अनिल अंबानींच्या कंपन्यांनी 10,000 कोटी डुबविले – eNavakal
News मुंबई

अनिल अंबानींच्या कंपन्यांनी 10,000 कोटी डुबविले

मुंबई – अनिल अंबानी यांच्या कंपन्यांवर कर्जाचा मोठा डोंगर उभा राहिला असून, त्यांच्या मालकीच्या दोन कंपन्यांनी विविध बँका आणि कंपन्यांचे किमान 10,000 कोटी रुपये डुबविल्याचे उघडकीस आले आहे. त्यामुळे कंपनी कायदा न्यायाधिकरणाने त्यांच्या रिलायन्स कम्युनिकेशन कंपनीविरुद्ध दिवाळखोरीची कारवाई सुरू केली आहे. तर विजया बँकेने रिलायन्स नेव्हल अँड डिफेन्स इंजिनीअरिंगवर 9000 कोटींच्या थकबाकीची कारवाई सुरू केली आहे.
कधीकाळी टेलिफोन क्षेत्रात आघाडीवर असणार्‍या रिलायन्स कम्युनिकेशन कंपनीने आपले 1150 कोटीचे देणे डुबविल्याचा आरोप करीत स्वीडनच्या एरिक्सन कंपनीने त्याविरुद्ध दाखल केलेल्या तीन याचिका कंपनी कायदा न्यायधिकारणाने आज स्वीकारल्या आहेत. त्यामुळे रिलायन्स कम्युनिकेशन कंपनीच्या दिवाळखोरीच्या प्रक्रियेला सुरुवात झाली आहे. या कंपनीवर चीन बँकेसह देशातील 31 बँकांचे 45,000 कोटी रुपयांचे कर्ज आहे. आज झालेल्या या घडामोडीमुळे कंपनीचे शेअर्स 15 % नी घसरले आहेत.
तसेच अनिल अंबानींच्या रिलायन्स नेव्हल अँड डिफेन्स इंजिनीअरिंग या कंपनीने सुद्धा आयडीबीआय बँकेच्या समूहातून 24 पेक्षा जास्त बँकांचे सुमारे 9,000 कोटी रुपयांचे कर्ज घेतले आहे. यामध्ये बहुतांशी बँका या सरकारी बँका आहेत. दरम्यान कंपनी सुमारे 1000 कोटी रुपयांच्या तोट्यात आहे. मार्चच्या तिमाहीत कंपनीकडून परतफेडीची रक्कम भरलेली नाही. त्यामुळे आरबीआयच्या निर्देशानुसार विजया बँकेने कंपनीचे खाते एनपीएमध्ये वर्ग केले असून थकबाकीच्या वसुलीची पुढील कारवाई सुरु केली आहे.

Sharing is caring!

You may also like

Read More

post-image
आघाडीच्या बातम्या मनोरंजन

#MeToo भूषण कुमारांविरुद्ध लैंगिक शोषणाची तक्रार दाखल

मुंबई – ‘मीटू’ मोहिमेअंतर्गत देशात अनेक प्रतिष्ठित व्यक्तींची नावे समोर आली. यात टी-सीरीजचे मालक भूषण कुमार यांचाही समावेश आहे. त्यांच्याविरोधात आता मुंबईच्या ओशिवारा पोलीस...
Read More
post-image
महाराष्ट्र

मीरारोड येथे ३ सफाई कामगारांचा गुदमरून मृत्यू

मीरारोड – मीरा-भाईंदर महापालिकेच्या मलनि:सारण व शुद्धीकरण केंद्रातील सेप्टिक टँकची सफाई करत असताना मीरारोड येथील तीन मजुरांचा गुदमरून मृत्यू झाल्याची घटना घडली. मुजफ्फर मोहलिक...
Read More
post-image
आघाडीच्या बातम्या देश

जेट एअरवेज बचावाची आशा, मात्र एतिहादच्या कठोर अटी

मुंबई – आर्थिक अडचणींमुळे डबघाईला येऊन बंद पडण्याच्या वाटेवर असलेल्या जेट एअरवेजला एतिहाद एअरलाईनच्या नव्या प्रस्तावामुळे जिवंत राहण्याची आशा निर्माण झाली आहे. एतिहाद एअरलाईन ही...
Read More
post-image
आघाडीच्या बातम्या देश न्यायालय

राज्यात डान्सबार पुन्हा सुरू होणार

मुंबई – राज्यभरात डान्सबार पुन्हा सुरू करावे, असा निकाल सर्वोच्च न्यायालयाने दिला आहे. न्यायालयाने साडेपाच तास डान्सबार सुरू ठेवण्याची परवानगी दिली आहे. तसेच डान्सबारमध्ये...
Read More
post-image
गुन्हे देश

नवापूरच्या अल्पवयीन मुलीवर गुजरातमध्ये अत्याचार

नंदुरबार – नवापूर येथील अल्पवयीन मुलीवर तिघांकडून अत्याचार झाल्याची संतापजनक घटना घडली आहे. या तीन आरोपींवर नवापूर पोलीस ठाण्यात गुन्हा दाखल करण्यात आला आहे. पीडित...
Read More