अदानीने विकत घेतली रिलायन्स वीज कंपनी 1452 कोटींची थकबाकी कोण अदा करणार? – eNavakal
देश

अदानीने विकत घेतली रिलायन्स वीज कंपनी 1452 कोटींची थकबाकी कोण अदा करणार?

मुबई- मेसर्स रिलायन्स एनर्जी या अनिल अंबानींच्या कंपनीने ग्राहकांकडून वापरलेल्या विजेच्या आकारावरती विद्युत शुल्क आणि वापरलेल्या युनिट वरील वीज कर ग्राहकांकडून वसूल करून शासनाच्या खात्यांमध्ये रु. 1452 कोटी रक्कम जमा केली नाही. गौतम अदानी यांनी रिलायन्स वीज कंपनी विकत घेतली असून, आता ही थकबाकी कोण अदा करणार? याबाबत अद्यापि कोणतीही स्पष्टता नाही. ऑक्टोबर 2016 ते ऑक्टोबर 2017 या 13 महिन्यांची 1451,69,15,200/- इतकी रक्कम थकविली असल्याची धक्कादायक माहिती शासनाच्या विद्युत निरीक्षकांनी आरटीआय कार्यकर्ते अनिल गलगली यांस कळविली आहे.
आरटीआय कार्यकर्ते अनिल गलगली यांनी महाराष्ट्र शासनाकडे मेसर्स रिलायन्स एनर्जी कंपनीने विद्युत शुल्क आणि वीज करांची शिल्लक रक्कम बाबत माहिती विचारली होती. सांताक्रूझ निरीक्षण विभागाचे विद्युत निरीक्षक मिनाक्षी वाठोरे यांनी अनिल गलगली यांस कळविले की त्यांच्या कार्यालयामध्ये विद्युत करशाखा माहे जून 2017 पासून कार्यान्वित झाली आहे. जून 2017 या महिन्याची रु. 103,85,87,500/- रक्कम विद्युत शुल्क आणि रु. 14,14,58,200/- इतकी कर रक्कम हे 31 जुलै पर्यंत 2017 अदा केली नाही त्यानंतर जुलै, ऑगस्ट, सप्टेंबर आणि ऑक्टोबर 2017 या 4 महिन्यांची रु. 419,10,84,100/- इतकी रक्कम विद्युत शुल्क, रु. 43,14,99,900/- टॉस (0.15 पैसे ) आणि रु. 11,24,23,800/- ग्रीन सेस (0.08 पैसे) अशी एकूण रु. 473,50,07,800/- रक्कम अदा केली नाही. एकंदरीत जून 2017 ते ऑक्टोबर 2017 या 5 महिन्यांची 591,50,53,500/- इतकी रक्कम थकविली गेली आहे. मुंबई सेंट्रल येथील विद्युत निरीक्षक, मुंबई निरीक्षण विभागाने अनिल गलगली यांस कळविले की ऑक्टोबर 2016 ते मे 2017 या 8 महिन्यांची रु. 860,18,61,700/- इतकी रक्कम अदा केली नाही.
अनिल गलगली यांनी मुख्यमंत्री देवेंद्र फडणवीस यांस पत्र पाठवून मेसर्स रिलायन्स एनर्जी कंपनीकडून विद्युत शुल्क आणि वीज करांची शिल्लक रक्कम व्याजासह वसूल करण्याची मागणी केली आहे. तसेच रिलायन्स वीज कंपनीच्या बँकेच्या खात्याचे ऑडिट करून जोपर्यंत सर्व प्रकाराचे शुल्क आणि कर वसूल होत नाही तोपर्यंत रिलायन्स वीज कंपनीच्या विक्रीस मान्यता देऊ नये, अशी मागणी गलगली यांनी केली होती पण अजूनही त्यावर कोणत्याही प्रकारची कार्यवाही झाली नाही उलट रिलायन्स कंपनीच्या अनिल अंबानी यांनी घाईघाईने अदाणी यांस वीज कंपनी विकून मोकळे सुद्धा झाले. आता 1452 कोटींची थकबाकीची रक्कम कोण अदा करणार आहे? यांचे स्पष्टीकरण अनिल अंबानी किंवा गौतम अदाणी यांसकडून महाराष्ट्र शासनाने घेत स्पष्टता करावी, अशी अनिल गलगली यांची मागणी आहे.

Sharing is caring!

You may also like

Read More

post-image
News महाराष्ट्र

एलईडी मासेमारी विरोधात मच्छिमार आक्रमक

रत्नागिरी – एलईडी मासेमारी विरोधात मच्छिमार आता आक्रमक झाले आहेत. याच विषयासंदर्भात रत्नागिरी, रायगड आणि सिंधुदुर्ग या तीन जिल्ह्यांची एक समन्वय समिती स्थापन करण्यात...
Read More
post-image
News देश

फुटीरतावादी यासिन मलिकच्या संघटनेवर केंद्र सरकारची बंदी

नवी दिल्ली – जम्मू-काश्मीरमधील फुटीरतावादी नेता यासिन मलिकला केंद्र सरकारने आणखी एक दणका दिला आहे. यासिन मलिकच्या ‘जम्मू-काश्मीर लिब्रेशन फ्रंट’वर केंद्र सरकारने बंदी घातली आहे....
Read More
post-image
News महाराष्ट्र

आजरा कारखान्याच्या कर्मचार्‍यांनी अध्यक्षांच्या दालनाला ठोकले टाळे

कोल्हापूर – आजरा साखर कारखाना कर्मचारी व सत्ताधारी मंडळींचा संघर्ष टोकाला गेला असून आज कर्मचारी संघटनेने बोलाविलेल्या बैठकीला अध्यक्ष अशोक चराटी व उपाध्यक्ष आनंदराव कुलकर्णी...
Read More
post-image
News न्यायालय महाराष्ट्र

कोरेगाव-भीमा हिंसाचार प्रकरण तेलतुंबडेंच्या जामीनावर 2 एप्रिलला सुनावणी

मुंबई – पुणे जिल्ह्यातील भीमा-कोरेगाव हिंसाचारामागे माओवाद्यांची सबंध असल्याच्या आरोपाखाली गुन्हा दाखल करण्यात आलेल्या प्राध्यापक आनंद तेलतुंबडे यांंच्या अटकपूर्व जामीन अर्जाची सुनावणी 2 एपिलपर्यंत...
Read More
post-image
News महाराष्ट्र

ट्रेकिंग करणार्‍या तरुणावर बिबट्याचा हल्ला

नाशिक – नाशिकच्या प्रसिद्ध पांडवलेणी डोंगरावर ट्रेकिंग करणार्‍या एक तरुणावर काल सकाळी बिबट्याने हल्ल्यात केला. वनविभागाने या परिसरात बिबट्याचा शोध घेतला परंतु बिबट्या हाती...
Read More