १४४ जमावबंदी कलम लागू करण्यात आले आहे.

दिल्लीत मोठा पोलीस बंदोबस्त ठेवण्यात आला असून पोलिसांसोबत आरपीएफ, पॅरामिलिटरी फोर्स तैनात करण्यात आली आहे. शेतकरी आंदोलकांना पांगवण्यासाठी पोलिसांनी जोरदार मारा केला. शेतकऱ्यांना थांबवण्यासाठी आंदोलनकर्त्यांवर पोलिसांकडून अश्रू धुराचा वापर करण्यात येत आहे. त्यानंतरही शेतकऱ्यांनी आंदोलन सुरूच ठेवल्याने त्यांच्यावर लाठीमार करण्यात आला. त्यात काही आंदोलक रक्तबंबाळ झाले असून शेतकऱ्यांमध्ये संतापाची लाट पसरली आहे. त्यामुळे राजधानी दिल्लीत वातावरण तापले आहे.

२३ सप्टेंबरपासून उत्तराखंड येथून केंद्र सरकारच्या शेतकरी धोरणाविरोधात किसान क्रांती पदयात्रा काढण्यात आली आहे. त्याची सांगता आज दिल्लीत होणार आहे. या पदयात्रेत हजारो शेतकरी सहभागी झाले आहेत. मात्र ही पदयात्रा रोखण्यासाठी दिल्लीच्या सीमा बंद करण्यात आल्या आहेत. ही पदयात्रा दिल्लीच्या वेशीवरती रोखण्यात आली आहे. पोलिसांनी मोर्चकऱ्यांना थांबवण्यासाठी दिल्ली-मेरठ महामार्गावरील गाजीपूर सीमेवरील अनेक रस्ते बंद केले आहेत. या महामार्गावर वाहनांच्या लांबलचक रांगा लागलेल्या आहेत. या सर्व परिस्थितीवर दिल्ली पोलीस लक्ष ठेवून आहेत.

आंदोलनकर्त्यां शेतकऱ्यांच्या मागण्या 

60 वर्षांवरील शेतकऱ्यांना निवृत्तीवेतन द्यावे, पंतप्रधान पीक विमा योजनेत बदल करण्यात यावा, ऊस उत्पादक शेतकऱ्यांना लवकर देय रक्कम द्यावी, शेतकऱ्यांना कर्जमाफी देण्यात यावी, सिंचनासाठी मोफत वीजपुरवठा करण्यात यावा, किसान क्रेडिट कार्डवर व्याजमुक्त कर्ज मिळावे, भटक्या जनावरांपासून शेतीचे रक्षण करण्यासाठी व्यवस्था करावी, सर्व पिकांची पूर्णपणे खरेदी व्हावी, स्वामिनाथन समितीचा अहवाल स्वीकारण्यात यावा, उसाची देय रक्कम मिळण्यास उशीर झाल्यास त्यावर व्याज मिळावे या शेतकऱ्यांच्या मागण्या आहेत.

Sharing is caring!

You may also like

Read More

post-image
मनोरंजन

बिग बींच्या नातीचं न्यूयॉर्कच्या रस्त्यावर वर्कआऊट

नवी दिल्ली – बॉलिवूडचे महानायक अमिताभ बच्चन यांची नात नव्या नवेली नंदा ही तिच्या फिटनेसमुळे बरीच चर्चेत असते. बॉलिवूडमध्ये कधी पदार्पण करणार असा प्रश्न...
Read More
post-image
आघाडीच्या बातम्या देश

वाहन परवान्यासाठी आता शैक्षणिक अट नाही

नवी दिल्ली – वाहन चालविण्याचा परवाना (लायसन्स) मिळवण्यासाठी किमान शैक्षणिक पात्रतेची अट काढून टाकण्याचा निर्णय केंद्रीय रस्ते वाहतूक मंत्रालयाने घेतला आहे. त्यामुळे यापुढे वयाची...
Read More
post-image
महाराष्ट्र शिक्षण

अकरावीची ऑनलाईन प्रवेश प्रक्रिया आजपासून सुरू

मुंबई – इयत्ता अकरावीच्या ऑनलाईन प्रवेशाला आजपासून सुरुवात झाली आहे. बायफोकल वगळता इतर शाखांसाठी अर्ज भरण्याची प्रक्रिया २९ जूनपर्यंत सुरू राहणार असून पहिली गुणवत्ता...
Read More
post-image
आघाडीच्या बातम्या मनोरंजन

बिग बॉस मराठी २ : आज रंगणार ‘एक डाव धोबीपछाड’

मुंबई – कलर्स मराठीवरील बिग बॉस मराठी सिझन २ चा चौथा आठवडा सुरु झाला असून आज बिग बॉसच्या घरामध्ये रंगणार आहे साप्ताहिक कार्य ‘एक...
Read More
post-image
आघाडीच्या बातम्या देश

लोकसभा अध्यक्षपदी ओम बिर्लांची बिनविरोध निवड

नवी दिल्ली – भाजपा नेते आणि राजस्थानच्या कोटाचे खासदार ओम बिर्ला यांची लोकसभा अध्यक्षपदी बिनविरोध निवड करण्यात आली आहे. ५७ वर्षीय बिर्ला यांनी आठवेळा खासदार राहिलेल्या...
Read More